HARROTXO

  • Ipomeak uda bere beroenera heltzean zabaldu ohi ditu lore urdin-ubelak. Oraingoan, hala ere, ezin izan du aprobetxatu gabe utzi neguko udalditxoa.

2007ko otsailaren 21an
Udazken hotz eta uretan beratu baten hondarreko historikoa zirudien azken ilargialdia aspaldiko urtetan ez bezala urdindu du hego-haizeak. Maka-hutsik ibili gara eta haize punttua duten landareak ere udaberria iritsi delakoan, beherapenei itxaron gabe, kolore bizieneko lorez janztera jo dute. Gereziondo eta udareondoren bat, muxikak, mimosa goiztiarrenak eta abar. Batzuk ustekabeko eguberri-arbola ditugu aurten.
Neguan eskiatzaileak bezala, uda beroenean gogaikarri jartzen den landare bat izan dugu abenduko beroaldian harro. Ipomea, alegia. Urtebetez bizitzen den igokaria da landare hau. Bihotz itxurako hostoak hedatuz igotzen da landare edo harrapatzen duen edozeren gainera eta uda bere beroenera heltzen denean onil antzeko lore urdin-ubelak harrotxo zabaltzen ditu. Gero eguna mozten denean, haziak gogortu eta landarea zimeldu egiten da. Jaioko dira berriak. Oraingoan, hala ere, zimeltze aldera abiatu ondoren ezin aprobetxatu gabe utzi abenduko udalditxoa eta loretara eman da. Urteko egunik motzenok iragartzen diguten ondorengo neguan termometroak bere onera etortzean, Konpaxako Mertxek dion eran "a zer nolako jipoia hartu behar duten". Txoramen gozoa harro-haizeak tindatzen duenean trabesa galtzeko arrisku ederra ipomearena... baina luxuzko eguraldi luxuriotsu hau ez da aldatzen eta Mertxerekin batera neronek galdu behar ote dut trabesa?... Potzolo mozoloa ni.


Azkenak
Amurrioko Udalak dirulaguntza kendu dio Aiaraldea Komunikabideari

Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]


Maitena Duhalde hizkuntzalaria:
“Lapurdiko itsas hegian egun 80-90 urte duen belaunaldiaren hizkera deskribatu dut”

Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]


2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]


Eguneraketa berriak daude