ARGIA.eus

2021eko urriaren 28a

GURBITZA EZEZAGUNA

  • ez du esan nahi ustez aldapa antzuetara baztertutako arbola ezaguna denik.
Jakoba Errekondo @bizibaratzea
1999ko azaroaren 21a
Ezezaguna da. Euskal Herriko... ez dakit oso ondo nola deitu, zuhaitza ala zuhaiska... Eta berezia denez arbola deituko diogu... Euskal Herriko arbolen artean berezia, ezezaguna eta era berean ondoan dabilkionarekin eskuzabala, oparoa. Ospagarria da bai gurbitza edo bestela esanda,

Arbutus unedo
.
Ezezaguna da. Ezezaguna da eta berak adina izen gutxik izango dute: gurbitsa, gurbisa, gurbiskia, gurguskia, gurbitxa, gurpitza, kurpitsa, kurpitia, kurpitza, gurbiza, gurguxia, gurguxa, kurkusa, kurkutsa, kulubiza, burbutxa, burbuza, burbiza, burgiza, burguxa, kaudana, kandana, aniamania, animania, gurbistondo.
Ezezaguna da. Pertsona hotzen modukoa izaki jelate handietatik urrun, itsasoa edo errioetako epelari begira dauden ibarretan bizi da. Ibarretako malkarretan irauten du, inondik inora etekin egokirik ematen ez duelakoan sistematikoki eraitsia eta pendiz eta aldapa ustez antzuetara baztertua izandu da beti.
Ezezaguna da. Berak, isil isilik eman egiten ordea... Udazkenero udazkenero, orkatila parean preskura sartzen denaren aitzakiarekin tabernatako ateak ixten hasten diren urte garaian fruitu bitxia heltzen du. Heldu, ondu gutxi ontzen baitzaizkio eta umatu... umatu bakarren bat!

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak EGILEA
Argia buletina
Egunaren laburpena
zure e-postan
Eguneraketa berriak daude