SAKANAKO BELE ELEDUNAK

  • Momentuz eguerditik ordubiak arte emititzen ari dira, FMko 107.0an.

2021eko uztailaren 19an
Neurketarik egin ez badute ere, badirudi jendeak jakinminez entzuten duela. «Guaixe» aldizkariaren osagarri gisa izateko jaioa da Beleixe. Hain zuzen, betidanik hutsune informatiboa egon da, orain euskarazko irrati baten bidez beteko dena.

«Erdaraz iristen zaizkigun berri horiek euskaraz ematea da gure helburua. Sakanako euskaldun zahar, berri eta alfabetatuen topagune bihurtzea
» azaltzen digu Aitziber Etxaiz esatariak. Irratia sortu nahian hiru urte eman eta gero, azkenean gauzatu da. Bierrik elkarteko bazkideen kuotez aparte, beharrezkoa zen dirulaguntza lortu baitute: Nafarroako Gobernutik 300.000 pezeta eta 1.500.000 pezeta Sakanako Mankomunitatetik. Inbertsioaren % 30 Europatik jasoko dute, gainera. Egokitze lanak egin, antena paratu eta Etxarri Aranatzeko Kultur Etxean jarri dute estudioa. Bi lagun aritzen dira: Aitziber Etxaiz eta Alfredo Alvaro, teknikari, kazetari eta esatari lanak eginez.

«Eskualdeko kolaboratzaile finkoez gain, berriemale sare bat antolatu dugu Etxarritik Irurtzunera, bakoitzak bere herriko euskalkian egiten duelarik
». Izan ere, harrigarria da, gezurra dirudi, euskalkia zenbat aldatzen den Sakanako herri batetik bestera.
Lehiaketa eta agendaz landa, magazina nabarmentzen da. Bertan gai guztiei egiten zaie leku: sexologia aditu bat, sindikatuak, INEMeko lan poltsa, albaitaritza, gizarte laguntzaileak, zine kritikaria.... Hilean behin ere Jose Maria Satrustegi etorriko da Sakanako gauza bitxiak kontatzera. Denboraz larri ez dabiltzanean Nafarroa garaiko beste irratiekin (Karrape, Xorroxin, Irati, Esan-Erran eta Aralar Irratia) konexioa egiten dute.

«Orain antenarekin arazoak baditugu ere, goiz parte eta arratsaldeko programazioa osatzeko Euskalerria Irratiarekin bat eginen dugu. Ea pixkanaka ordu gehiago emititzea lortzen dugun» JOXE LACALLE


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude