Argitalpenak
aurre egingo dieten hedabide independenteak
Haydn-en loroa
Felipe Juaristi
Aizkorri
110 orrialde
6,95 euro
"Bizi, Irakurri 2002" saria
Everest argitaletxeak antolatutako "Bizi, Irakurri 2002" lehiaketako lehen saria irabazi zuen Felipe Juaristik "Haydn-en loroa" nobelarekin. Udako goiz batean Zarauzko hondartzan hondoratzen den zorigaiztoko itsasontziak barnean daraman ezohiko zama eta horrek guztiak herrian bizi direnei ekartzen dizkien ezustekoen inguruan diharduen narrazioa da. Izan ere, zer ez ote zen atera tripulaziotzat kapitaina eta bi itsasmutil besterik ez zituen herdoilak jotako burdina puska hartatik. Tximu, loro eta kolore guztietako txoriez aparte, larru beltza diz-diz zeukaten nekatu itxura nabarmeneko gizon-emakume eta haur mordo bat ere ez zen, bada, handik atera! Baina gauza gehiago ezkutatzen zituen oraindik Zarauzko hondartzan hondoratutako itsasontzi hark.
Beste sexualitateak (Sexu-aniztasunerantz)
Batzuen artean
Gaiak
200 orrialde
Sexualitatea garai eta kultura ezberdinetan
Bere izena adieraztera ausartzen ez den maitasuna omen da sexu bereko pertsonekin harremanak izatea gustuko dutenena. Aldiz, makina bat hitz asmatu izan dituzte menderik mende lesbianak eta gayak izendatzeko beren sexu aukera dela-eta haien aurka zeudenak (eta zoritxarrez oraindik ere horrela daudenak). Gaiak argitaletxeak plazaratu duen "Beste sexualitateak (Sexu-aniztasunerantz)" izenburuko liburuan jokabide sexualek garai eta kultura ezberdinetan izan duten trataera aztertzen da, desira homosexualak ere baudakalako bere historia, sexu bereko pertsonen artean erakarpena sentitzea gizakia bezain zaharra delako, nahiz horrela sentitzen dutenak gehienetan baztertuak eta zigortuak izan diren.
El cálido julio del treinta y seis
Gaizka Arostegi
Ttarttalo
149 orrialde
13 euro
Gerraren hasiera Erriberan
Nafarroako Erriberak 1936ko gerra ankerraren hasiera nola bizi izan zuen irudikatu du Gaizka Arostegik "El cálido julio del treinta y seis" nobelan, harantz-honantz dabilen antzerki konpainia xume bat ardatz harturik. Urtero bezala iritsi da konpainia hori herrixka batetara, bideetako hauts eta neke guztiak gainean dituela. Eskuartean duten lanarekin bere arrakastatxoa lortzeko itxaropentsu dira antzezleak, hala ere. Beraien artean, gainera, taula gainean lehen aldiz agertuko den hamairu urteko mutiko bat dago. Baina uztailaren 18 sargori horretan kezka ugari aurkituko dute hain arretatsuak izan ohi diren herritarren artean, kazike eta faxisten handikeria dela-eta gauzak ez baitoazkie oso ondo, eta hori gutxi balitz jakin dute militarrak Errepublikaren aurka altxa direla.
Euskalkia eta hezkuntza.
Juan Luis Goikoetxea Arrieta
Euskaltzaindia
282 orrialde
12 euro
Euskalkia irakaskuntzan
Euskaltzaindiak kaleratu duen Juan Luis Goikoetxea Arrietaren lan honen izenburu zehatza "Euskalkia eta hezkuntza. Dakigunetik ez dakigunera euskal diglosia irazian" da, eta hain zuzen ere euskalkia irakaskuntzan dauka gaitzat. Nolanahi ere, Juan Luis Goikoetxea Arrietaren tesian lehen hizkuntza euskara duten ikasleak hartzen dira kontuan, etxetik euskaradun izanik -euskalkidun ere, beraz- eskolaratzen diren neska-mutikoen hitz egiteko era baitu ikertzaileak bere lanaren ardatz. Euskal Herri osoko ikasle euskaldunak hartu ditu aztergai, baina bereziki bizkaieran zein bizkaieradun ikaslean jarri du bere arreta. Dena den, tesiaren helburua ez zaio inongo euskakiri lotzen, etxetik euskara dakarren oro delako aintzat hartua.
Norak suhiltzaile izan nahi du
Arantxa Iturbe / Elena Odriozola
Elkar
43 orrialde
6,45 euro
Txikitan aukeratutako eginkizunaren alde
Bada oso txikitatik heldua izandakoan izan nahi duena erabakirik duena. Horrelakoxea da Nora, Arantxa Iturbek idatzi eta Elena Odriozolak marraztu duen istorio honetako protagonista. Suhiltzaile izan nahi du berak, New Yorken bizi den osaba bat bezala. Familia osoa aurka du, ordea. Amak ez du kontu hori entzun ere egin nahi, eta aitak beste hainbeste. Osaba Tomax zen bere alde egiten zuen bakarra, baina horrekin ere jai du orain, itxura guztien arabera, asko hazi dela eta suhiltzaile izatearen txorakeria horiek uzteko garaia duela esan diolako Norari. Nola liteke osaba Tomaxek hori esatea? Zur eta lur gelditu da neskatoa, baina ez amore ematekotan.
Kapak eta Letaginak
Ayroles / Masbou
Jean François Sauré
46 orrialde / 15 euro
Kortsario eta piraten artekoak agertzen dituen komikia
Beti altxorraren bila dabiltza Alain Ayroles eta Jean-Luc Masbouren artean osatutako "Kapak eta Letaginak. II Ekitaldia: Bandera beltza!" komikiaren protagonistak: kapare espainiarra, kortsario berberea, aitoren seme frantsesa eta untxia. Oraingo honetan uharte Tangerinoetarantz abiatu dira, baina ekaitzek zigortutako artxipielago horretara iritsi aurretik, piratekin egingo dute topo. Eta jakina, piratek badakite alaiak izaten, baina baita krudelak ere etsaiarekin aurrez aurre aurkitzen direnean...
Munstro abertzalea
Ignazio Aiestaran
Elkar
140 orrialde
11,25 euro
Euskara maitalea duen poetaren gogoetak
Euskalduna izatea ez dela batere erraza erabakitzen du Joxe Azurmendik Ignazio Aiestaran Uriz iruindarraren "Munstro abertzalea" poesia liburuan agertzen diren olerkiak irakurtzerakoan egindako gogoetak jasotzen dituen epilogoan. Egileak, bestalde, Filosofia irakasten du EHUn, eta orain arte gai horren inguruko saioak idatzi izan ditu batik bat. Baina azken lan honetan poesia aukeratu du barruan bueltaka dabilzkion kezka kontraesankorrak azaltzeko, ama hizkuntza gaztelania eta amaordea ingelesa izan arren, euskara bere maitalea duen gizon honek. Eta ezer baino lehen "munstro" hitzak hiztegian dauzkan adiera guztiz bestelakoak jasotzen ditu zehatz-mehatz, bere burua aurkezterakoan xehetasun hauek agerian uzten dituen Ignazio Aiestaran Urizek: Frantsesen artean espainiarra, eta espainiarren artean baskoa omen dela. Baskoen artean nafarra, eta nafarren artean putobaskoa den bezalaxe. Eta erdaldunen artean euskalduna, eta euskaldunen artean euskaldun berria. Jeltzaleen artean abertzalea, eta abertzaleen artean situazionista. Eta eskuindarren artean ezkertiarra, eta ezkertiarren artean anarkista.
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
.JPG)
7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Zer: Euskadiko Orkestra
Zuzendaria: Diego Martin-Etxebarria. Easo Abesbatza
Zuzendaria: Gorka Miranda
Bakarlariak: Arantza Ezenarro, Gillen Munguía, Marifé Nogales, Lucía Gómez, Juan Laborería, José Manuel Díaz, Darío Maya, Luken... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Russell mendian gertatu da ezbeharra, amildegi batetik jausita. Gaztea Iruñekoa zen.
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Asteko albiste nagusietako bat izan da, zalantzarik gabe: ehuneko 50eko muga-zerga ezarri die Trump administrazioak Indiatik datozkien esportazioei. Brasilekin parekatuta, zerga estatubatuar astunenak pairatu beharko dituen ekonomia handia izango da, aldaketarik ezean,... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]