TOLOÑOKO MENDIZERRAN, LANDARE AUSARTAK GAILURRETAN

  • Toloñoko mendizerra Arabako lautadak eta Ebroko ibai izugarriak sorturiko harana bereizten dituena da. Bi mundu edo bi unibertsoen artean eginiko horma dirudite mendi hauek. Euskal Herriko lurmutur bati bizkarra ematen dio edo bertako altxorrak ezkutatzeko eginiko hesia dirudi. Araba Errioxako mahastiak dira altxorrak, gaur egun harri bitxien prezioa dutenak. Europako hotzak eta hezetasunak Mediterranio inguruko udako lehorte bortitzekin talka egiten duten gunean daude mendi hauek. Trantsizioko mendiak omen dira, naturan ez delako dena zuria edo beltza, baina gris ilunak eta zuri zikinak izanik ondo bereizten dira haranak eta bakoitzaren ezaugarriak.

2000ko maiatzaren 21ean
Inoiz baino beharrezkoagoak dira eskuin muturraren gezurrei
aurre egingo dieten hedabide independenteak
Herrera mendatea izango dugu abiapuntua. Toloñoko mendiak igaro eta bertatik urruntzeko erabiltzen den errepidea, bertara hurbildu eta berarekin bat egiteko erabiliko dugu. 1.100 metroko altuera duenez ez dugu maldan gora izerdi handirik isuriko, indarrak bertako bizidunak aztertu eta bidea aurkitzeko beharko ditugu. Utzi autoa edo bizikleta mendateko aparkalekuan eta hasi dezagun txangoa. Errepidean hegoalderantz kilometro eta erdi aurrerago ezkerrera doan bidea jarraitu eta pagadian sartuko gara. Pagadiko lehen loreak loratuak dira jada eta baso-anemonak eta gibel belarrak alaitzen dute azpi-basoa. Harritzekoa da pago gazteen hostoek negu osoa nola iraun duten zuhaitzetan. Klorofila eta substantzia biziak galdu arren gogor diraute adarretik zintzilik, paper horituaren itxurarekin.
Basurdearen arrastoak ere ugari dira. Suge-belar (Arum sp.) inguruan, lorategietako kalaren antza handia duen lorearen inguruan, lurra altxatuta ageri da. Basurdeak lore honen zurtoina jaten du eta beste zenbait tipula eta errizoma ere gustukoak ditu. Landareek negua igarotzeko sustraian edo zurtoinean metatzen dituzten azukre, gatz eta urak, herbiboroen elikagai bihurtzen dira. Gauza bera egiten du gizakiak baratzeko landare askorekin. Ingurune honetan beraz ugari izango dira basapiztiak eta, nola ez, ehiztariak ere ez dabiltza urruti. Bidean ehiztariek erabiltzen dituzten bi borda ikusiko ditugu, udaberrian txonta kantari ari baita eta baita kukua ere. Txonta eta kaskabeltzak erraz gerturatuko zaizkigu, aldiz beste hegaztiak entzutearekin konformatu behar.
Lehenengo bidegurutzean eskuineko bidea hartuko dugu eta Pipaon mendatera helduko gara. Bertatik, gailurreriaren bi aldeak ikus ditzakegu. Hegoaldean Errioxa osoa, sekulako lautada lerro zuzenekin marraztua, marroi edo berde tonu desberdinekin koloreztatua. Garo zelaiak eta mahastiak pista edo bidexkaz zeharkatuak daude. Iparraldean aldiz, mendizerraren inguruan pagadia dugu eta haranaren erdian Pipaon herria. Haran hau leunagoa da eta malda ugari du. Hegoalderago beste mendizerra batekin topatuko gara, Gasteizko mendiekin, hain zuzen.
El Cuervo-ko haitzera gerturatzen joango gara bere iparraldetik doan bidexka jarraituz. Arroka hauetan ere, bi aldeak desberdinak dira. Ipar isurialdean elurraren aztarnak mantendu egiten dira itzalpean eta harkaitz artean ez da oraindik neguko elurra urtu. Baldintza hauetara egokiturik ezpela eta azeri mahatsak ugari dira. Hauek, hosto txiki eta distiratsuek, urte guztian zehar ondo egingo dute fotosintesia.
Gailurrez gailur San Roke gailurra dugu urrena (2 km) eta aurrerago haize-toki bortitza den lepoa igaro ondoren Eskamelo gailurra egingo dugu. Ez da txantxetakoa izango hemengo haizea izotza egiten duen egun horietan. Landareak ere ez dira zentimetro batzuetatik igarotzen. Eskamelo da txango honetan egingo dugun gailurrik garaiena. 1.297 metrokoa ez da beste munduko altuera, baina puntarik punta ibiltzea atsegin zaionarentzat orain dator ederrena. Vallermosako Gaztelura iristeko bidea ez da oso garbia eta aurkitu egin beharko da. Gailurraren bi aldetara malkarrak daude eta iparralde zein hegoaldetik bidea desitxuratuta. Azkenean helduko gara gailurrera. Baina bidean, gailurrik gailur ibili direnen arrastoak ere ikusi ahal izan ditugu. Gu bezala edo gu baino lirainago ibili da norbait eta oinatzak utzi ditu elurretan.
Vallermosako mendatera jaitsi (3,5 km) eta ezkerrera egingo dugu, hegoalderantz. Pagadian barneratuko gara, basoaren xarman. Pago lizarrez osaturiko pagadiak gorosti eta ezpelak ditu zuhaixkatzat, baita piper usaina duen garatxo-belarra (Daphne laureola) ere.
Vallermosako mendatetik kilometro erdira, Onzateko (4 km) borda topatuko dugu, irekia egon ohi dela dirudi eta gozo hartzen zaitu. Bidean aurrera egiteko pistan gora jarraituko dugu, abiapuntura gerturatuz. Mendietan iragazten den ura hemen irteten da iturburuak sortuz eta bat baino gehiago topatuko dugu bidean zehar. Pista ez da pagaditik irteten. Pagoen azalean agertzen diren kolore desberdinetako orbanak zuriak, grisak, laranjak... ez dira azalaren ezaugarriak. Likenak dira, beste bizidun batzuk; izatez bi izaki dira baina batera bizi direnak, hau da, sinbiosi bat osatzen dute. Algak eta onddoak batera bizi direlako pago baten azala izan daitekeen ingurune deserosoa kolonizatu dezakete. Batez ere, idorra izango da azal hau eta lurrik ere ez dago bertan. Baina likenak goroldioen gorputzari eta algen fotosintesiari esker hemen bizi daitezke.
Aurrerago Pipaon mendatearekin (6 km) topatuko gara, lehen utzi dugun bidearekin, eta itzulerako bidea garbia da jada. Kilometro eta erdi aurrerago Herrerako mendatea (7.5 km)
GAILURREAN BIZITZEAREN AUSARDIA
Toloñoko mendietan gailurrerian bizi diren landare eta animaliak muturreko baldintzetara egokituriko bizidunak dira. Neguan, mendi puntan egiten duen hotzarekin elurpeko babesa estimatzen dute, baina behin baino gehiagotan haize zakarrak elurra ere ukatu egiten die. Udan aldiz, ez dago hemen egiten duen beroarekin itoko ez denik. Urri da lurra eta are urriago euria, gainera egiten duen apurra berehala doa harkaitzen zirrikituetan zehar. Denak du bere alderdi ona eta harkaitzetako zartadura hauetan pilatzen diren hauts partikuletatik eratzen dira lehen lur geruzak.
Zenbait intsektu eta landare berezi soilik ausartzen da hemen bizitzen. Intsektuek hala ere errazago dute hemen agertzea, batez ere neguan maldan behera egin eta gordelekuren bat topatu dezaketelako. Landareak ere saiatzen dira alde egiten eta batzuen irtenbidea garbia da: garai faboragarrian jaio, bizi eta hiltzen dira. Landare gehienak aldiz hemen irauten dute urte osoan zehar. Gehienek haizea dela-eta, kuxin forma hartzen dute honek sortzen duen deshidratazioa eta hotza murrizteko. Matematikoek dakiten moduan borobila da bolumen batek izan lezakeen azalerarik minimoena. Baloiaren propietate hau oso ezaguna da landareen artean eta haize zakarraren tenperatura desatseginekin izan beharreko kontaktua murriztea lortzen dute kuxin forma hartuz. Ur falta ere ohiko arazoa izaten denez, landareak gorputzean zehar ura metatzeko joera du. Hosto zukutsuak izaten dira gehienetan ur gordelekuak. Esate baterako, Sedum generoko espezie ugarik ditu horrelako hostoak. Kutikula iragazkaitz eta gogorrak barnean duten ura mantentzen laguntzen die.
Harkaitzetako zartaduretan eratzen diren lur geruza minimoak ere ez dira landarerik gabe gelditzen eta Saxifraga generoko loreek sustrai luzeen bidez lortzen dute berau kolonizatzea. Txangoa egin eta gailurrez gailur zoaztenean ohar zaitezte bertako landereetaz eta pentsa beti hor bizi beharko bazenute


Azkenak
11 urteko mutil bat hil da, igandean Bilboko igerileku batean bero kolpea jasan eta gero

Bilboko Errekalde auzoko igerileku batean gertatu zen ezbeharra. Larrialdi zerbitzuek erreanimazio lanak egin zizkioten adin txikikoari, eta Gurutzetako ospitalera eraman zuten; hiru egunetara hil egin da.


Ostiraleko bileran Putinek su-etena onartu ezean, Trumpek dio “ondorio larriak” izango direla Errusiarentzat

Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]


50 maliar inguru ari dira kale egoeran bizitzen Gasteizen asilo eskaera ebazten duten bitartean

Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.


Alberto Alonso (Gogora): “Txiki eta Otaegi ez dira erreferente; indarkeria, beldurra eta terrorea erabili zuten”

Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".


Jai eredua neurodibergentziatik aztertzen

Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.


Ostiraletik aurrera berriz debekatuko dituzte nekazaritza jarduerak Nafarroan

Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]


Auzo ibilbideak
Atzoko eta gaurko borrokak gogoan

Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]


Ipar Euskal Herriko 158 herritan ur murrizketak ezarriko dituzte, alerta egoeraren ondorioz

Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]


Jaurlaritzak Bailen Energia enpresari Oionen bi parke fotovoltaiko eraikitzeko baimena eman dio

Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko. 


Delitugile migratzaileak zuzenean deportatzea proposatuko du Erresuma Batuko Gobernuak

Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]


7 urteko ume bizkaitar bat hil da Errioxako kanpin batean, zehaztu gabeko arrazoiengatik

7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen. 


Israelek gutxienez ehun palestinar hil ditu azken bi egunetan, eta Gaza hiriaren aurkako erasoak gogortzen ari da

Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]


Txikik eta Otaegik Zarauzko Udalaren aitortza behar dutela aldarrikatu du Sortuk

Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.


Piano bikaina, Biarritzen

Zer: Biarritz Piano Festival. Amaierako errezitaldia. Benjamin Grosvenor, pianoa. 

Egitaraua: Schumann eta Moussorgskyren lanak

Lekua: Biarritzeko ‘Espace Bellevue’.

Data: abuztuaren 8a.

-------------------------

Biarritz Piano Festival... [+]


2025-08-13 | Nagore Legarreta
Ibaiak begirada itzuli zigunekoa

Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]


Eguneraketa berriak daude