SU-GORRINA BAKTERIOA

  • Euskal Herrira. Bakterio hau haizeak mugitzen du eta ur ttanttetan zabaltzen da.

2007ko otsailaren 21an
Sagastien bueltan ibiltzen garenon artean azken urte hauetako hizketa-gai zabalduena su-gorrina gaitza da. Sagarrondoen lorealdiaren ondorengo udaberri mutur honetan sagasti ugarietan ikusten da gaitz hau.
Su-gorrina bakterio batek sortzen du eta Estatu Batuetan aurkitu zen lehenengoz. Handik Europara ekarri eta duela urte gutxi batzuk Euskal Herria erasotu du. Fruituan hazia pipitetan dituzten errosazeoen familiako espezieak jotzen ditu; sagarrondoa, udareondoa, elorri zuria, hostazuria, otsolizarra, maspila, pirakanta, kotoneasterrak eta abar.
Bakterioa haizeak mugitzen dituen ur ttanttetan zabaltzen da batik bat, eta loretik sartzen da landarean. Jada barruan, urteko pujak lehenik eta landare osoak gero suak pasatakoaren itxura dute, hortik su-gorrina izena. Bakterio honen aurkakorik ez dugu ezagutzen eta ezinezkoa da landarea sendatzea.
Hemendik aurrera gaitz honekin bizitzera ohitu beste aukerarik ez dugu, baina bitartean hemengo barietatean eta mentu-oinen erresistentziak landu eta ezagutzeko ikerketak sustatu, gaitzaren garapenaren berri izateko sare eraginkor bat antolatu eta abar. Badago azkar egin beharreko franko ; bestela gure sagastienak egin du. Gaitza heldu zaizun edo ez jakiteko sagarrondoen urteko puja berrien muttur-mutturrak miatu; makurtuta eta hostoak belztuta eta erori gabe bertan zintzilik badiraute, mugi! eta dakien baten laguntza bilatu. Mugi! Hel! Hel! S.O.S.!


Azkenak
Futbolari gay-ak zergatik ez dira ausartu azkenean armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Urdaibaiko Guggenheima konkretatu gabe, Juan Ignacio Vidartek utzi egingo du zuzendari kargua

Urtearen amaieran utziko du ardura postua. Zuzendaritza berritzeko prozesua jarriko dute martxan. Vidartek 32 urte pasatu ditu Bilboko Guggenheim museoko zuzendaritzari lotuta.


Eguneraketa berriak daude