"Bailarako baserritarren zentroa bihurtu gura dugu Zamudio ".

1995eko ekainaren 11n

Zamudioko Abeltzain eta Nekazari Kooperatibaren artikuloa
"Bailarako baserritarren zentroa bihurtu gura dugu Zamudio ".
Jose Antonio Lekerika, Zamudioko Abeltzain eta Nekazari Kooperatibako lehendakaria
Azken hilabeteetan arazoekin ibili dira kooperatiban. Lehengo lehendakariaren aldaketarekin gauzak baretu egin dira eta inbertsioetarako prest daude jada. Kooperatiba 1945ean sortu zen, 1946an 145 bazkide zituen eta gaur egun 300. Lekerika, 54 urteko larrabetzuarra dugu lehendakari berria maiatzaren 21etik aurrera.
Zer helbururekin sortu zenuten kooperatiba?
Garai batean bailaretan herri askotan sortzen ziren nekazari kooperatibak, bailarako baserritarren beharrei erantzuteko helburuarekin. Txoriherrin hiru daude, Zamudiokoaz aparte beste bi daude, Larrabetzun bata eta Lezaman bestea. Mungian ere, adibidez, beren bailara osorako eurak bakarrik daude eta horregatik daude horren indartsu.
Zein izan da 1994ko kooperatibaren balantzea?
Orain zuzendaritza aldatu berri dugu eta, beraz, ez dakigu datu horien fidagarritasunaz, eta datorren asterako kudeatzailea etorriko da aurreko balantze guztia egiaztatzera. Emaitzei dagokienez, gure helburua ez da etekinak sortzea, zerbitzua ematea baizik, baina amortizazioei eusteko zerbait ere eduki behar dugu: iazko datuen arabera hiru bat milioi pezetako (120.000 libera inguru) etekina izan genuen.
Nekazaritza krisiarekin zuen antzerako kooperatiba asko itxi ere egin dira, zuek nola pasatu duzue?
Beste batzuek nabaritu dute, ez dakit zergatik. Guk, egia esan, ez dugu krisiaren eraginik igarri, gero eta inguruetako jende gehiago datorkigu. 1995erako aurrikuspenak oso onak dira, batetik kooperatiba zabaldu eta pabilioi eta zilo berriak eraikiko ditugu ongarriak eta hirin berriak egiteko, nekazari-denda handitu, eta Bizkaiko Nekazaritza Ganbarak ere hona etorri gura du: Txoriherri bailarako baserritarren zentroa hemen kokatu gura dugu. Dagoeneko Jaurlaritza eta Bizkaiko Diputazioarekin berba egin dugu eta finantziazio aurrikuspen onak daude.
Dirulaguntza barik, zuena moduko kooperatibak ba al dira errentagarriak?
Baietz uste dut, baina hasiera bederen subentzioarekin izan behar du. Produktu askorekin galdu egiten da, zerbitzua eman behar baita; orain, esaterako, zahiarekin parra egin edo dirua galduko dugu, oso garesti baitago. Baina inbertsioak dauden neurrian, laguntzak egon behar dira.
Koopetatiba barruan arazoak izan dituzue Jose Luis Marcaida aurreko lehendakariarekin, zer iritzi diozue zuzendaritzan bere kudeaketari?
Ez dut gustoko kritikatzea, areago bera aurrean ez dagoenean, baina oraintsu Zuzendaritza Batzordean entzun izan dudanez, lehenengo bi urteak oso ondo pasatu ziren, baina geroago Marcaidak zuzendaritzaren ahalmenak eskuratu eta gura zuena egiten zuen, eta jendea pozik zegoen salmentak ondo zihoazelako.
Apirilaren 30eko batzar nagusian berak eman zituen datuen arabera, gauzak ez zeuden batere ondo. Batzar horretarako deialdia Zuzendaritza Batzordearen sinadurarekin agertu bazen ere, zuzendaritzak ez zuen deialdi hori egin eta indargabetu egin zuen. Maiatzaren 21erako ezohizko bilera deitu zen eta bertan zuzendaritza berria hautatu, eta ni lehendakari.
Hasieran Marcaida ondo ari ei zen, non okertu zen bere lana, bada?
Kudeaketa guztia bera bakarrik eramaten hasi zenean, ez zuen Zuzendaritza Kontseilua kontuan hartzen eta honek txarto egindako kudeaketa lanen batzuk aurkitu zizkion, baina ez nuke horietan sartu gura. Lehengo atean, adibidez, batzarrean zenbaitzuek kontatzen zutenez, kontuak hartuz gero Marcaidak kalera bidaltzen zituen, eta hauek alde egiten zuten gainera. Lehendakaria ez da inor norbait kalera botatzeko, ahalmen hori Batzar Nagusiarena besterik ez da.
Instituzioen ateak ere itxi egin zituela diozue, zergatik?
Pabilioia konpondu genuenean, Jaurlaritzak 11 milioi pezetako dirulaguntza iragarri zigun, eta jadanik 4,5 milioi pezeta eman zizkigunean kontuak eskatu zituen eta ezer ez zegoela eginda konturatzean diru hori itzultzea eskatu zuen. Beste arazoetariko bat izan zen, Aberenako kapitalaren interesena: Marcaidak Aberenarekin arazoren batzuk izan zituen eta, beraz, Aberenak ez dizkigu interesok ordaintzen. Dena den, arazo hau Aberena eta La Caixarekin batera konponbidean dago.
Berak salatzen duenez, EAJk guztia kontrolatu gura du eta horregatik prestatu du bera kentzeko jokaldia?
Zuzendaritza Batzordeak Marcaidak deitutako apirileko batzarreko deialdia ikusi zuenean, lau milioiko zorra hemendik, zortzi hemendik, baserritarrek jarrita dauzkaten sei milioiak, beste bost Caja Ruralean... Horrek eragin du hau, beste ezerk ez. Gure kooperatiban ideia guztietako jendea dago eta baita Zuzendaritza Batzordean ere. Orain jadanik instituzioekiko harremanak bideratzen ari gara eta urak bere onera datoz.
LETONA, Xabier
20,21

Gaiez\Ekonomia\Lehen sekto\Nekazaritza
Gaiez\Ekonomia\Lehen sekto\Abeltzantza
Pertsonaiaz\LEKERIKA1
Egileez\LETONA1\Ekonomia

Irakurrienak

Matomo erabiliz

"Batasun estrategikoa lantzen ari gara Europako Alderdi Komunista sortzeko"

Xabier Letona Biteri

Infiltratutako beste polizia bat atzeman dute Madrilgo hainbat kolektibotan

Gedar

Presoen Euskara Irakasleen Taldeak agur esan du

Bilbo Hiria Irratia

"Gure gizartean desira gutxi dago, eta obedientzia asko agindu neoliberalei"

Danele Sarriugarte Mochales

Maskaraden hegaletan

Ainize Madariaga

Azkenak

2024-05-06 | Mattin Jauregi | Inaxio Arin | Balerdipeko erleak

Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.

2024-05-06 | Nagore Zaldua Mendizabal

Arrosarioa, sexu-estrategia aurrerakoiaren adierazle

Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]

2024-05-06 | Jakoba Errekondo

Intsusa lore edariak

Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.

2024-05-06 | Garazi Zabaleta

Erlauntzako airea arnastearen onurak

Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]

2024-05-05 | Zigor Olabarria Oleaga

Pertson(alismo)en politika

Sánchez Sánchez Sánchez Sánchez Sánchez. Bost egun errepikaren errepikaz. Enpatxura arte eztabaidatu da “hausnarketa” egun batzuk hartzeak zenbat duen zintzotik eta zenbat jokaldi politikotik. Baina deus ez bere egiteko... [+]

Eguneraketa berriak daude