Lekutuak


2007ko otsailaren 21an
Bazterrera lekutu nahi dituzte, lekune sortu berrian itxurako ez direla eta. Euskaldunako untziolaren eta Labe Garaien gerizpean umil jarri ziren behin, gunea Olabeaga zenean. Orain berriz Abandoibarraren luzapena ei da, eta orduko itzala galdu dutenez eta Guggenheimeko eguzki berriaren aurrean biluzik agertu, lotsakizun seinalatu dituzte handiki guztiek. Olabeagako langile-familiak lekuz kanpo beren auzo izandakoan.
Domeinutik kanporatu dute, halaber, komunikazio-zientzien fakultateko ikasle euskaldunen web-gunea. Adierazpen askatasunean sinestun, ikasleek ez dute erreparatu komunikazio-uhin berrian: ez du askatasunik behar, obedientzia ez besterik.
Campusetik kanpo jarri dute, baita, bertan aspaldiko izan arren, handikiek ikasgelatan nahi ez duten irakaslea; gorriak eta beltzak ezagutu ditu irakasle kaleratuak, gose-greban zen bitartean, baina Euskal Herriko Unibertsitatea deitu eremutik extramuros jarri dute, akaboan bizkaitar-arabar-gipuzkoar ez diren euskaldun guztiak lekutu dituzten modu berean.
Lekune berriak sortzerako orduan kontuan hartu beharrekoa, ez dezagun etxeko inor kale gorrian utzi.


Azkenak
Paloma Castro (AEMET Nafarroa)
“Udaberria arrunta izan da eta uda ohi baino beroago izango da”

Ostegunean hasi da uda. Hartara, udaberriko eguraldiaren balorazioa eta udakoaren iragarpena egin du gaur AEMETek. Apirila 1961az geroztik hilabeterik lehorrena izan den arren, udaberri “arrunta” izan da eta uda ohi baino beroagoa izatea aurreikusi dute.


2024-06-21 | Sustatu
AA irudien lehiaketa batean tranpa, benetako argazkia aurkeztuta

Interneten oinarria duen argazkigintza lehiaketa batean, 1839 Color Photography Awards delakoan, tranpa gertatu da. Kategoria berezia sortu zuten 2024ko ediziorako, Adimen Artifizialeko irudiak aurkeztekoa, eta irabazleak tranpa egin zuen, argazki erreala aurkeztuta irabazi zuen... [+]


2024-06-21 | Gedar
Gasteizko Azkena Rock jaialdiko lan-baldintza miserableak salatu ditu Laneko Autodefentsa Sareak

Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.


Kike Diaz de Rada hil da, aktore, antzerki zuzendari eta idazle donostiarra

64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.


Eguneraketa berriak daude