ZEIN ETB NAHI DUGU?
2.- Orientabide modura, zer kenduko zenuke eta zer jarri ETB-ko programaziotik?
RAMON ETXEZARRETA
1.- Egoki ikusten dut euskalduna izatea; arrazoi funtzionalengatik hasita aproposa da; utz dezagun horretan.
2.- Lehenbizi ETB-ren bokazio publikoa azpimarratu nahi nuke; izan ere, programazioa ez dator horrekin bat. Ni ez nago batere konforme orain egiten denarekin, sasi-kultura eta «eusko makarenismo» hori lotsagarria baita. Euskaldun alfabetatu eta gutxienezko kultura bat dugunoi zer demontre eskaintzen digu ETB-k? Ez du inolako ekarpenik egiten. Jaio zenean bazuen bokazio hori, orain berriz, atzeraka ari dira. Pentsatu beharko genuke zehazki ze elementu berri sartu, baina orain agertzen denetik seguru dena kenduko nukeela. Bere eginkizun nagusia euskal kulturaren irudi jasoago bat ematea izan behar luke, kulturaren zentzurik kultoenean, alegia. Beste gauza bat asmatzea litzateke, baina ez dira ezta saiatu ere egiten.
BEGOÑA DEL TESO
1.- Noski euskaraz jakin behar duela, bestela beste edozein telebistako zuzendari izango litzateke. Kexu agertzen baldin bagara epaitegi batek esan duelako frontoi bat garbitzeko ez dela beharrezkoa euskalduna izatea, ba, kexu agertu behar genuke EITB-ko zuzendaria euskalduna ez balitz.
2.- Derrigorrezkoa da «Goenkale» behingoz kentzea. Ezagutzen ditugu aktoreak, haien amodio eta heriotzak; baina nahikoa da, eskerrik beroenekin, joan daitezela pikutara! Bestalde, ETB ikusten nagoela, beti iruditzen zait txapela jantzita dudala. Beraz, betiko matraka, trikitixa eta bertsolariak kenduko nituzke. Jarri? Ba, justu kontrakoa; euskal kulturaren beste ezaugarri batzuk, egungo jende ausartaren ekimenak, artista plastiko edo koreografo berrien lanak, hitz mestizoak, edota txapela eramateko modu berriak, zergatik ez? Futbol gutxiago ez, oso gustukoa dut eta.
ANDONI IMAZ
1.- Euskal Herri mailan delako nik baietz esanko nuke. Kargurako proposatu badute euskal kultura eta medioa ederki ezagutzen dituelako izango da. Baina nire ustez, euskaraz ondo jakin behar luke, bestela beti galdetzen ibiliko litzateke. Ez litzaidake zuzena irudituko euskaldunek erdaraz aritu behar izatea berak ez dakielako.
2.- Azken bolada honetan, lesioa dela eta, dexente ari naiz telebista ikusten, «zapping» egiteaz nazka nazka eginda. ETB-n «Teleberri» eta filmak dira gustuen ikusten ditudanak; baita «Boulevard» saioa ere, ba, halako eztabaida gehiago sartuko nituzke nik; baita film hobe gehiago euskaraz ere. Kentzekotan, akaso pilota partida gehiegi dagoela esango nuke, baina jendeak eskatzen duelako emango dute hainbeste. Ah, eta ez ditzatela trikiti saioak kendu, gustatzen zaizkit eta!
ASISKO URMENETA
1.- Bai, nahitaez euskalduna izan behar du. Hori «noskitzat» hartzen dut nik. Bitartekoa ere ongi ezagutu behar luke, bai euskal kultura, bai bere lana; ez da aski alderdikoa den hautagai euskalduna izendatzea. Hala ere, zein ahalmena, zein irudimena duen eta zein taldetaz inguratzen den funtsezkoak izanen dira bere jardunean.
2.- Kolonizatuaren konplexu hori kenduko nioke. Konplexu guttiago duen telebista bat ikusi nahi nuke, bidaiatuagoa dena, irekiagoa, munduan egiten den telebistari so dagoena; ematen baitu euskal gizarteari baino ez diola erreparatzen, arras hertsia, harantzago begiratzea pekatu balitz bezala. Folklorea ongi dago, baina bere neurrian. Beharbada, gure amendako programazio egokia da ETB-koa, baina gu zapping egitera gonbidatzen gaituzte. Hori hitzez hitz hartuz gero, jakina, parrillaren hiru laurdenak desagertaraziko nituzke, ETB-2 osoa eta «Goenkale» barne. Bestetik, Maialen Iriarte eta Estepan «prime time»n jarriko nituzke.
KONTXU ODRIOZOLA
1.- Bai, premiazkoa da bene benetan. Ondo dago telebista gaiekin jantzita egotea, zerk funtzionatzen duen ezagutzea. Baina horretaz aparte, gure telebista ez dago gauzak erakusteko bakarrik, alfabetatzeko ere balio du. Orduan, zuzendariak euskaraz ez baleki eredu txarra litzateke, hizkuntza ikasten ari den jende mordoarentzat.
2.- Lehenik eta behin programak hainbeste errepikatzea galaraziko nuke. Kalitate, sormen gehiago behar da, ez bakarrik satelitea Ameriketara iristea eta kitto. Badakit adin-mota guztientzako moduko telebista egin behar dela, baina ez dezagun eduki zahar jendea egun osoa bertsoak ikusten eta umeak marrazki bizidunekin. Nahiz eta jakin audientziak agintzen duela, agian ez lukete dinamika horretan sartu behar. Irudimen gehiago, faborez! Esaterako, ETB-k inoiz bultzatu al du antzerkia? Ezer gutxi. Telebistara sartu eta aireportu batean zaudela ematen du. Interesatzen zaie hoztasun hori mantentzea.
KEPA JUNKERA
1.- Ni ez naiz egokiena hori esateko, oraindik ikasten ari bainaiz. Badakit garrantzizkoena zuzendariak bitartekoa ezagutzea dela, baina nire iritziz euskalduna izan behar luke, euskal hiztunenganako errespetu seinale delako. Nik nire musika egiteko euskara ezinbesteko ez badut ere, EITB-ko zuzendari batentzat berriz, komunikatzeko tresna baliotsua da, mundua ulertzeko beste modua baita euskara.
2.- Ez dut ia betarik telebista ikusteko. ETB begiratzen dudanean ordea, musika eta kultura saioak faltan botatzen ditut. Konplexua da entretenimendu medio bat denon gustukoa izatea, baina nik komertzial den guztia kenduko nuke, txutxumutxu saioetatik hasita. Helburu kulturala duten programak ere oso mediatizatuta daude. Bestalde, salatu nahi dut telebistan ematen diren trikitixa jaialdi askotan doinu bat jotzean ez dutela ipintzen egilea nor den, nirea edo beste edozeinena izan. Zentzu horretan gaizki tratatua sentitzen naiz
Klimaren aldeko mundu mailako martxak oldar handia hartzen ari ziren 2018tik 2020ra, mundu mailako osasun krisia piztu arte. Hasieran krisi horrek mundua hobera aldaraziko zuelakoan ziren asko, baina oraingoz hasierako itxaropen hari gailendu zaizkio mesfidantza, etsipena eta... [+]
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Aiaraldeko Hizkuntzen Mapa proiektuarekin bat egin dute Amurrioko Amaurre, Zaraobe, Aresketa Ikastola, Mendiko Eskola eta Zabaleko ikastetxeek. Aiaraldeko Euskalgintza Kontseiluarekin elkarlanean udalerrian presente dauden hizkuntzak ikertu dituzte.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Bai Euskarari ziurtagiria lortzeko interesa agertu duten herriko 42 elkarte eta establezimenduekin Euskararen Mapa osatu dute Urruñan. Euskara «biziago» egiteko pausoak emateko prest liratekeen eragileak identifikatu ondoren, urratsak egiteko laguntza emango zaie,... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
Fundazioaren arabera, Aguilar de Codes eta Sorlada artean, Villamayor de Monjardinen, Villlatuertan eta Kasedan ustiatu nahi dute kobrea. Iberian Copper SL izan da Nafarroako Gobernuari lau eremu horietan prospekzioak irekitzeko baimenak eskatu dizkion enpresa.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]