Demagun unibertsitateak, dagokigun kasuan, Nafarroako Unibertsitate Publikoak (NUP), estatu baten egitura duela eta bertan estatuetan egon ohi diren hiru botereak egon daudela: legislatiboa, zeinak legeak eginen dituen; exekutiboa, non lege hauek gauzatuko diren; eta judiziala, zeinak legeak berak dituen mugak hartuko dituen aintzat.
Hau horrela, NUPen aukeratuko den klaustro berria botere legislatiboaren parekoa izanen litzateke, berriz ere, irudizko estatu batean. Eta hiru dira, gainera, klaustro honek izanen dituen egitekoak: unibertsitateko eremu ezberdinek hurrengo lau urteetan eramanen duten bidea zehaztu beharko du, bai irakaskuntzari dagokionez, bai ikerketa zerbitzuari dagokionez, nahiz administrazioari dagokiona. Gestioa ere bere gain ukanen du, bigarrenik. Eta hirugarrenekoz, hau delarik apika botererik gorenena, bere gain egonen da errektore berriaren aukeraketa. Noski, eta berriro aipatutako irudizko estatu horri eutsiz, hau izanen litzateke sare honen guztiaren presidente edo lehendakaria.
Guztiagatik, garrantzi itzela dute lau urtean behin klaustro berriari begira egiten diren hausteskundeek. Honen seinale, hortaz, aste hauetan Aulario eta El Sario tarteko soro eta eraikinetan, maisu bulego eta korridoreetan, baita kafetegi zein atseden tokietan, ibilian dagoen hauteskunde kanpainaren zurruna. Inoiz baino ozenago hau, inoiz baino goriago.
Errektorea buru delarik, bertze 150 pertsonek osatzen dute klaustroa. Hauen aukeraketa, gainera, eremuz eremu egiten da. Erran nahi baita, doktore direnek 75 kide hautatuko dituztela, doktore ez direnek 15, kontraturik gabeko irakasleek 7, ikasleek euren 41 ordezkari, eta administrazio eta zerbitzuko langileek, azkenik, falta diren 12 kideak. Beraz, erdia doktore direnek aukeratzen dute, eta hemen dagoela koxka arras ongi iragarri daiteke.
Izan ere, martxoaren 24an berrituko den klaustro horri aitzineko lau urteetan kolore bakarrekoa izan dela egozten zaio, gehiengoan egun errektore Antonio Perez Pradosen inguruko pertsonek osatu izan zuten eta. Aurreko hauteskundeetan 90 pertsona inguruko zerrenda osatu zuen Perez Pradosek, eta hauek, beren buruei botua emanez, hartu zuten klaustroa.
Kontua da, ikasle eta irakasleen kasuan ez direla zerrenda itxiak aurkezten, administrazioaren kasuan bezala, baina orain arte burutu diren bozketa guztietan horrela gertatu izan dela. Hortaz, jakinaren gainean nonbait, heldu den bozketari begira lehendabizikoz hiru talde dira irakasleen inguruan osatu direnak. Ikasleek ere bertze hainbertze eratu dituzte euren ordezkarien hautua egiteko. Administrazioan, erran bezala, zerrenda itxiak aukeratzen dira, horrela baitago araututa, eta sindikatuen gidaritzapean agertuko dira, berriz ere.

Irakasleek hiru zerrenda izanen dituzte estreinakoz lehian. Lehendabizi, oraindik jendaurreratu ez bada ere, jakina da Perez Pradosek talde bat adostu duela, bulegotik bulegorat. Hau horrela, bide berdinean jarraituko luke egungo Nafarroako Unibertsitate Publikoak.
Bigarrenekoz, Klaustro Plural baten aldeko Taldea izenez agerturiko ekimen berria dago. Perez Pradosen inguru itzulian lanean ibili den klaustroa eztabaidarik gabeko gunea izan dela salatu du talde honek, demokrazia bera ere ments duela ondorioz. Talde honek ahalik eta klaustrokide gehien jesarri nahi du talde berrian, aterabide gisara, kritika eta hausnarketa ziurtatzeko. Hitz hauek daude behintzat talde honen sustatzaileetarikoa eta ekonomian doktore den Jose Mari Aizpuruaren ezpainetan: «

».
Klaustro plural baten aldeko ekimen honetan pentsamolde guztietako gizon-emakumeek bat egin dutela argi utzi nahi du Jose Mari Aizpuruak. Eta, aitzin helburu gisa unibertsitateko erabaki organu honetan aniztasuna biltzea badute ere, azken buruan «

», azpimarratzen du.
Izan ere, Aizpuruaren irudikoz, oraingo errektorearen taldeak unibertsitatearen gestioan nola bertzelako aferetan, euskararentzat normalizazio prozesurik ez du ezagutu. «

».
Gestioaren inguruan berritzear dagoen klaustroak izan duen ibilera ere kritikatzen du talde honek. Horrela, titulazio berriak erabakitzeko garaian unibertsitateko departamendu ezberdinetan dagoen ikuskera kontuan ez hartzea leporatzen zaio. «

».
Alternatiba moduan agertzen den talde honek hilabeteak baditu bere hauteskunde programa jendeaurreratu zuela. Honi so, aipatutakoa ageri da: «

».
Hirugarren talde bat ere badagoela erran beharra dago, Hobetzen-Mejorando. Unibertsitate inguruko zurrumurruetan errektoretik nahiko hurbil zegoen taldetzat jo da honako hau. Aitzitik, joan den astean jakitera eman zuten adostasunezko elkarrizketa guztiak bertan behera gelditu direla, eta hirugarren talde modura aurkeztuko direla. Talde honetan Ingenieri jakintzagaietako irakasle aunitz dago. Hauek ere, euren asmo zerrenda karrikaratuta dute aspaldidanik. Aurrekoen antzera, deszentralizazioaren alde agertzen dira, departamentuak eta zentru ezberdinak indartuz. Bide batez, eremu honetan kokatzen dute euskararen normalizazio prozesua, departamentuek jakin baitezakete zein den zehatz-mehatz duten errealitatea, bai ikasle zein irakasleen aldetik.

Irudizko parlamentu honetan 150 aulkietatik 41 eserleku ikasleendako dira zutituko, ohi legez, eta hauen inguruan badago ere zer kontatua. Izan ere, ikasle talde ezberdinak joan dira eratuz eta desagertuz Nafarroako Unibertsitate Publikoak azkeneko hamar urte hauetan urratu duen bidean. Zabalik eta Arrosadia taldeak adibidez, nozbait egon zirenak, egun desagerturik daude. Ikasle Abertzaleak da hastapenetik dagoena eta presentean, unibertsitateko Gobernu Batzarrean gehiengoa duen ikasle taldea da. Klaustrora begira kanpainan dihardu hilabete hauetan.
Bide berdinean, Eraldatu taldea zerrenda dezakegu bigarrenez, eta hirugarrenik estreinako bertze bat, El Sadar. Estreinakoz izenez bakarrik, hemen biltzen baita Grupo Unibersitarioko kide franko. UPN alderdiaren ingurukotzat hartu da betidanik, eta oraingoan Alderdi Sozialistaren hainbat gazte batu omen zaizkio.
Eraldatu taldeari dagokionez, unibertsitate elebidun, anitz eta kritiko baten aldeko kanpaina eginen dutela iragarri dute, «

» nabarmenduz.
Ikasle Abertzaleak taldeak ilusio handiz hartu du martxoaren 24ko hitzordua eta zerrenda buru den zuzenbide ikasle Sonia Garciak, jadanik bezperetan, gordinean salatzen du gaurdaino klaustroak marraztu duen bidea: «

».
Zentzu honetan, Sonia Garciak errektore taldeak onarturiko Iraupen araudia ere gogor kritikatzen du. Araudi honen arabera, kreditu kopuru jakin bat gainditu behar da urtero, eta hau lortu ezean, bertan behera utzi behar dituzte ikasketak: «

». «

», eransten du Soniak errektore taldearen lana aztertzean.
Hargatik, Ikasle Abertzaleak-ek hezkuntz kalitatearen aldeko apustua egiteko konpromisoa hartu du klaustro berriari begira, ezkerretik noski, eta euskararen garapen osoa aldarrikatuz.
Hiruna zerrenda, bada, ikasle eta irakasleei dagokienez; eta gero administrazio eta zerbitzuko jendea. Alegia: klaustro berriari segika, unibertsitateko parlamentuaren bidean, inoiz baino zurrun eta goriago dauden hauteskundeak