Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
ostirala 2024ko maiatzaren 17an
BIDAIDE BERRIA GURDIAN
Nabaritzen da hasi berriak direla. Normala denez, tarteka bideo okerra sartzen zaie edota irudiak motzegiak dira «off»eko ahotsa sartu ahal izateko. Telebistan garrantzi handia duten gorabeherak, pixkanaka taxutzen joango direnak. Eskerrak Francisco Blanco-Argibay aurkezleak eskarmentua baduen akatsak lasaiki zuzentzeko. Bere gibelean alde batetik bestera dabiltzan kazetariak ere lagungarri dira informatiboari dinamismoa ematen.
«Gure asmoa beste telebisten parean jartzea da, eskaintza informatiboa zabaldu, gure ekarpena egin aniztasun informatiboan. Informatu bai, baina era orekatu batean, alderdi guztien ikuspuntua agertuz»
azaltzen digu Marisa Guerrero zuzendariak. Halaxe, politikari muzin egin gabe, informatiboetan zeharka ikutzen ohi diren gaiek osatzen dute albistegiaren funtsa, hala nola: osasuna, ingurugiroa, azpiegiturak, lan eta enpresa mundua, kultura, auzoko arazoak, seme alaben hezkuntza, zahar etxeak. Denon ahotan dabiltzan gaiak, Zestoako bainuetxe edo Gasteizko hiltzailearen inguruko azken jakingarriak, eta abar.
Kirolak ere presentzia nabarmena hartzen du, albistegiaren heren bat eskaintzen baitzaio. Futbolaz landa, pilota, arraunketa, surfa, txirrindularitza, eta abar. Azken txanpan berriz, eguraldiaren iragarpena Euskal Autonomia Elkargorako egiten dute Madrildik.
Kirolak ere presentzia nabarmena hartzen du, albistegiaren heren bat eskaintzen baitzaio. Futbolaz landa, pilota, arraunketa, surfa, txirrindularitza, eta abar. Azken txanpan berriz, eguraldiaren iragarpena Euskal Autonomia Elkargorako egiten dute Madrildik.
PRENTSAURREKO GUTXI.
Informatibo berri batek, are gehiago lurralde deskonexio batek, harrera ona izango badu, besteengandik bereizi beharra dauka; hor egoten da koska, besteek aipatzen ez dutena eman edo beste angelu batetik eskaintzean. Guerrero Antena 3-koa arras ezberdina delakoan dago,
«alde batetik Tele 5-ekoak, gizarte gaiak ikutu arren, hamar minutu baino ez du irauten. Eta bestetik, ETB edo `Telenorte'ren aldean gurean informazio politikoa laburragoa izan ohi da, nahiz eta behar denean lehentasuna ematen diogun. Konparazioa egin, Ramon Rubial hil dela, edo alderdi abertzaleen arteko gobernu hitzarmena lortu dela, ba, horrekin irekiko dugu informatiboa. `Telenorte' kasu, oso ofizialista da, prentsaurreko piloa ematen ditu. Guk ostera, harantzago joan nahi dugu; esaterako 35 lanorduen kontua hizpide hartuta, prentsaurreko hutsean geratu beharrean, deialdiak sor litzakeen ondorioen peskizan joango gara, alegia, zenbat lagun dauden prest greba egiteko, enpresarien jarrera zein den, piketeen kontua. Hauteskundeen berri zuzenean eman ordez, hautagai bakoitzaren soslaia egiten dugu, betiko iruditik ateratzearren».
AUDIENTZIAREN EZUSTEKOA.
Bi aste antenan eman ondoren, pozik egoteko moduko balantzea egin beharko litzateke, audientzia lagun izan dute-eta. Lehenengo egunean «share» delakoaren % 24 lortu zuten, eta batez beste % 22.5ri eutsi diote. «Telediario» aldiz, %14 inguruan ibiltzen da eta «Teleberri» % 20tik ez da pasatzen.
«Ez genuen inolaz ere espero halako harrera ona izatea».
Dena den, seinale ona den arren, hilabete gutxienez beharko da datu fidagarriagoak eskuratzeko.
IRIZPIDE EDITORIALA.
Guerreroren irudiko askatasuna omen dute zernahi lantzeko, Madrildik inolako presiorik jaso gabe,
«hala ere, itxuraz eta mamiz Madrilgo estetika eta etika jarraitzen dugu, dekoratua ere berbera da. Momentuz behintzat, eta sei urte daramatzat Antena 3 Euskal Herrian, agintariek ez digute sekula ezertxo ere inposatu, ez nuen onartuko, gainera».
Lantalde sendoa osatu dute, 40 lagun guztira, gehienak Antena 3ko «harrobi»tik ateratakoak.
«Guk trebatutako bekadunak, ordezkapenak egiten aritu den jendea, baita kanpotik etorritakoak ere, `Ser' irratitik, `Europa Press'etik, Madrilen zebilen hemengo jendea ere bueltatu egin da».
Teknologiari dagokionez, ez dira hankamotz geratu, «SX» formatoko edizio eta grabazio digitala erabiltzen baitute. Gisa honetan, hiru korrespontsaliak Bilboko erredakzioarekin zuntz optiko bidez lotuak egotean, irudiak berehala heltzen dira.
Basurtoko Kaputxinoen ondoan dauden estudioetan berrikuntzak egin badituzte ere, hiru urte daramatzate bertan. Korrespontsaliak ordea, berri berriak dira: Donostiakoa Triunfo kalean, Iruñekoa «eraikin adimendunetan», Gasteizekoa berriz, Dato kalean.
Basurtoko Kaputxinoen ondoan dauden estudioetan berrikuntzak egin badituzte ere, hiru urte daramatzate bertan. Korrespontsaliak ordea, berri berriak dira: Donostiakoa Triunfo kalean, Iruñekoa «eraikin adimendunetan», Gasteizekoa berriz, Dato kalean.
BALIZKO OREKA.
Esanak esan, albistea osorik ikusita eta ongi egina egon arren, ez zaigu iruditzen balizko oreka hori erabat betetzen ari direnik. Horren adibide garbia, hauteskundeen inguruko berria izan zen. Marisa Arrue Getxoko alkatetzarako hautagaiak arazoak izan zituen bere eskuorriak banatzeko «Senideak»eko hainbat lagun une oro atzean izan zituelako, haien arbuioa jasanez. Jakina, gertatu bada, hala esan behar da. Baina zergatik ez dira beste tankera bateko berriak ere aireratzen? Beste aldera begiratu baino ez dute egin behar. Eskertuko genuke halakorik egitera ausartuko balira, nahiz eta nonbaitetik belarrondokoa jaso.
Ildo horretan, euskararen presentzia informatiboan ere hutsaren hurrengoa da. Txintik ere ez. Gehienera «arratsalde on» batez apainduko dute esaldia. Marisak hautu hori justifikatzen du,
Ildo horretan, euskararen presentzia informatiboan ere hutsaren hurrengoa da. Txintik ere ez. Gehienera «arratsalde on» batez apainduko dute esaldia. Marisak hautu hori justifikatzen du,
«hasiera batean serio planteatu genuen euskara titularretan gutxienez sartzea, baina azkenean, erabaki genuen ez zuela zentzurik `Telenorte'ren kopia egiteak. Gure ustez, nolabaiteko iraina da euskaldunentzat titularrak soilik ematea, gutxietsi egiten baititu. Horrek ordea, ez du esan nahi euskararen inguruko berriei uko egiten diegunik; kontrakoa gertatzen da, euskal munduaren baitan sortzen den guztiari merezi bezalako tratamendua emango diogu»
Irakurrienak
Matomo erabiliz
#2
Mikel Garcia Idiakez
#3
Cira Crespo
#4
Maialen Arteaga
#5
Miel Anjel Elustondo
Azkenak
2024-05-17
Jon Hidalgo Gereñu
Netanyahuk ez dauka “gerra osteko” planik Gazarako
Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]
2024-05-17
ARGIA
LGTBIfobiaren aurka egingo dute ostiral arratsaldez manifestazio ugaritan
LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.
2024-05-17
Jenofa Berhokoirigoin
Urriaren 7az geroztik, 142 kazetari hil ditu Israelek Gazan: bi egunero kazetari bat
Gerra garaian zentsurak eta propagandak berebiziko lekua hartzen dutela jakina da, eta horren froga bat gehiago dugu Israelek Gazan bideraturikoa. Hala ere, prentsa askatasunaren alde dabiltzan egiturak izugarri kezkaturik dira: ez da munduan eta historian zehar beste gatazkarik... [+]
2024-05-17
ARGIA
Zubietako Erraustegira martxa egingo dute larunbatean Lasartetik abiatuta
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Eguneraketa berriak daude