HIRIAREN GIZA ARIMA

  • hiritarren ongizateaz asko arduratzen den hiria dugu. Gasteizen gizarte- etxeak deritzaten eta hiriko sinbolo bihurtu diren 13 zentro daude, berauetan kirol, kultura zein gizarte izaerako edozein jarduera burutzen direlarik.

2017ko azaroaren 28an
Gasteiztarrek urte batzuetatik hona itxura modernoa duten eraikinak ikus ditzakete hirian. Udalak duela hamahiru urte ekin zion hiriko auzoetan zehar barreiatutako gizarte etxeetako sare berria eta modernoa sortzeari. Azkena, Aldabekoa, iragan irailean martxan jarri zuten. Egun guztira, hamahiru zentrok osatzen dute gizarte-etxeen sarea: Abetxuko, Aranako, Ariznabarra, Arriaga, El Campillo, Judimendi, Europa, Iparralde, Olarizu, Sansomendi, Hegoalde, Lakua eta Landabek.
Horien helburu nagusiak hiritarren garapen pertsonal osoa bultzatu, elkarrekiko harremanak sendotu eta gasteiztarren auzoan zein hirian parte hartzea areagotzea dira. Bertan, adin bereizketarik gabeko hamaika zerbitzu eskaintzen dira, kirol, kultura eta gizarte izaera duten jarduerak. Gizarte-etxeek gasteiztarren ongizatea eta gizarte oreka erdiesten lagundu nahi dute.
Udal ekimen hori errotuz joan da hiritarren artean eta aretoak bete ezezik, lantegi eta jardueretako zerrendak ere berehala agortzen dira. Gizarte etxe bakoitzera 10.000 pertsona inguru hurbiltzen da batez beste egunero. Besteak beste, gizarte-etxeek liburutegi, hemeroteka, elkartze-areto, ludoteka, infoteka, gimnasio, kiroldegi eta zenbaitetan, igerileku estaliak ere izaten dituzte. Sarrera doakoa da. Areto horiek guztiez gain, gizarte-zentroetan giza laguntza behar duten pertsonentzako zerbitzu sozialen aretoak egokitu dituzte. Areto hauetara jotzen dute, batik bat, egoera zailean dauden gazteek, arazo ekonomikoak dituzten familiek, bakarrik dauden agureek zein minoria etnikoek.


Trebezia artistikoa garatzeko aukera bikaina

Gizarte-etxe guztietan ekintza artistikoei ekiteko tailerrak ere antolatzen dituzte. Horretarako, propio egokituta hamaika gune ere badira. Astelehenetik igandera eta ordutegi ezberdinetan, lagun askok margolaritzan, dantzan, argazkilaritzan, koadernaketan eta aeromodelismoan dihardu.
Alabaina, klase horiek bukatu eta gero gune horiek hutsik geratzen dira. Hori dela kausa, gizarte-etxeetako arduradunek Areto edo Galeria irekia delako proiektua sortu dute. Galeria ireki horretara trebezia artistikoa garatu nahi duten pertsonek jo dezakete. Bakarrik edo begirale batek lagunduta egin ahal izango dituzte lanak. Ekimen hori 16 urtetik gorako biztanleriari zuzenduta dago.
Areto horietan lekua izango duten jarduerek zerikusi handia dute Arte Plastikoekin: margolaritza, marrazketa, eskultura eta koadernaketa, besteak beste. Nork bere lantegia bailitzan erabili ahal izango ditu areto horiek, jarduera eta ordutegia aukerakoak izango dituelarik

273.000.000 pezeta GKE erakundeentzako
Gasteizko Udalak 1998. urtetik Garapenerako Laguntza proiektuetarako hasieran aurrekontuen %0`7 ematen bazuen ere, egun %1 ematen du. Dirua garapen proiektuetara eta Gobernuz Kanpoko Erakundetara zuzentzen dute. Duela hamar urte zazpi GKEk aurkezturiko 11 proiektuentzat Udalak 87.889.000 pezeta eman zituen. Aurten berriz, 273.000.000 pezeta zuzenduko dituzte 30 bat proiektu solidarioetara.
1994. urtean, Gasteizko Udalak kontzientziazio kanpainak abian jarri zituen, Arabako hiriburuko biztanleak herrialde aberats eta txiroen artean dagoen alde izugarriaz ohartarazteko helburuarekin.
Bestalde, aipagarria da Gasteiz izan dela estatuko lehendabiziko hiria Egitatezko Bikoteentzako udal erregistroa sortzen. 1994an dekretua Arabako buletinean kaleratu zen. Joan den urtean 400 bikote inguru egitatezko bikote apuntaturik zeuden aipatu erregistroan


Azkenak
La Salle jakitun zen Patxi Ezkiagak adin txikikoei egindako sexu abusuez, eta ez zuten neurririk hartu

El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]


Nola desaktibatu Googlek Chromen txertatu duen jarraipena

Urteak dira Firefoxek eta Safarik jarraipena egiteko erabiltzen diren hirugarrenen cookieak blokeatzen dituztela. Chromek ere gauza bera egingo du 2025ean, baina publizitatearen negozioan duten nagusitasuna handitzeko aprobetxatu nahi dute, jarraipena nabigatzailean bertan... [+]


Eguneraketa berriak daude