DATOZEN LAU URTEETARAKO KLAUSTRO BERRIA NAFARROAN
- hauteskundeak ukanen ditu. Hurrengo lau urteetan unibertsitateak hartu beharrekobidea mugatuko du klaustroak, eta errektorea nor izanen den erabaki.
aurre egingo dieten hedabide independenteak
Hau horrela, NUPen aukeratuko den klaustro berria botere legislatiboaren parekoa izanen litzateke, berriz ere, irudizko estatu batean. Eta hiru dira, gainera, klaustro honek izanen dituen egitekoak: unibertsitateko eremu ezberdinek hurrengo lau urteetan eramanen duten bidea zehaztu beharko du, bai irakaskuntzari dagokionez, bai ikerketa zerbitzuari dagokionez, nahiz administrazioari dagokiona. Gestioa ere bere gain ukanen du, bigarrenik. Eta hirugarrenekoz, hau delarik apika botererik gorenena, bere gain egonen da errektore berriaren aukeraketa. Noski, eta berriro aipatutako irudizko estatu horri eutsiz, hau izanen litzateke sare honen guztiaren presidente edo lehendakaria.
Guztiagatik, garrantzi itzela dute lau urtean behin klaustro berriari begira egiten diren hausteskundeek. Honen seinale, hortaz, aste hauetan Aulario eta El Sario tarteko soro eta eraikinetan, maisu bulego eta korridoreetan, baita kafetegi zein atseden tokietan, ibilian dagoen hauteskunde kanpainaren zurruna. Inoiz baino ozenago hau, inoiz baino goriago.
Errektorea buru delarik, bertze 150 pertsonek osatzen dute klaustroa. Hauen aukeraketa, gainera, eremuz eremu egiten da. Erran nahi baita, doktore direnek 75 kide hautatuko dituztela, doktore ez direnek 15, kontraturik gabeko irakasleek 7, ikasleek euren 41 ordezkari, eta administrazio eta zerbitzuko langileek, azkenik, falta diren 12 kideak. Beraz, erdia doktore direnek aukeratzen dute, eta hemen dagoela koxka arras ongi iragarri daiteke.
Izan ere, martxoaren 24an berrituko den klaustro horri aitzineko lau urteetan kolore bakarrekoa izan dela egozten zaio, gehiengoan egun errektore Antonio Perez Pradosen inguruko pertsonek osatu izan zuten eta. Aurreko hauteskundeetan 90 pertsona inguruko zerrenda osatu zuen Perez Pradosek, eta hauek, beren buruei botua emanez, hartu zuten klaustroa.
Kontua da, ikasle eta irakasleen kasuan ez direla zerrenda itxiak aurkezten, administrazioaren kasuan bezala, baina orain arte burutu diren bozketa guztietan horrela gertatu izan dela. Hortaz, jakinaren gainean nonbait, heldu den bozketari begira lehendabizikoz hiru talde dira irakasleen inguruan osatu direnak. Ikasleek ere bertze hainbertze eratu dituzte euren ordezkarien hautua egiteko. Administrazioan, erran bezala, zerrenda itxiak aukeratzen dira, horrela baitago araututa, eta sindikatuen gidaritzapean agertuko dira, berriz ere.
Bigarrenekoz, Klaustro Plural baten aldeko Taldea izenez agerturiko ekimen berria dago. Perez Pradosen inguru itzulian lanean ibili den klaustroa eztabaidarik gabeko gunea izan dela salatu du talde honek, demokrazia bera ere ments duela ondorioz. Talde honek ahalik eta klaustrokide gehien jesarri nahi du talde berrian, aterabide gisara, kritika eta hausnarketa ziurtatzeko. Hitz hauek daude behintzat talde honen sustatzaileetarikoa eta ekonomian doktore den Jose Mari Aizpuruaren ezpainetan: «
Estatutuek diotenez Klaustroa gutxienez urtean behin bildu behar da eztabaidan jarduteko. Lau urtez errektorea entzuteko besterik ez da elkartu
Klaustro plural baten aldeko ekimen honetan pentsamolde guztietako gizon-emakumeek bat egin dutela argi utzi nahi du Jose Mari Aizpuruak. Eta, aitzin helburu gisa unibertsitateko erabaki organu honetan aniztasuna biltzea badute ere, azken buruan «
bere autonomian sinesten duen unibertsitate baten aldeko apustua egin nahi dugu
Izan ere, Aizpuruaren irudikoz, oraingo errektorearen taldeak unibertsitatearen gestioan nola bertzelako aferetan, euskararentzat normalizazio prozesurik ez du ezagutu. «
Nik, adibidez, euskararen normalkuntzarako eratu zen komisioan jardun dut. Seguru askorentzat, ikasleentzat adibidez, guk egun batean proposaturiko neurriak murritzak zirela. Honexegatik, dena den, oso errazak ziren gauzatzeko. Euskararen inguruko errealitatea ezagutzearren, estudioak eta bestelako planak egiten eman ditugu lau urte, urrats bat aurrera eman gabe. Gobernua pixka bat bortxatu behar da. Baina eztabaida ikusten zen eta ez da ezer egin. Gobernuarekin oso ondo konpondu dira, ondoegi agian
Gestioaren inguruan berritzear dagoen klaustroak izan duen ibilera ere kritikatzen du talde honek. Horrela, titulazio berriak erabakitzeko garaian unibertsitateko departamendu ezberdinetan dagoen ikuskera kontuan ez hartzea leporatzen zaio. «
Noski, eztabaida ezean, kanpora jotzen dute ikerketa bat egin behar den edo titulazio berri egokiak izan daitezkeen ikusteko. Agian, unibertsitatean bertan horrelakorik azter daiteke. Alta, honek bi gauza paratzen ditu agerian: unibertsitatearen autonomian ez dutela sinesten batetik eta konfiantza falta dagoela bestetik
Alternatiba moduan agertzen den talde honek hilabeteak baditu bere hauteskunde programa jendeaurreratu zuela. Honi so, aipatutakoa ageri da: «
Erakunde anitz baten alde agertzen gara, elkarrizketa beharrezkotzat duena, baita kritika eta hausnarketa, eta errespetua bertan lan egiten duten departamentu eta zentruekiko, egun dagoen zentralizazioa gainditzeko
Hirugarren talde bat ere badagoela erran beharra dago, Hobetzen-Mejorando. Unibertsitate inguruko zurrumurruetan errektoretik nahiko hurbil zegoen taldetzat jo da honako hau. Aitzitik, joan den astean jakitera eman zuten adostasunezko elkarrizketa guztiak bertan behera gelditu direla, eta hirugarren talde modura aurkeztuko direla. Talde honetan Ingenieri jakintzagaietako irakasle aunitz dago. Hauek ere, euren asmo zerrenda karrikaratuta dute aspaldidanik. Aurrekoen antzera, deszentralizazioaren alde agertzen dira, departamentuak eta zentru ezberdinak indartuz. Bide batez, eremu honetan kokatzen dute euskararen normalizazio prozesua, departamentuek jakin baitezakete zein den zehatz-mehatz duten errealitatea, bai ikasle zein irakasleen aldetik.
Bide berdinean, Eraldatu taldea zerrenda dezakegu bigarrenez, eta hirugarrenik estreinako bertze bat, El Sadar. Estreinakoz izenez bakarrik, hemen biltzen baita Grupo Unibersitarioko kide franko. UPN alderdiaren ingurukotzat hartu da betidanik, eta oraingoan Alderdi Sozialistaren hainbat gazte batu omen zaizkio.
Eraldatu taldeari dagokionez, unibertsitate elebidun, anitz eta kritiko baten aldeko kanpaina eginen dutela iragarri dute, «
beti ere ezkertiarrak garela
Ikasle Abertzaleak taldeak ilusio handiz hartu du martxoaren 24ko hitzordua eta zerrenda buru den zuzenbide ikasle Sonia Garciak, jadanik bezperetan, gordinean salatzen du gaurdaino klaustroak marraztu duen bidea: «
Errektorea aukeratu zuten eta honek nahi duena egin du. Horrela, gure balorazioa oso txarra da, eta ez bakarrik euskararen inguruan izan duen jarreragatik. Euskararen garapena zeharo oztopatu du, baina ez hau bakarrik
Zentzu honetan, Sonia Garciak errektore taldeak onarturiko Iraupen araudia ere gogor kritikatzen du. Araudi honen arabera, kreditu kopuru jakin bat gainditu behar da urtero, eta hau lortu ezean, bertan behera utzi behar dituzte ikasketak: «
Ikaslegoaren masifikazioari irtenbide erraz bat emateko modua da, baina kontuan hartu gabe irakaslegoaren pedagogi gaitasunak, adibidez, honetan ere zer ikusirik izango duela. Arazo honi begira, adibidez, irakasleendako ikastetxe antzeko bat proposatzen dugu, eurak ere etengabe birziklatzen eta moldatzen joan daitezen
Inorekin jardun gabe ikasketa plan berriak onetsi dituzte eta eskainiko dituzten espezializazioak ere berdintsu
Hargatik, Ikasle Abertzaleak-ek hezkuntz kalitatearen aldeko apustua egiteko konpromisoa hartu du klaustro berriari begira, ezkerretik noski, eta euskararen garapen osoa aldarrikatuz.
Hiruna zerrenda, bada, ikasle eta irakasleei dagokienez; eta gero administrazio eta zerbitzuko jendea. Alegia: klaustro berriari segika, unibertsitateko parlamentuaren bidean, inoiz baino zurrun eta goriago dauden hauteskundeak
Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.
“Emakume zientzialarien argitan” solasaldi-zikloaren helburua emakume zientzialarien ibilbidea ezagutaraztea da, baita ikertzen duten arloari buruz daukaten ikuspegia gizarteratzea ere, kultura zientifikoa hedatzeko eta eztabaida kritikoa sustatzeko. Elhuyarrek eta... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Irailean aurkeztu zuen enpresak Caparrosoko makroetxaldea handitzeko eskaera, eta ingurumen baimena argitaratu du gobernuak astelehenean. Asteartean hasi da makroetxaldearen aurkako epaiketa lurrak nitratoz kutsatu dituela leporatuta, eta akusazio partikularra osatzen duten... [+]
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Urtebetean %0,8 handituta (165 milioi euro gehiago), Espainiako zentral nuklearrak itxi eta hondakin erradioaktiboa tratatzeko aurrekontua 20.367 milioi eurokoa da jada, Enresa enpresa publikoak emandako datuen arabera. Diru-partidaren zatirik handiena (17.520,5 milioi euro)... [+]
Lanbidean urteak daramatzagun basozainok, gogoan ditugu 1989. urtean Euskal Herria bortizki kolpatu zuten mendiko sute handiak. Urtarriletik luze zetorren lehorte latza udazkenean lehertu zen haize bortitzen bultzadaz. Dozenaka sutek beltzez jantzi zuten lurraldea, bereziki... [+]
6,0 graduko lurrikara bat eta hainbat erreplika izan dira igandetik astelehenerako gauean. Kalte oso larriak eragin ditu herrialdearen ekialdean. Ehunka etxe suntsitu ditu dardarak.
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Hamar egun baino gutxiagoan, parlamentuko kideek euren buruari esleitutako pribilegio ganoragabeen aurkako ikasle-protestak, polizia-indarrek manifestari bat hil eta gero, benetako matxinada bilakatu dira.
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.