Argitalpenak
Berebereen alfonbra
Iñaki Irasizabal
Hiria
116 orrialde
9,50 euro
Iñaki Irasizabalen nobela beltza
Hiria argitaletxearen eskutik Iñaki Irasazabalek kaleratu duen "Berebereen alfonbra" izenburuko nobela beltza bere bigarren argitalpena da, eta Bilbon zein Marokon dago kokaturik. Hain zuzen ere Bizkaiko hiriburuan ezagutuko du protagonistak bizitza osoa aldatuko dion neska. Izugarri maite duen arren, ez du haren iraganaz eta etorkizunerako itxaropenez gehiegi jakingo; baina bai Egiptora joateko irrikitan egonik, bidaia hori egiteko txartelak hartu dituen egunean ezin zezakeela bere burua etxeko leihotik bota argi eta garbi izateko adina. Nork behartu zezakeen neska horretara ez daki, ordea, eta horixe argitzeko asmoz abiatuko da mutila bere maiteñoa izandakoak hainbestetan aipatzen zuen Marokoko herrian zertan ibilia zen ikertzera.
Egile berrientzako literatur lehiaketak (2002). Saritutako lanak
Batzuen artean
Iruñeko Udala
137 orrialde
6 euro
Iruñeko Udalak 2002an saritutako gazteen lanak
Urtero bezala, iaz ere antolatu zituen Iruñeko Udalak egile berrientzako espreski eratutako euskarazko narrazio laburren, olerkien, bertso-paperen eta haurrentzako antzerkien lehiaketak eta baita Artista Gazteak deitu arte lehiaketa ere, eta hain zuzen haietan sarituak gertatu zirenen lanak kaleratu ditu liburu honetan. Hau da, Daniel Martirenaren "Itsasoa pote batean", Dabid Anauten "Beste morfema bat, mesedez", Garazi Garciaren "Ahots baten beroa", Iñaki Berzalen "Ahur bete zizakadura", Fer Izquierdoren "Sasoi ilunen melodiak", Julen Zelaietaren bertsoak eta Xabier Díaz Esarteren haurrentzako antzerkia, Myrian Paz, Elena Urdaci, Nerea de Diego eta Aitor Lecumberriren ilustrazioak lagun dituztela.
Dadahwat
Batzuen artean
Elkar / Argitaletxe Elkartuak
48 orrialde
6 euro
Ipar Amerikako kondairak
Hamar urtetik aurrerako irakurleei zuzendua dago Ipar Amerikako indiarren zenbait kondaira jasotzen dituen liburu hau. Bide batez, Amerikako jatorrizko biztanleen kokagune geografikoak zehaztu eta haien gizartea, erlijio animista, historia, hizkuntzak, kulturak eta egungo egoera laburbiltzen duten hainbat xehetasun eskaintzen dira bertan. Miquel Desclotek, Herminia Masek eta Josep-Francesc Delgadok bildu eta Antton Planok euskaratu dituen kontakizunok -"Eguzkia ekarri zuen koiotea", "Eguraldi ona lapurtu dute", "Marrubi goiztiarrak", "Ostadar sugea", "Igebelar zuria" eta "Igarabaren adiskidetasuna"- naturarekiko armoniaz, lurrarekiko eta animaliekiko begiruneaz eta esker onaz mintzo dira, eta baita maitasunaren, lagun izatearen eta barkamenaren garrantziaz ere.
Behinola
Batzuen artean
Galtzagorri
elkartea
103 orrialde
6 euro
Haur Poesia Biltzarrekoak
Galtzagorri Elkarteak plazaratzen duen "Behinola" haur eta gazte literatura aldizkariaren azken zenbakiak iaz Donostian egin zen Haur Poesiari buruzko biltzarrean aurkeztu ziren zenbait ekarpen biltzen ditu, besteak beste. Sarrerakoa Anjel Lertxundirena da, eta jarraian eskaintzen direnak Ana Pelegrin, Miquel Desclot, Antonio García Teijeiro eta Juan Kruz Igerabiderenak. Era berean, aipatu biltzarrean izan zen mahai-ingurua ere jaso dute, eta poesia errezitaldian irakurri ziren poemetako batzuk ere bai, Miquel Descloterenak katalaneraz eta gazteleraz, Antton Kazabon, Juan Kruz Igerabide eta Jon Suarezenak euskaraz, eta Antonio García Teijeirorenak gailegoz. Gainera, hitzatze gisa, Marijane Minaberryren poema ilustratua aurkituko duzue.
Txomin Amonarekin hegazkinean
Liesbet Slegers
Ibaizabal
26 orrialde
5,24 euro
Txikienentzako liburu bereziak
Ibaizabal argitaletxeak etxeko txikienentzat plazaratu duen "Txomin" bilduma liburu oso bereziz osatua dago. Orrialde garbigarriak dituzte eta ertz biribilduak, haurrek minik har ez dezaten. Txomin dute guztiek protagonista, bere irakurleak bezain txikia den mutikotxoa. Eta jakina, haur baten hitz eta begiekin kontatzen ditu Txominek berari gertatzen zaizkionak. "Txomin. Amonarekin hegazkinean" liburutxoan, han doa mutiko hori amonarekin oporretara, bere maleta eta guzti. Hegazkinean doaz, eta poz-pozik dago gure Txomin horregatik. Baina hegazkinak gooora! egiten du, eta txikiak beldurra sentitzen du... amonak hartza goxo-goxoa ematen dion arte.
Karmel
Batzuen artean
Euskal Herriko Karmeldarrak
127 orrialde
/ 11,50 euro urteko
Gogoetak eta literatur lanak "Karmel"en azkenengoan
Euskal Herriko Karmeldarrek plazaratzen duten "Karmel" hiruhilabetekariaren azkenengo zenbakian, Itxaro Bordaren hainbat olerki eta Lauaxetak gazteleraz idatzi zuen "Aititaren fusila" kontakizuna Joseba Aurkenerenak euskaratua eskaintzeaz gainera, besteak beste, lan hauexek azaltzen dituzte: Patxi Uribarrenen "Euskalduntzeari buruzko zenbait gogoeta", Andres Urrutiaren "Arauzko testuak euskalkien tradizioan: San Frantziskoren Hirugarren Ordena" eta Lontzo Zugazagaren "Eliza eta euskara".
Testu hautatuak euskal estetikaz
Paulo Iztueta
Utriusque Vasconiae
141 orrialde
13 euro
Kritika literarioaren lehen saioak harrotuz
Aitzol, Lauaxeta eta Orixe aukeratu ditu Paulo Iztuetak Gerraurreko garaia kritikaren ikuspuntutik aztertzen duen trilogia bat osatzerakoan. Orixeren lanak biltzen dituen "Euskal literaturaren historia laburra" deitu liburukia izan zen bere lehena; "Kritika literarioaren lehen saioak (1926-36)" izenburua du bigarrenak -non Gerraurrean euskal literaturaren gainean izandako eztabida harrotzen duen, une hartan indarrean zeuden literatur iritziak jaso eta aztertuz-. Eta hain zuzen, liburu hau osatzerakoan ohartu zen Paulo Iztueta beste hirugarren argitalpen bat paratu beharrean zela, irakurleak iturri zuzenetik jakin zezan kritikari nagusiek sostengatzen zituzten tesiak zein irizpidetan oinarriturik zeuden. Eta helburu hori betetzera dator "Testu hautatuak euskal estetikaz" liburukia. Paulo Iztuetaren iritziz, Aitzol, Lauaxeta eta Orixeren hainbat lan jasotzen dituen liburu hau irakurriz errazago ulertuko dira Gerraurreko euskal literaturgintzan nabarmendu ziren ildo berriak -edo zaharrak, edo zaharberrituak-, eta herri literaturaren eta literatura landuaren arteko zein literatura klasikoaren eta modernoaren arteko dikotomia.
Adimen artifizialarekin garatutako tresna bat da IA-Speak. Bi erabilera nagusi izanen ditu: mintzamena itzultzen duen gailu bat eta erabiltzaileen mintzamena aztertzen duen plataforma bat.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Fitxa: Musika Hamabostaldia. Victoria Eugenia Zikloa. Mitsuko Uchida (pianoa).
Egitaraua: Beethovenen hiru azken sonatak.
Lekua: Donostiako Victoria Eugenia Antzokia.
Data: abuztuaren 18a.
Mitsuko Uchidak Musika Hamabostaldia bisitatzen duen hirugarren aldia da. Bere estiloak... [+]
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.