EGURRA LEPO BERETIK
UPN gobernuan izango da eta CDNk sostengatuko du. Lasai aritzeko moduan dira erdia baino bi eserleku gehiago baitituzte bi alderdien artean. PSNko Juan Jose Lizarbek jarraitzen du oposizio guztia bildu eta gobernua eratzeko ahaleginean, baina dauden aukerak ikusita nahiko modu etsian. Lepo beretik dator, beraz, Nafarroako Gobernu berria eta berdintsu esan liteke bideratuko dituen politikei buruz
Espero baino emaitza dexente eskasagoak lortu ditu PSNk gobernu alternatiba eratzeko, areago kontuan hartuta parte-hartzea ia sei puntu handiagoa izango dela. Alde horretatik UPN ere berdintsu mantendu da botoetan, baina aldeko abagune batean 99koa baino emaitza kaskarragotzat hartuko litzatekeena, estatu mailan PPri iragartzen zitzaion beherakada kontuan hartuta garaipena bihurtzen da, batez ere CDNrekin batera aurreko legealdian baino lasaiago gobernatu ahal izango duelako. Iruñeko udalean Yolanda Barcinaren kudeaketak -Gazteluko Plaza dela eta batez ere- zigorren bat izan zezakeela pentsatzen zuten askok, baina ezta gutxiago ere, gora egin du boto eta zinegotzitan.
Nafarroako beste zalantza handietako bat Aralarren emaitzak ziren eta honek lau parlamentariorekin indarrez egin du bere sarrera Legebiltzarrean, Aralar nagusiki Nafarroako alderdia dela erakutsiz. Aralarrek EHk 1999an (47.190 botu) lortutako emaitzaren erdia ia bereganatu du, eta Aralar, Batzarre eta AuBren artean 51.000tik gora boto lortu dituzte. AuBren botoak baliogarriak izan balira hiru eserleku lortuko zituen Foru Legebiltzarrean. Batzarrek, ordea, 1995ean baino ia 1.400 boto gehiago lortu badu ere, ez du ordezkaritza izateko beharrezkoa den botoen %3 lortu. Dena den, Batzarrek Nafarroan bere ordezkaritza ondo finkatuta duela erakusten du. Aralar eta Batzarre batera aurkeztu izan balira eta orain lortu dutena lortuz, Nafarroako hirugarren indar politikoa lirateke. Denak ere oso kontuan hartzeko datuak, Nafarroan politika ezkertiarra eta abertzalea egin nahi dutenentzat.
Gora egin duen beste indarra EA-EAJ koalizioa da, botoetan ez horrenbeste (2.000 boto) baina bai ordezkaritzan (bi zinegotzi eta parlamentario bat). Abertzaletasunak, oro har, ia 75.000 boto lortu ditu Nafarroan, AuBren baliogabeak barne, Legebiltzarrerako inoiz lortu duen boto kopururik handiena, nahiz eta eserlekutan hiru eserleku galdu dituen 1999arekiko.
Gobernatze aldetik ez da aldaketa handirik Nafarroan eta pentsatzekoa da UPNk bere politika eskuintiarra eta euskararen aurkakoa biziberritua bideratu ahal izango duela. Matematikoki eta beste perspektiba politiko batean, posible zatekeen Iruñeko alkatea CDNkoa izatea eta Nafarroako Gobernuko lehendakaria PSNko Juan Jose Lizarbe. Oraingoz, ordea, halakoetan pentsatzea politika fikzioaren eremukoa dela dirudi.
Bilboko Errekalde auzoko igerileku batean gertatu zen ezbeharra. Larrialdi zerbitzuek erreanimazio lanak egin zizkioten adin txikikoari, eta Gurutzetako ospitalera eraman zuten; hiru egunetara hil egin da.
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
.JPG)
7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]