lkarrizketa arinak, bapatekotasuna, umorea... arrakasta izateko beharrezko osagaiak al dira?

Orain arte jaiei buruzko berriak oso modu serioan eman dira, informatiboetan bezala. Arrakasta, jendearen gustukoa delako eta ETBn orain arte horrelakorik ez delako egin, izan dugula uste dut.

Zein jarrera du jendeak mikrofonoarekin gerturatzen zaretenean?

Denetarik dago. Euskalduna gehiago beldurtzen da, mikrofonoa ikusi eta ezkutatu egiten da; aldiz, erdaldunak lotsa gutxiago dute, berehala gerturatzen baitira. Hau da gehien nabaritu dugun aldea jende euskaldun eta erdaldunaren artean.

Orain arte udako saioa zena, festa berezietan ere ikus dezakegu.

Euskal Telebistako aurrekontua oso txikia zen, eta aurrekontu horrekin saioak lortu duen ikus-entzulegoa ikusirik udaz kanpoko ekitaldi bereziekin ere jarraitzea erabaki dute. Adibidez, hurrengo saioa Gernikako Ferian egin behar dugu. Saio berezi hauek duten arrakastaren arabera, aurrerantzean gehiago egin edo ez erabakiko da.

Jairik jai lanean aritu ondoren, azkenerako antzekoak egiten al dira denak?

Egitarauari dagokionez herri txikietako jaiak nahiko antzekoak dira. Alde gehiago nabaritzen da hiriburuetako jaietan: kanpoko jendeari eskainita dauden jaiak baitira askotan, beste guztiak orokorrean antzekoak dira.

Albistegi edo antzeko saio serioetara itzuli, edo «Jaiak 96»ren artean aukeratu beharko bazenu, zein nahiago?

Oso saio ezberdinak dira, «Jaiak 96» bezalako programak politagoak dira, jende asko ezagutzeko aukera baitaukagu. Aukeratzekotan «Jaiak 96» edo antzeko zerbait hartuko nuke. Hala ere, berdin zait zertan lana egin hasi berria nahiz eta.