"Euskal Herria erreminta-makina arloan munduko hamaikagarren ekoizlea da".

1995eko maiatzaren 07an

Francisco Aldabaldetreku AFM-ko lehendakariari elkarrizketa
"Euskal Herria erreminta-makina arloan munduko hamaikagarren ekoizlea da".
Francisco Aldabaldetreku, erreminta-makina arloko AFMko lehendakaria
Espainiako Erreminta-Makina Egileen Elkarteak (AFM) urteko batzar nagusia izan zuen joan den astean eta balantzea egiteaz gain, bereziki nazioartekotze prozesua aztertu zuten bertan. Adabaldetreku, 64 urteko debarra, Elgoibarko Danobateko zuzendari-nagusi laguntzailea eta Iveco teknologia zentroko zuzendari nagusia da.
Zeintzuk dira Batzar Nagusitik atera diren jarduera lerro nagusiak?
Une hau berezi samarra da, plan estrategiko bat lantzen ari gara eta. Funtsean AFMk elkarteko 85 enpresei sinergiek sor ditzaketen era guztietako zerbitzuak eskaini nahi dizkie: ikerkuntza, langileen formazioa, koordinazioa... Horrez gain, beste lerro garrantzitsu bat gure taldearen nazioartekotzea da, gure ekoizpenaren % 70 atzerrira zuzentzen baitugu.
Esan liteke jada erreminta-makinaren sektorea krisitik atera dela?
1990ean sektore guztiak 103.000 milioi pezeta (4,1 bat miliar libera) fakturatu zituen, eta iaz 60.000 milioi pezeta. 1993. urtearekiko hobetu egin genuen baina oraindik 1990etik % 43ra gaude. Ez da gure kontua bakarrik: Japoniak berak ere 1991n 11.300 milioi pezetafakturatu zituen eta 1994ean 6.790, beraz, % 41 gutxiago. Munduan izan den gainbeherarekin bat joan gara.
Aurtengorako aurrikuspenek gorakadarekin goazela dioskute, jadanik fakturatu duguna eta dauzkagun eskaerekin, 103.000 milioi pezetara ez gara iritsiko baina seguruenik 80.000 milioiak pasatuko ditugu.
Beraz, kanpai-hotsa entzuteko moduan gaude?
Ez, orain lana badugu baina diru egiturak oso ahulduta geratu dira. Kasurik onenean, erreminta-makinan dirua irabaztea oso gaitza da. Orain, gainera, atzerrian erosi beharreko produktuak izugarri garestitu dira.
Krisi garaian enpresak batzeaz asko hitz egiten zen; behar beste batu al dira?
Lau talde osatu dira eta hau oso garrantzitsua da ikerkuntzarako, finantz sendotasunerako, hornitzaileen aurrean indarra agertzeko... Nire ustez beste enpresa batzuk ere bide hau jorratu beharrean daude, eta ez da samurra, oro har hemen enpresa oso sakabanatua dago eta.
Zeintzuk dira sektorearen arazo nagusienak?
Lehiakortasuna. Mundu mailan ondo lehiatzeko produktua egin behar dugu. Lehiakortasunak bi alde dauzka, bata egilearen esku, barne mailakoa: produktu ona egitea eta sare egokia antolatzea, saltzeko moduko kostuak... Bestea enpresatik kanpokoa da: lehiakortasun ez-zilegia, dolarraren paritatea... Ezin da eduki, esaterako, egon izan den moduan, dolarra artifizialki 90 pezetan... Barnekoak enpresak berak konpondu behar ditu baina kanpokoak Administrazioak.
Erreminta-makina esportazioan oinarritzen da. Pentsatu al duzue estrategia zehatzik atzerriko merkatuetara indarrez iristeko?
AFMk laster 50 urte egingo ditu sortu zenetik, eta atzerrian gehien parte hartu izan duen elkartea da. Azoka egitarau oso zabala dugu eta, akaso, urtean zehar hogeitik gora azoketan izaten gara: Milan, Bilbo, Txina, EEBB, Portugal... Hitzaldiak egiten ditugu, bilkurak, merkataritza-bidaiak antolatzen dira mundu osoan. Gure produktuak asko ikusten dira atzerrian.
Zein da, Espainia mailan, euskal erreminta-makinaren egoera?
Estatuko erreminta-makinaren % 85 EAEn dago. Hau kontuan hartzen badugu, Euskal Herria mundu mailako hamaikagarren ekoizle nagusia da eta gure produktuak mundu mailan lehiakorrak dira: Alemania, Suitza, EEBBekoekin lehian jarduten dira. Ezin duguna da Taiwan eta antzerakoekin lehiatu, hots, makina arruntak egiten dituztenekin. Baina makina hauek desagertzera doaz. Bestela, Europa mailako teknologiaren puntan gaude.
LETONA, Xabier
20,21

Gaiez\Ekonomia\Industria\Metalurgia\Makina erra
Pertsonaiaz\ALDABALDET2
Egileez\LETONA1\Ekonomia

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

"Amorrua, hira eta mendeku nahia emakume baten motorrak ere izan daitezke"

Reyes Ilintxeta

Efemeridea: Jarrairen V. Kongresua bortizki eragotzi zuen Espainiako Poliziak, agindu judizialik gabe

ARGIA

2x17: Amillubi proiektutik: taupaka hasi da lurra | Ane Aranburu eta Miryan Imaz

Bizi Baratzea | ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude