NEGUA ORAIN HASTEN DA

  • Otsalizarra gehienez ere hamar metro hazten den zuhaitza da. Txikia izanda ere frutu gorri oparoa du; txorientzat, konfitura zaleentzat eta baita vodka zaleentzat ere.

2007ko otsailaren 21an
Otsalizarra lore da. Apirilekoak izaten omen dira onenak eta horregatik aukeratua izango du sasoi hau otsalizarrak loretzeko. Maspila eta hostazuriarekin batera Sorbus generoaren kide euskalduna da, Sorbus aucuparia. Gehienez ere hamar bat metro hazten den zuhaitz tiki hau mendi garaienetan bizi da, lur azidoa dagoen tokietan, batez ere, bakan samar sakabanatuta hostozabalak edo koniferoak nagusi diren basoetan. Kolore grixaxkako azal leuna eta itxura traketsa izan ohi du otsalizarrak, arba luze eta ahulen muturretan frutu tortoka mardulak hazten baititu eta hauen kargaz zabal-zabal makurtzen dira gehiago ez tentetzeko.Frutu gorri hauek irailean edo urrian heltzen direnean gogorrak eta garratzak dira oraindik. Udazkenean hostajea galdu eta gero hor izaten dira zintzilikario, lehen izozteek beratzen dituzten arte. Orduan izaten da pagotxa. Txoriek antsiatsu mokoka erasotzen dituzte. Hauei aurrea hartuta edo uzten dituzten kondarrak bilduz gero konfitura ederra egin daiteke. Gurean baino ugariagoa den lur hotzagoetan patata ustelaz eta aleez egindakoaren aldean vodka ona egiten omen dute otsalizarraren koxkorrez. Oraintxe lore zuri-laruz lepo, neguko hotzari aurre egiten askori lagunduko die, gero, otsalizarrak


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude