"Kiroletakoak astoagoak gara"

  • Donostiako Urrats euskaltegian aritu zen lanean. Telebistan kiroletako erredakzioan dihardu, pilota eta herri kiroletan batez ere. Izugarri gustura dagoela dio 39 urteko azpeitiarrak.

2021eko ekainaren 30an
Betidanik kiroletan ikusi edo entzun izan zaitugu. Hemen inon baino gusturago?
Hilabetetxo bat eman nuen albistegietan. Esperientzia gogorra izan zen. Egokitu zitzaizkidan oso momentu txarrak, Vic-en izandako atentatua, haren ondoren etorri ziren ekintza gogorrak... eta niri oso biolentoa egiten zitzaidan notizia horiek ematea. Uste dut kiroletan askoz ere lan gehiago egiten dela, bolumenari dagokionez, baina informatiboetan egin beharreko lana askoz ere zehatzagoa da eta terminoetan kontu gehiago izan behar da. Normalean kiroletan gaudenok, nik uste, astapotroagoak garela, askoz lasaiago gaudela bi-hiru orduko erretransmisioa egiten.

Batez ere pilotan aritzen zara eta hau izango da gainera, gustukoen zaizuna.
Bi arlotan nago sartuta. Batetik pilota, eta honen barruan erraminta eta afizionatu mundua. Esku profesionala da erregea, baina atsegin gehien ematen duena afizionatu mundua da. Ikusi ditut Mikel Goñi eta bere belaunaldikoak afizionatuetan, artean bizarra egiteko lanik ez zeukatela, beraien bilakaera ikusi dut eta ikaragarri polita da pronostikoak egitea: horrek postura politak dauzka, hori aterako da, ez da aterako, eta gero, asmatzea edo ez asmatzea. Bestetik, herri kiroletako martxa daramat, eta hor ere ikaragarri gustura, protagonistak euskaldunak direlako eta Perurena, Saralegi, Zelai... gertutik ezagutzeko aukera eman didalako. Alde horretatik asko zor diot lan honi, bertan izandako harremanak... Esaterako, herri kirolak eta futbola parekatuz, herri kiroletan ez dago Jaungoiko txikirik, futbol zelaiean zoritxarrez bai. Egokitu zitzaidan Reala jarraitzea eta iruditu zitzaidan hango gizonak oso urruti zeudela eta beren burua oso altu zeukatela. Julian Retegirekin arratsalde bat pasa eta gero, Realeko edo Athleticeko futbolari gazte batek elkarrizketa bat zalantzan jartzea oso penagarria da.

Goñi eta Retegi aipatu dituzu. Egun bi hauen arteko lehiarik ezin dugu ikusi.
Enpresa desberdineko pilotariak txapelketa batean ez ikustea penagarria da pilotazalearentzat. Eskatzen dena horixe da. Zaleari ezin zaio saldu `enpresa hau ez da bestearekin konpontzen', kontratu irudiak, milioiak gora eta behera... Orain negoziazio fase batean gaudenez, gauza txikiagoetan ere jakin egin behar da mahaian eseri eta gauzak konpontzen


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude