Ez genuen gauza erraza ikusten. Gure galdera zen: "Nola liteke ibili eta gainera dirua ipini?" Ezinezkoa zirudien. Baina ez zen horrela gertatu eta arrakasta handia izan zuen. Ikastolaren eguna ez zen dirua biltzeko bakarrik sortu. Euskaldunon ikastolari indarra emateko baizik.
Antolakuntzan jende askok parte hartu zuen. Bailarako herri desberdinetatik hona etortzen ziren ikastera haurrak: Zaldibi, Ataun, Lazkao, Zegama, Segura, Legorreta, Alegi, Ormaiztegitik… Jende piloa biltzen zen hemen lan egiteko eta denen artean sortutako zerbait izan zen.

Urtebete daramagu hau antolatzen. Baina ez bakarrik Kilometroak 01-en egun hori. Urte osoan ere ekitaldiak egon dira.
Lehen Kilometroak egin zenean, beste giro bat zegoen. Beasain, Lazkao, Segura, Zegama eta abar lanean aritu ziren. Oraingoan berriz, bakarrik Beasain da. Baina helburua bera da: diru beharra.

Eguraldi bikaina, ezinhobea egin zuen. Euskal Herrian ikastolen alde inoiz egindako lehen festa, ekitaldirik jendetsuena izan zen 1977ko ikastolaren eguna.
Ibilaldia Lazkao eta Beasain bitartean egin zen. Sei bat kilometroko ibilaldia izan zen gutxi gora behera. Adin guztietako jendea zegoen. Gaztetatik hasi eta 80 urtetik gorako jendea inguratu zen. Gazteenak, Xabier eta Garikoitz, 28 egun zituzten bikiak izan ziren.

Dena ondo irtengo dela uste dut. 1.977koa bataioa izan zen bezala, orain konfirmazioa dator. Bataiatuta gaude eta jada pixka bat handiagoak egin garenez, edo zentzu gehiago daukagunez, konfirmazioa egingo dugu