PASIOA AZALEAN

  • Edozein egituratan gora hazten den landarea da pasio-lorea. Eguzkia, lur beltza eta nahi adina ur izanez gero, lore ugari emango du. Fruituekin, berriz, likore ederra egin daiteke.

2007ko otsailaren 21an
Bero, bero joan da bai azkenaldi hau. Eta beroak azala bistaratzen du eta azalean dena tatuatua azaltzen da, nahi gabe ere. Tatuai hauen topografia aldatu eta oilo-ipurdiaren tektonika abia arazten didan landareetako bat da pasio-lorea (Passiflora coerulea).
Pasio-lorea aspaldidanik ezagutzen da baserri atari eta baratzetako lorategietan. Landare igokaria da eta bertan samar harrapatzen duen beste landare edo edozein egituratan gora azkar hazten da. Landare dotore hau babeszalea da, hotza ez zaio gustatzen, ezta eguzki-galda ere. Gehienekin bezala tokiarekin asmatzea da zailena adiskide honekin. Ahal izanez gero ekialdera, goizeko eguzki goxo baina meheari begira, arratsaldeko erreduretatik urrun, eta teilategala edo antzekoren baten babesean jar ezazu. Lur beltz ona eta nahi adina ur izanez gero pasio-loreak lore andana zabalduko du egunero, ilunabarrean bildu eta ezkutatzeko. Urte erdi beroena loreak eman eta eman. Lorea izugarria da. Ile more, ubel, laru eta horiak, eta egitura sexual zintzilikari deigarriak ditu eta errematerako usain fin paregabea.
Jesukristok pairatutako pasioko arantza-koroa gogora arazten omen duten ileen egitura borobiletik eta estamine zintzilikarioen gurutze-formatik omen datorkio pasio izen hori. Lore hauek garatzen dituzten laranja koloreko fruitu borobilekin likore ederra egiten da, pasioaren likorea. Usaina, formak, likorea... horiek bai pasioa azaleratzen dutela. Oilo-ipurdian .


Azkenak
Amurrioko Udalak dirulaguntza kendu dio Aiaraldea Komunikabideari

Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]


Maitena Duhalde hizkuntzalaria:
“Lapurdiko itsas hegian egun 80-90 urte duen belaunaldiaren hizkera deskribatu dut”

Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]


2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]


Eguneraketa berriak daude