«EUTSI», «DEIADAR»EN ORDEZKARI


2021eko uztailaren 19an
«EUTSI», «DEIADAR»EN ORDEZKARI
GERNIKAN Deiadar Kultur Elkarteak kaleratu ohi zuen izen bereko aldizkaria desagertu egingo da. Aldizkari honek, ordea, berri bati egingo dio lekua: hil honetatik aurrera «Eutsi» izeneko aldizkariak emango du Gernika eta inguruetan gertatutakoaren berri. Dagoeneko finkatua dute argitalpen berriaren egitura: lehen zatiak irakurleen eskutitzak, artikulu laburrak eta helbide erabilgarrien informazioa jasoko ditu; bigarrenean elkarrizketa eta erreportaiak bilduko dira eta azkenengoan tarte bat egingo zaio kirolari.

MUSIKA IRAKASLEEN TOPAKETA
HIL honen 22an Musika Irakasle Euskaldunen Lehenengo Topaketa burutuko da Donostiako Goimailako Kontserbatorioan, erakunde honek, Eusko Jaurlaritzak, Udako Euskal Unibertsitateak eta Euskal Kantuzaleen Elkarteak antolaturik. Hezkuntza orokorreko euskal curriculuma eta pedagogia musikalaren inguruan izango da topaketa hau. Antolatzaileen esanetan, musika irakaskuntza profesionala Hezkuntz Sistematik kanpo egon da beti eta horren ondorioz, musika irakasleen izaera atipiko edo ezohikoa izan ohi da. Arazo horiei guztiei aurre egiteko asmoz jarri dute abian topaketa, hainbat helburu finkaturik: alde batetik, musika irakasle euskaldunen arteko ezagutza bultzatu nahi da; euren egoera profesionalaren azterketa ere ahalbidetu nahi dute, horretarako euren arteko elkarlana bultzatuz; bide horretan, irakasleok batuko dituen erakunde bat sortu nahi da eta azkenik musika irakaskuntzako curriculuma jorratzea ere dute helburu. Gizarte errepresentazio tresna garrantzitsua izanik, irakaskuntzan ere behar duen tokia eman nahi zaio, azken finean, musikari.

LEHEN EUSKAL ZINEMALDIA
IRAGAN astean (hilaren 4an hasi eta 7a bitarte) Euskal Herriko Zinemagileen I. Erakusketa ospatu zen Iruñean, Eguzki Bideoak antolatuta. Bideo-klipak, erreportaiak, laburmetraiak... forma eta estilo anitzeko lanak izan ziren ikusgai, osotara 30 ale. Guztiak, Euskal Herrian buruturikoak izan dira eta garrantzi berezia eman zaie euskarazko lanei. Izan ere, Euskal Herrian egiten den lanaren erakusgarri izan nahi du sortu berri den ekimenak, egile ezagun eta ez hain ezagunei lekua eginez.

ARTE GARAIKIDEKO MUSEOA
DAGOENEKO prest dago Arabako Arte Garaikideko Museoaren proiektua. Joan den urtearen azken egunetan Mikel Mintegi Arabako Kultura eta Euskara diputatuak proiektu horren xehetasunak eman zituen aditzera. Guztia aurrikusi bezala joanez gero, obrak datorren maiatzean adjudikatzea espero da.

AHMED GOYA SARIETARA
DAGOENEKO ezagunak dira XIII. Goya sarietarako hautagaiak. Animaziozko filmen arloan lehiatzeko hautagai izendatu dute Juanba Berasategik zuzendu eta Irusoin etxeak ekoiztutako «Ahmed, Alhambrako printzea» euskarazko filmea. Iaz «Megasonikoak» izeneko filmaren arrakasta ikusirik, badirudi euskal animazioa bere garai onenetan dagoela.


Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude