"Justizia egitean ustezko lagunak galtzen dituzu".

1995eko apirilaren 16an

Manolo Campos (HB)-eri elkarrizketa
"Justizia egitean ustezko lagunak galtzen dituzu".
Komunikabideen oholtza utzita, bizimodu arruntera itzuli da Manolo Campos
Gogoz baino, konpromezuz eta itxaropenez eutsi zion 1991n Etxarri Aranazko agintemakilari HBren izenean, baina bere jardueraren ondorioz lortu zuen oihartzuna ez zuela «inolaz ere» espero aitortzen du. 60 urte beteta, beti bezain kaletar eta etxekogizon sentitzen da egunero bazkaria egiten.
AZKEN lau urteotan askok ikurrina eta intsumisioaren aferen ondorioz ezagutu badute ere, Manolo Camposek aitortzen duenez betidanik izan da ezkertiar eta abertzalea. Oraindik gogoan du Etxarriko bi gaztek 1954an soldadutza ez egiteagatik erbestera jo zuten unea,
«hemengo jendea beti izan da rebeldea».
Berak Afrikan burutu zuen 1956an hasi eta 16 hilabete beranduago lizentziatuz. Izan ere, txikitan aita hil ondoren Manolo zen etxeko diru-iturri bakarra,
«eta errepresioaren izuak altxatzen ere ez zizun uzten».
Gaur aukeran jarrita, semea bezala,
«dudarik gabe intsumiso».
Beste lagun ezkertiar, abertzale eta antifrankista batzuekin burutu zituen lehenengo `ekintza politikoak'. ETAren sorrera, Burgosko auzia, Carreroren hilketa, Francoren heriotza eta gainontzeko gertakariak gertutik jarraitu zituen,
«beste ezkertiar batzuen antzera».
Garraiolari lanak uzten zizkion tartetan ezker abertzaleko udal egituretan parte hartzen zuen.
Orduan itzartzen hasi zen langile mugimendu antolatuan lehenengo urratsak ematera zihoala bizkarrezurreko gaixotasunak jo zuen Campos, lana uztera behartuz eta gero, 46 urte zituela, jubilazioa. Aurrerantzean HBko udal batzordean eman zuen oinarri militantearen lana eta 1991n abertzalearen zerrendaburu izan zen udal hauteskundeetan. Alkatetza lortzeko aukera zabalak izanda ere, itxaropena bai baina berak dio hori bainoago konpromezuagatik eta arduragatik onartu zuela proposamena.
«Herri txikietan zaila izaten da zerrendak osatzea, lan handia egin behar da Udaletxean eta gainera guretzat leku horietan esertzea ez da batere erakargarria».
Aginte-makila lehenengo aldiz estutzeak zirrara eragin zion eta hortik aurrera,
«eguneko 24 orduak alkate, beti baitago zerbait egiteko. Bestalde, 14 urte nituela ikasketak utzita eskola handirik ez eta Udaletxeko martxan jarri arte ordu gehiago sartu behar izan nituen».
Komunikabideetan zenbat aldiz atera den galdetuta ezezkoa erantzun du irribarrez.
«Ez nuen horrelakorik espero. Hasieran Udaletxeko lana baino ez nuen buruan; gero `politika' ekiditea ezinezkoa dela ikusten duzu».
Laster etorri zen independentziaren aldeko mozioa, Espainiako Armadari laguntza ulkatzeko erabakia, berriro ere Udaletxeko balkoian ikurrina bakarrik ezarri zenekoa, eta hauen atzetik agerraldi publikoak, prentsaurrekoak, lau epaiketa eta kargugabetzea.
Independentziaren aldeko mozioa zela medio, 1991ko urrian izan zen bere lehenengo agerraldi publikoa. Hitzak ez gogoratu arren, orduko urduritasuna ez omen du inoiz ahaztuko.
«Hori bai, independentziaren alde hitz batzuk esateko beti egongo naiz prest».
Orduz geroztik hamaika bider jende eta komunikabideen aurrean eta «lasaixeago» egoten dela onartuarren, erabat ongi egoterik ez duela lortzen berresten du:
«Benetan diotsut, ni ez naiz politikaria, ez dut horretarako pastarik».
Hautestontziek lau urteko konfiantza eman arren, hirugarrenean kargugabetu zuten Espainiako Armadari laguntza ukatzeagatik. Legegintzaldia bukatzera doa, dozenerdi bat esaldi balantzea egiteko:
«Pena merezi izan du. EAJ eta EAko zinegotziek oraindik ez didate hitzik egin eta erabaki hura guztiona izan zen, horrek tristetzen nau. Justizia egitean ustez lagunak zirenak galtzen dituzu, benetakoek ondoan jarraitzen baitute. Herri osoaren alkatea izaten saiatu naiz, ez bakarrik alderdikoa. Lanean jarraituko dut baina ez nago errepikatzeko prest, nire zikloa bukatu da eta jende berriari tokia egin behar zaio».
ALDASORO, Mikel
26-27

GaiezPolitikaEuskal HerrTaldeakAlderdiakHB
PertsonaiazCAMPOS2
EgileezALDASORO3Politika

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

"Zenbat dugun kontatzeko!" Euskal Herriko mapa sortu dute

Euskal Irratiak

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude