Aise entzuteko moduko magazina da, nahiz eta luzea izan; goizeko 9:30etatik eguerdiko 13:00ak arte irauten baitu. Tarte hori taxuz betetzea ez da ahuntzaren gauerdiko eztula. Lemazain ikasia dute horretarako: Garikoitz Udabe, Euskadi Gaztean eta Euskadi irratian urte mordoxka daramatzan gaztea. Esther Aizpurua du ondoan, «Goizean behin»en luzaroan eskarmentua hartutakoa. Bestenaz, honako gazte hauek osatzen dute lan taldea: Koldo Almandoz, Nagore Telleria, Oihana Yustos, Maider Beistegi eta bi bekadun, Gurutze Amuriana eta Luis Mari Daguerre.
Udako irratsaioa izanik, zertxobait ezberdina da gai nahiz entzule aldetik. Garikoitzen esanetan,

. Denetarik pixka bat sartzen dute, gaiak freskatze aldera.

Ohiko zorion agurren tartearen ondotik, pertsonaia ezagun batek bere kanta kuttuna aukeratzen du. Albiste bitxiak ere ez dira falta; esaterako, Brasilen gauerditik aurrera baimena eman zaiela oinezkoei semaforoa gorri dagoela kalea gurutza dezaten, lapurreta ugari egiten baitira jendea geldi dagoela profitatuz. Ondoren, osasuna, eguraldia, bidaiak eta beste hamaika kontu jorratzen dira.
Arratsaldea hurrengo goizekoa prestatzen ematen dute.