BERDEAREN LOTSA


2007ko otsailaren 21an

Ongarriketari tamaina hartzeaz aritu nintzen lehengo astean, nitrogenoa erruz duten minda, simaur berri eta ongarri kimikoetaz juxtu. Nitrogenoak batez ere landareen berdea belztuz, hostaila, egurra eta abar sustatzen dituela aipatzen nuen. Belztutako hari berdeari tiratzeko aitzakia emana dit gaur ezezagun batek.
Lorontzietako kartzelatan mimatzen ditugun landareen ongarriketaz galdetu zidaneko irribarretxoaz ifrentzikatutako galdera zela adierazten zidan... Landare ugari aipatu ondoren esparragerari lotu zitzaion. Lore xuri ttikia edota pinporta gorriagatik baino bere adar berde dotoreengatik dira ezagunak esparragerak. Azkenean azaldu zen galderaren aurkia: inon ez duela ezagutu etxekoak bezain mardul hazten den esparragerarik... Nire galdera, ea non zegoen kakoa. Erantzuna matrailak gorritzearekin eta sorbalden ezinegon pinttarraren ondoren etorri zen: bere pixa nahasten dio ureztatzeko urari! Gernuan botatzen dugun nitrogenoaren indarra!
Trikimailu honek ere badu bere ifrentzua: esparragera sendabelar gisa gernua eragiteko eta gernu bideko infekzioei aurre egiteko erabiltzen da.


Azkenak
Ukrainak Europar Batasuneko armamentuarekin Errusiako lurraldeari eraso egitea babestu du Borrellek

Borrellen hitzak azken asteotako eskalada elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua Errusiako lurraldearen aurka erabiltzeko baimena ematen dioten... [+]


Herriari bizitza ematen dion Zigako eskolak itxi egin beharko du ume faltagatik

Lehen Hezkuntzako adin ezberdinetako zortzi ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume... [+]


2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Eguneraketa berriak daude