«Enpresa txikiok askatasun handiagoa dugu merkatuari egokitzeko»

1993ko ekainaren 06an

Patxi Noblia, Sokoako zuzendariari elkarrizketa
«Enpresa txikiok askatasun handiagoa dugu merkatuari egokitzeko»
Patxi Noblia, Sokoako zuzendaria
Azken urteotan Iparraldean sortu diren enpresen artean ikurretako bat den Sokoako zuzendaria da Patxi Noblia. Bulegoko altzarietan ari den enpresa honek lantegi berri bat dauka Hendaian eta bera da Iparraldeko ekonomia animatzen duen Herrikoa taldearen bihotza ere.
ARGIA. Lanpostuak kentzen diren une honetan Sokoak oraindik sortzen ditu. Nolaz hori?
PATXI NOBLIA. Erran behar da lanpostu gutti sortu ditugula. Azken urtean gure taldeak % 10eko emendazioa izan du. Une honetan bulegoko merkatua aski kaskar dabil eta gehien hunkituak diren merkatuak Frantziakoa eta Espainiakoa dira. Azken bi urteetan merkatuak % 30eko jaitsiera jasan du. Pastiza ttipitu da baina pastel horretatik lortzen den zatia handitu da. Zergatik? Enpresa ttikia garelako eta maila apaleko tresneria baliatzen dugulako: horri esker erraztasun handiagoa dugu modelo berriak eskaintzeko. Askatasun gehiago dugu gure merkatuari egokitzeko.
Bestalde, praktikatzen ditugun prezioak aski merkeak ditugu eta momentu honetan gehien sufritzen duen produktua maila goragokoa da. Horregatik ere gehiago saltzen dugu.
A. Mugen desagerketak zerbait aldatu ote du zure lan egiteko moduan?
P.N. Dudarik ez, baina zentzu txar eta onetan. Produktuak saltzeko eta baita erosteko ere erraztasun handi bat irabazi dugu, gastu guttiago dugu eta paper kontuak anitz arindu dira. Baina merkatuan gosez dabiltzan asko dauzkagu eta ari dira merkatuak jan nahian. Hori dena bere lekura iritsi arte ez dugu bake handirik izanen. Horrek ondorio asko ditu gure politika komertzialean. Adibide bat emateko, Italiako enpresa ttiki batek ez badu lanik prezioak jaisteko marabilak egiten hasiko da merkatuak irabazteko. Horri erantzun egokiena atzematen saiatu behar dugu.
Bestalde, buruan dauzkagun mugak ez dira oraindik desagertu. Europa berri horretan sartzeko prest ez ginen agian, bereziki Euskal Herrian uste dut egiturak falta direla eta ez da ez ekonomikoki ez politikoki ezer pentsatua. Hitz asko entzuten dira baina ekintza gutti daude.
A. Beraz, politika komertzial berria pentsatu behar izan duzue?
P.N. Gure azken urteetako politika izan da beste enpresa batzuekin elkartzea. Erosteko molde berriak antolatzeko, adibidez. Zeren oso zaila da denetan bakarrik asmatzea eta gauza guztiei buru egitea. Beraz, Hegoaldeko enpresa batekin elkartu gara eta molde bat erdi prezioan lortu dugu. Berdin egiten dugu Italiako eta Alemaniako ekoizleekin, baina praktika horiek ez dira hain erraz sartzen herri horietako ohituretan.
A. Datozen hamar urteetarako asmoak Sokoarentzat?
P.N. Bizitzea. Mundu zail honetan gure egoera nahiko ona da baina ez dakit nolakoa izanen den bost urteren buruan. Krisis latz batean gaude baina etorkizuna ona egon behar luke gure sektorean, gero eta gehiago, eserita lan egiten baita. Guk gure produkzioaren % 84 Estatu frantziarrean saltzen dugu, kanpoan exportazioko heren bat Belgikan eta laurden bat Hegoaldean. Kanpoan egindako merkatuak askotan kasualitatez egindakoak dira. Baina saiatzen gara Europa Iparraldeko herrietako merkatuak lantzen, eta zabaltzen.
A. Sokoak zeukan irudia aldatu ote da?
P.N. Irudia aldatu da, errealitatea aldatu baita. Langile kopuruaren bi herenak azken sei urteetan sartu dira eta jendeak frogatu ahal izan du eskaintzen dugun profesionaltasuna. Gure irudia saldu nahi bagenu Madrilen, arazoak genituzke oraindik, baina hemen gauzak aldatu egin dira. Gisa guztiz, gure kezka nagusia da merkatuari erantzutea, ez dugu irudi berezirik saldu nahi, ez bada gure profesionaltasuna. Ez gara marka handi bat merkatuan, beraz, gure lan nagusia da gizartearen aldaketak jarraitzea.
A. Tresna berezirik behar ote da Iparraldean ekonomia bultzatzeko?
P.N. Egoera ekonomikoa txarra dugu eta nire ustez hori aldatzeko gai den arduradun edo buruzagirik ez daukagulako, bai Iparraldean, bai Hegoaldean. Agian krisiari esker jendea konturatuko da hemengo buruzagiek hartu behar diren erabakiak ez dituztela hartzen, eta aldatu behar direla. Hori zen amets zahar bat, agian dirau oraindik.
Ixabel Etxeberria
20-21

GaiezEkonomiaIndustriaBesteak
PertsonaiazNOBLIA1
EgileezETXEBERRI11Ekonomia

Irakurrienak

Matomo erabiliz

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Pastoral bat Iruñearendako

Amets Aranguren Arrieta

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Nire burua duela 20 urte bezain indartsu ikusten dut"

Euskalerria irratia | Miren Mindegia

Israel ahulduta eta Iran boterea hartuta

Asier Blas Mendoza

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude