ETXE BAT BAIONAN ERROTZEKO


2021eko uztailaren 15an
Nahi ala ez Baiona da Ipar Euskal Herriko hiri nagusia; euskaldunen Jerusalema. Tamalez, Lapurtarren % 20k baino ez daki euskaraz, eta mintzatzen, askoz guttiago. Harrigarria bada ere, orain zerbait ez bada egiten, beranduegi izanen da aurki. Halaxe, Gure Irratia bide bakarra izaki euskara entzuteko, geroaren zimenduak finkatu nahi dituzte, Baionan behingoz errotuz. Gisa honetan gainera, sosa sarietan xahutuko lukete arrandaren zaku zulatuan baino. Beraz, merkatu ondoan duten egoitza epe laburrean erosi ezean, parada ezinhobea galduko litzateke; ez baita erraza halako prezioan atzematea.
Duela 20 urte sortu zenetik, gora behera anitz izan ondoren (tokiz aldatzeak, ekipamendu astunak, soldata xuhurrak, eta entzuleen kritikak) inoiz ez bezalako aintzinamendua bizi du orain Gure Irratiak. Programazio berrituan euskal kulturaren alde guztiak jorratu eta plazaratuak dira. Lapurdiko berrogeitabi auzapezekin solastu dira haien kezken berri emateko, udako estudio mugikorra, herriko bestak, lehiaketak, eztabaida ekonomikoak Kutxaren laguntzarekin, eta Gazte Irratia egunero gaueko 10etatik goiti (106.6 FM).
Siadecoren arabera 24.500 entzule ditu, lekuko bigarren irratia beste bi euskal irratiekin batera (55.000 entzule) 1.200 diruemale irratia xutik atxikitzeko. Hurrengo zeregina estaldura hobetzea izango da. Igorgailu nagusia Baigura puntan dagoelarik, ilungune franko ditu. Larrunen beste antena bat jarriko balitz ordea, biztanlego handia duen Txingudi osoan (Hendaia, Irun, Hondarribi, Biriatu eta Urruña) entzun ahal izanen da. Honenbestez, zuen emaitza igorri nahi izanez gero hona hemen helbidea: Gure Irratia BP 8452 PK, 64184 Baiona. Kopururari dagokionez txeke bidez 50, 100, 200 edo 500 libera, 5.000 pezeta ere bidali ahal dira

ALBERTO ELOSEGI


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude