Ez da txantxetakoa datorren irailera arte Eusko Jaurlaritzak aurkeztuko duen Estatutu proposamen berriak ekarriko duena, azken 25 urteotan euskal eta Madrilgo erakundeen arteko norgehiagoka politiko eta instituzional gogorrena biziko dela iragarri bailiteke. Ibarretxe lehendakariaren planak ez duela balio edo hutsune asko dituela iragartzen da sektore estatalistenetatik eta ezker abertzaletik ere, baina zalantzarik gabe egungo panorama politikoa astintzeko gaitasuna erakusten ari da. Madrildik mehatxu gogorrak datoz, eta Araba Troyako Zaldi bihurtu nahia ez da txikienetakoa. Espainiarekiko harreman juridiko-politikoak beste une historiko bat bizitzen ari dira eta uneak eskatzen duen maila agertzen ez duenak bere oraina eta, batez ere, etorkizuna du jokoan.