Mikel Pagola: «Euskararen presentziak lehentasuna du gure telebistan»

1994ko uztailaren 31
Mikel Pagola, Urnieta Telebistako arduradunari elkarrizketa
Mikel Pagola: «Euskararen presentziak lehentasuna du gure telebistan»
Urnietako Telebistak bidea egina du jada. 1992ko abenduan hasi ziren emititzen, eta ordudanik ez da gelditu. Aurtengo uztaila, baina, programazio berria osatzeko hartu dute libre. Bertako kazetarien koordinatzaile den Mikel Pagolak prozesu guztia ezagutu du.
ARGIA. Urnieta Telebista duela urte t'erdi sortu zen. 4.500 biztanleko herri bati informazioa emateak baldintzatuko zuen honainoko bidea.
M.P. Noski. Informazio kopurua ez da berdina. Ezta informazio hori biltzeko ahalmena ere. Aurrekontuak ere neurri horretara daude eginak. Arrasate Telebistak, adibidez, egunero albistegiak eskaintzeko ahalegina egiten du, eta guri ezinezkoa zaigu oraingoz. Lan taldea ere baldintzatua dago. Borondatez lan egiten duten herritarrak dira gehienak. 10 lagun guztira.
A. Hala ere, hiru egunez emititzea lortu duzue astero.
M.P. Asteartetan emititzen dugu programazio oinarrizko bat. Egun horretan ematen dugun 25 minutuko albistegia da garrantzitsuena. Kirol eta zinema saio bana ere baditugu. Gero, bi astetik behin, gazteen mundua ukitzen duen beste bat dugu. Ostiraletan berdina errepikatzen dugu eta igandean berdin, gehi programa berezi batzuk.
A. Euskarak zein leku du programazio horretan?
M.P. Euskararen aldeko diskriminazio positiboa egiten dugu. Saiatzen gara behintzat. Aipatu albistegietan, adibidez, minutu gehienak euskaraz dira, eta ondoren laburpena egiten dugu gazteleraz. Kirol saioa erabat euskaraz da eta gazteenak tarteka erabiltzen du euskara, gonbidatuen arabera. Erreportaia guztietan hizkuntza bakarra euskara da.
A. Hil hau datorren irailerako aurkeztu nahi duzuen programazio berria prestatzeko erabili duzue.
M.P. Uztaila osoa joan zaigu horrela. Grabaketa berriak egin ditugu, beste bi edo hiru programa osatzeko. Programa bakoitzeko lan taldeak osatu, ideiak bota eta grabazioak izan dira burutu ditugunak.
AMAGOIA IBAN
63

Gaiez\Komunikabid\Telebista\Herri teleb\UTB
Pertsonaiaz\PAGOLA3
Egileez\IBAN1\Komunikabid
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
EGILEA
Eguneraketa berriak daude