Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko apirilaren 24an
Ezpalak
Vianako Printzea desagertua
Nafarroako Kultura eta Turismo sailak egitura berria hartu du eta ondorioz, Vianako Printzea erakundea desagertu egingo da. Nafarroako Gobernuak egin dituen berrikuntzek eragin dituzte aldaketa horiek. Vianako Printzearen ardurak orain bi zuzendaritza orokorrek hartuko dituzte: Kultura Ondarea da bat eta Turismoa eta Sustapena bestea. Lehenengoa historia ondarea, agiritegiez, dokumentuen ondareaz, arkitekturaren ondareaz, ondasun higigarriez eta museoez arduratuko da. Bigarrenak berriz, liburutegietako zerbitzuak eta kultur eta argitalpen jarduerak hartuko ditu.
Eusko Jaurlaritzaren laguntzak
Eusko Jaurlaritzak, uda garaia aukeratu du kulturari emango dizkion diru laguntzen jakinarazpena egiteko. Oro har, dantzari 126.162 euro eskainiko dizkio. Horietatik 24.000 koreografia sorkuntzari eskainiko zaio eta 72.122 dantza ikuskizunen produkzioari, besteak beste. Bestalde, ikus entzunezkoen alorrak ere jasoko ditu laguntzak. Gidoien sorkuntza eta film luzeen nahiz laburren ekoizpenen garapena sustatzeko 1.236.000 euro emango ditu aurten Jaurlaritzak. Kopuru horrek iazkoarekin alderatuz, %50eko igoera islatzen du.
Musika klasikoa entzuteko bi hitzordu
Biolin eta antzerako tresnen soinu goxoak entzuko bi aukera ditugu egunotan. Bata Zumarragan, irailaren 6an, 13an, 20an eta 27an egingo den Antiguako XX. Musikaldiarekin eta bestea Iparraldean, Musique en Côte Basque festibal klasikoa Lapurdiko herri desberdinetan izango baita abuztuaren 31tik irailaren 6a bitartean: Donibane Lohizunen, Getarian, Ziburun, Angelun, Miarritzen, Azkainen, Baionan eta Urruñan. 1960. urteaz geroztik nazioartean ezagunak diren artistek hartzen dute parte festibal horretan. Aurtengo edizioan protagonista berezia biolina izango da.
Bidasoako Film Laburren Lehiaketa
Film laburrak protagonista izan dira Bidasoako Nazioarteko Film Laburren VI. Lehiaketan. Jaialdi hau urtetik urtera finkatuz doa gero eta gehiago. Aurten 63 laburmetraia erakutsi dira guztira Hendaian, Donezteben, Elizondon eta Beran. Lehiaketaren amaiera irailaren 10ean izango da Lesakako Zambra aretoan egingo den sari ematearekin. Xeberiano Txoperena, Bertizaranako Patzuergoko presidenteak argitu zuenez, «lehiaketa hau Bidasoari balio bat gehiago emateko sortu zen», Nafarroa iparraldean zinemak duen garrantzia ikusita.
51. Zinemaldia
Irailaren 18tik 27ra Donostiako 51. Nazioarteko Zinemaldia izango da. Aurtengo edizioak «Etorkizun Latinoa» izeneko sail berria izango du. Bestalde, Zabaltegi sailaren barneko Zuzendari Berriak sariketan hemezortzi zuzendari berrik hartuko dute parte, gehienak europarrak. Zabaltegi-Bereziak sailaren barne, Julio Medem Donostiako zuzendariak «Euskal pilota-La pelota vasca (La piel contra la piedra)» izenburua daraman euskal gatazkari buruzko dokumentala aurkeztuko du. Beste Jaialdietako Perlak izeneko sailean berriz, Bertolucci, Ivory eta Winterbotton zuzendarien filmak eskainiko dira, besteak beste. Oro har, aurten zuzendari gazte ugari izango dira Urrezko Maskorra lortzeko lehian.
Ekaingo haitzuloa.
Ander Zestona Ekaingo erreplikaren udal koordinatzaileak adierazi duenez, gutxi gorabehera bi hilabete barru esango dute noiz amaituko diren Zestoan kokatua dagoen historiaurreko kobazuloaren erreplikaren eraikuntza lanak. Badirudi, datorren urterako egon litekeela prest. Hala, inaugurazioa hitzartua baino hiru urte geroago izango da, arazo teknikoak direla-eta.
"Euskal musika" posta zerrenda.
Musika estilo guztiak bildu nahi dituen posta zerrenda bat sortu berri da. Bertan euskal musikaz eztabaidatu, talde berriak ezagutarazi eta kontzertuen datak bidal daitezke, besteak beste. Edonor balia daiteke posta zerrenda honetaz, hala nola, musikariak, musikazaleak eta diskoetxeak. Helbidea: euskalmusikayahoogroups.com eta web gunea: es.groups.yahoo.com /group/euskalmusika.
Rocka Gasteizen.
«Azkena Rock Festival» jaialdiaren bigarren edizioa egingo da irailaren 12an eta 13an Gasteizko Mendizorrotzako polikiroldegian. Bertan, Iggy Pop taldeak parte hartuko du. Taldeak Euskal Herrian kontzertua eskainiko duen lehen aldia izango da . Talde honetaz gain, Cracker, The Cramps, Dictators, Hermano eta The Jayhawks taldeak arituko dira, besteak beste.
Irakurrienak
Matomo erabiliz
#1
Asier Iturralde Sarasola
#2
Gorka Peñagarikano Goikoetxea
#3
Asier Blas Mendoza
#4
Maite Díaz de Heredia Ruiz de Arbulo
#5
Mati Iturralde
Azkenak
2024-04-24
Mikel Garcia Idiakez
Jaioberrien orpo-proban gaitz gehiago aztertzera behartuko du Osakidetza Espainiako Gobernuak
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
2024-04-24
Juan Aldaz Arregi
Athletic zuri ta gorria, zu zara nagusia, baina zertan?
Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)
2024-04-24
Mikel Garcia Idiakez
Neskak eta ikasketa zientifikoak: 6 urteetatik unibertsitatera bitarteko harreman gatazkatsua
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
2024-04-23
Zigor Olabarria Oleaga
Gazara bihar abiatuko dela iragarri du Askatasunaren Ontzidiak, Israel, Alemania, Erresuma Batua eta AEBen “presioen” gainetik
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
Eguneraketa berriak daude