Juan Mari Iraolagoitia: «Duintasunezko irrati bat gauzatu nahi dugu»


1993ko maiatzaren 09an
Bizkaia Irratiko Juan Mari Iraolagoitiari elkarrizketa
Juan Mari Iraolagoitia: «Duintasunezko irrati bat gauzatu nahi dugu»

«Ezina ekinez egina», Nafarroa Oinezko lelo ezaguna izan zen. Esaldi hau, Bizkaia Irratia definitzeko erabili daiteke, zeren eta hirurogeita hamarreko hamarkadatik, hainbat urrats eta pauso eman dituzte, gaur den irrati herrikoi eta alaia bihurtzeko. Lana ez da nolanahikoa izan eta Juan Mari Iraolagoitia irratiaren sortzailearen hitzetan, «sinpatia transmititu nahi dugu, hau da, irrati atsegina izatea». Ondorengo solasaldian, irrati honi buruzko xehetasun gehiago jakingo ditugu.
ARGIA. Nola hasi zinen irrati munduan eta nola sortu zen Bizkaia Irratia?
JUAN MARI IRAOLAGOITIA. 1972an Algortan irakasle lanetan nenbilen, bainan urte bat beranduago, ordu bateko euskal programaketa batean lanean murgildua nengoen. Hasierak ez ziren errazak izan, hala ere urte askotako lan baten ondoren, 1990an, euskara hutsezko Bizkaia Irratia sortu genuen.
A. Zer nolako programaketa eskaintzen diozue bizkaitar entzuleei?
J.M.I. Dena aurrekontuarekin lotuta dago, txikia baita. Informazio ona eman nahi dugu, hemengo eta kanpoko gaiei jarraipena eginez. Bizkaiko esparrura mugatzeak, entzulearekin hartu-eman zuzena izatea suposatzen du. Goiz parteko emanaldia, konbentzionala den moduan, arratsaldekoa musikalagoa dugu. Trikitixa emanaldiak adibidez, jende askok jarraitzen ditu. Hasiera hura gogoratuz, zera azpimarratu nahiko nuke, bai orain eta bai lehen, «berotasuna» sentitu dugula. Badakigu jendeak, gutxi edo asko, gurekin «sintonia» duela, horrek asko esan nahi du.
A. Etorkizunerako nola ikusten duzue euskararen eta zuen irratiaren egoera?
J.M.I. Euskararen munduan, ilusioa mantendu eta lanean jarraitu behar dugu. Gai honen inguruan, «Ekin eta Jarrai» leloari jarraitu beharko genioke. Gaur egun, errazenera jotzen dugu eta etsitzeak beraz, ez garama inora. Erdarak duen indarra ikusirik, lanean jardutea besterik ez zaigu gelditzen. Irratiaren inguruan arazoa dirua da, eta tamalez «diruak euskaraz ez dakienez», euskarazko publizitate-iragarki gehiago eskatuko nituzke.
Jon Odriozola
63

GaiezKomunikabidIrratiaBizkaia Irr
PertsonaiazIRAOLAGOIT1
EgileezODRIOZOLA3Komunikabid

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude