BIZKAIKO KULTUR ITSASUNTZIAK EUSKAL KARGAMENTUA BEHAR DU
- Ekainaren lehenetik 4ra bitarte, Bizkaiko Udaberriko Euskal Jaiak burutuko dira Bilbon. Euskal Jai hau Bizkaiko Manexak elkarte berriak antolatutako lehen ekitaldia besterik ez da. Bizkaian euskal kulturak behar duen tokia har dezan sortutako elkartea da hau.
aurre egingo dieten hedabide independenteak
Elkartea eta bere proiektua, hala ere, iazko Bilboko jaietatik aurrera hasi zen gorpuzten. Irkus Robles izan zen iazko pregoilari eta Bilboko kultur giroa gertutik ezagutzeko parada izan zuen orduan, euskal kulturari zein toki txikia uzten zitzaion ikusteko parada. Jai Batzordeko eta bestelako kultur elkartetako hainbat kide bildu zen orduan gaiaren inguruan. Bilboren irudia mundu guztira zabaltzen ari zela ikusi zuten; irudi kosmopolita eta modernoa, baina herri kulturari eta hizkuntzari lotua ez zegoena. Irudi horretan elementuok txertatzeko lehen pausoa izango da aste honetako Bizkaiko Udaberriko Euskal Jaia.
XX. mende hasierako tradizioak berreskuratzea erabaki zuten horretarako: lore jokoak, euskal jaiak... Eta lau egunetan zehar dantza, musika, bertsoa eta kirola uztartzen dituen programa eramango dute aurrera. Datozen urteetan jaialdi hau maiatzaren bigarren hamabostaldian burutzea da asmoa. Aurten, ordea, zertxobait atzeratzea erabaki dute data horietan dagoeneko ekitaldi mordoa izan delako (Dantzari Eguna, Ibilaldia...). Lehen jaialdi hau Bilbon egingo da, baina aurrerantzean euren ekintzak Bizkaia osoan zabaltzea dute xede. Bilbo aukeratu izanaren arrazoiak azaldu dizkigu Patxi Gaztelumendi elkarteko komunikazio arduradunak: "Kanpora esportatzen dugun itsasuntzia da Bilbo, horregatik Bilbo euskal kulturaz hornitu behar dugu". Kontuan izan dute gainera Bilboren 700. urteurrena ari dela ospatzen aurten eta ospakizun horietan euskal kulturak apenas duela presentziarik.
Kafe Antzokiak, Arriaga Antzokiak eta Guggenheim Museoak erakutsitako jarrera positibotzat jotzen du, halaber, elkarteak eta egitarauak hiru espazio hauek uztartzea lortu duela azpimarratu. Gaztelumendiren esanetan, "Guggenheim egina dago. Orain lortu behar duguna euskaldunok bertan ahalik eta ekintza gehien egitea da". Bide horretatik, datorren igandeko lore jokoez gain, Gabriel Arestiri bere heriotzaren 25. urteurrenean egingo zaion omenaldia ere Guggenheimen burutuko da.
Aurrera begira, elkarlana bultzatu nahi dute Bizkaiko Manexak elkartekoek. Bizkaiko gainontzeko kultur elkarteei euren laguntza eskaini nahi diete (finantziazio kontuetan, adibidez) lurralde osoan ekitaldiak bultzatzeko.
Egun dozena erdi lagun inguru dabil euren borondatez (musutruk, beraz) proiektu honetan lanean. Baina taldeko komunikazio arduradun Patxi Gaztelumendik esan duenez: "Ilusioa pizten ari da eta bide lagun berriak topatzen ari gara". Datorren urterako elkartea handitu egingo dela espero dute. Oraingoz, datozen egunotako ekitaldietan parte hartzeko deia luzatu dute
Ekainak 1, osteguna: Juan Carlos Perezek kontzertua eskainiko du Kafe Antzokian gaueko 20:00etan. "Ikaro" izenburuko azken laneko kantuez gain, "Atlantic River" eta "Hau berua" diskoetako errepertorioa ere izango da entzungai. Sarrera: 800 pezeta.
Ekainak 2, ostirala: Mikel Laboaren kontzertua izango da Arriaga Antzokian gaueko 22:00etan. Sarrera: 2.000, 1.500 eta 1.000 pezeta.
Ekainak 3, larunbata: Arratsaldeko 17:00etan profesional mailako pala eta zesta punta partiduak jokatuko dira Club Deportivo pilotalekuan.
Gaueko 21:00etan J. A. Urbeltzen Euskal Balletak "Alakiketan"euskal dantza ikuskizuna eskainiko du Arriaga Antzokian. Sarrera: 2.000, 1.500 eta 1.000 pezeta.
Ekainak 4, igandea: Jaien egun nagusia. Lore Jokoak izango dira Guggenheim Museoko esplanadan. 12:30 etan "Atzokoak gaurkoen bidez" bertso antologia izango da entzungai Jon Enbeita, Xabier Euzkitze, Iñaki Murua eta Erramun Martikorenaren eskutik. 14:30etan herri bazkaria izango da eta 17:00etan dantza jaialdia. Bazkari txartela: 1.500 pezeta
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
Caddo hizkuntza gorde eta biziberritzeko ahaleginean ari den ekintzailea da Alaina Tahlate. AEBetako jatorrizko caddo herriko hizkuntza hori jario oneko hiztun bakarrarekin gelditua zen: Edmond Johnson, 95 urteko hiztunarekin. Tahlate gazteak aitortu zion estutasunez bizi zuela... [+]
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.