DURANGALDERAKO IKASTOLA BERRIA HELBURU

  • irakasle eta gainerako laguntzaileen ahaleginari esker lortutako dirulaguntza Batxilergo eta Lanbide Heziketako Ibaizabal Ikastola prestatzeko izango dira. Aurrekontua ez da kezka bakarra; ikastolako gazteek gaztelerarako joera dute eta jarrera hori saihestu nahi dute.

2021eko uztailaren 19an
Ibilaldiak Durangaldeko harrizko herrian, Elorrion, egingo du parada aurtengoan. Ikastolen festa, Txintxirri ikastolaren festa. Ekainaren 6a egun betea izango da eta horren berri jakiteko prestatu dute web orria (ibilaldia.canal21.com). Internet orrian Elorrio eta aurtengo festari buruzko informazioa dago. Web orria eta irudi kontuaz arduratu dena Txintxirri ikastolako ikasle izaniko Gotzon Garaizabal da. «Aro barrian ikastolak loran» leloa Beñat Gaztelurrutia Abadiñoko bertsolariak asmatu du hastera goazen milurteko berrian ikastolak loratuz doazela plazaratuz.
Ibilaldia girotzeko diskoa ere kalean da. Abesti nagusiaren hitzen egilea Unai Iturriaga bertsolari durangarra da eta Otxandioko Josu Zabalak konposatu du musika. Ahotsa jarri dutenek zerrenda luze bat osatzen dute: PiLTko Rafa Rueda, Karlos «Mahoma» RIPeko kantaria, Sasoi Iluna-ko Txuma Murugarren, Mikel Urdangarin, Su Ta Gar-eko Aitor Gorosabel, Igor Elortza bertsolaria, eta Ikastolako haurrak. Besteak beste, musikarien artean hor dugu Bingen Mendizabal mandolina joz.
CDko beste sei abestietan parte hartu dute honako taldeek: Berrizko Eta zer!, Elorrioko Irao eta Non demontre, Durangaldeko Luhartz, Ene Badako taldeko Eneritz eta Edurtzeta eta azkenik Gorka Knorr.


Txintxirri ikastola

Ibilaldiko protagonistak bertara hurbilduko direnak eta nola ez, ikastola antolatzaileko kide guztiak izango dira.
Elorrioko Txintxirri Ikastolak 0tik 16 urte bitarteko 110 ikasle ditu eta hauek prestatzen 15 irakasle lanean ari dira buru-belarri. 16-20ra bitartekoentzako, ikastolako filosofia bera jarraituko duen Batxilergo eta Lanbide Heziketako Ibaizabal Ikastola prestatzen dihardute. Aurtengo Ibilaldia egitasmo hau martxan jartzeko laguntza da.
Ibaizabal deritzon egitasmo honetan Durangaldeko 3 ikastola (Durangoko Kurutziaga, Zornotzako Andra Mari eta Elorrioko Txintxirri) eta Lea Artibaiko 2 (Lekeitioko R.M. Azkue eta Ondarroako Zubi Zahar) bildu eta Ikastolen ereduan jardungo duen kooperatiba bat osatu dute. Ibaizabal-Lea Artibairen lehenengo ikasturtea irailean hasiko da. Durangon Batxilergoa eta ikastaro ez arautuak eskainiko dituzte eta Markinan Lanbide Heziketa egongo da hasiera batean. Egitasmo honek ezarpen fase hauek izango ditu, datorren urtean hasi eta 2002. urtean amaituko direnak. Hiru Batxilergo izango dira Ibaizabalen: Teknologikoa, Humanistikoa eta Zientifikoa. Eta Heziketa Zikloen eskaintza berriz oso oparoa aurreikusten da.
Duela 2 urte inguru hasi ziren Ibaizabal egitasmoan lanean ikastoletako arduradunak. Diru aldetik sekulako aurrekontua behar du egitasmo honen gauzatzeak. Blanka Lazkanok azaldutakoaren arabera, eraikuntzaren legezko izen emateak 12 milioitako gastua zekarren. Dena den ikastolako arduradunaren esanetan merezi du egitasmo honen alde lan egiteak, zeren gaur egun Irakaskuntzan dagoen hutsunea betetzen lagunduko baitu. «

Badirudi Euskal Herria euskaldunduta dagoela, baina zoaz karrera bat egitera. Tamalgarria da oraindik karrera batzuk osotasunean euskaraz ezin ikastea
», azaltzen du Lazkanok. «

Gure gazteak ikastolatik irtetean hezkuntza euskaldun baten jarraitzea nahi dugu
».


Hasierako urteak

Euskara eta euskaldun nortasuna berreskuratzeaz kezkaturik zeuden guraso batzuren ardurapean hasi zen Elorrioko Ikastola 1968. urtean. Diktadura garaia zen eta aro hartako ikastola guztiek bezala presioak jasan zituen. Garai hartan 16 ikasle eta irakasle bakarraz (Josune Munitxa gaur ere bertan irakasle dena) osaturiko gela zuten. Pixkanaka irakasle eta ikasle kopurua hasiz joan da eta egun 110 ikasle eta 15 irakasle daude.
Gero eta gehiago dira, nahiz eta erdaldunak izan, bere haurrak D ereduan matrikulatzen dituzten gurasoak. «

Pozik gaude zeren hasieran ama-hizkuntza euskara zuten gurasoek soilik sartzen zituzten haurrak ikastolan, gaur aldiz, % 10aren guraso biak erdaldunak dira
». Gainera eskolaz kanpoko euskara ikastaroak eskaintzen dizkiete gurasoei. Lazkanoren arabera garrantzitsua da helduak euskaraz mintzatzea: «

Elorrion kalean gaztelera asko entzuten da eta guk antzeman duguna da 14-15 urte ingurukoek nagusiak imitatzen dituztela
». Hau guztia saihestu eta irtenbide bat emateko asmotan Ikastola herriko beste ikastetxe eta elkarteekin batera Udal Euskara Kontseiluan sartu da. «

Herriko ekintzak euskaraz izan daitezen eskatu diogu Udalari eta iaz gurasoei zuzenduz beraien haurrak D ereduan matrikulatzeako kanpaina bultzatu genuen
» dio Blanka Lazkano ikastolako zuzendariak.
Ikastolan bertan ere, 3 urte daramatzate euskararen aldeko kanpainak egiten


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude