«Musika da hizkuntza unibertsala»

1993ko urtarrilaren 17an

Junior Marvin, The Wailers taldeko buruari elkarrizketa
«Musika da hizkuntza unibertsala»
Junior Marvin, The Wailers taldearen burua
The Wailers taldearen inguruan mitoak dira nagusi, eta ondorioz pentsa daiteke Bob Marleyren itzalak pisu handiegia izan duela beraiengan. Ez da horrela ordea, Waylersen buru den Junior Marvinen iritziz guztiak baitira anaia eta Jainkoaren seme. Bakea eta amodioa aldarrikatu eta heriotzan sinesten ez duen jamaikar honekin hitz egiteko aukera izan genuen Lekeition,The Waylers taldeak abenduaren 18an jo zuen egunean.
ARGIA. Zer egiten du zuena bezalako talde ospetsu batek gurea bezalako herri txiki batean?
JUNIOR MARVIN.
Herri honen historiagatik etorri gara. Gure herriak ere historia berdintsua dauka; horra Jamaika, horra Afrika, beti askatasunaren alde borrokan.
A. Aldaketa dexente ezagutu ditu taldeak: Bob Marley eta Peter Toshen heriotzak, Bunny Livingstoneren aldegitea... Izan al du eraginik guzti horrek zuengan?
J.M. Ez dugu heriotzan sinesten. Maitatzen zaituen jendeak sekula ez zaitu uzten.
A. Bob Marleyk hil aurretik taldea elkartuta mantentzeko esan omen zizuen. Zuek lortutakoaz harro egongo litzatekeela uste al duzu?
J.M. Bobek ikusten du zertan ari garen, bera ere musikaren unibertsoaren bidez bizi baita eta guk jotzen jarraitzen dugun artean gure musikak bizirik mantenduko du. Bestalde, ez daukat Bobek jarraituko zukeen bidea jarraitzeko asmorik; nire lanarekin berea osatuko dut.
A. Reggae musikaren alderik izpiritualena eta zentzurik transzendentalena defendatzen duzue. Alegia, erritmoa oso garrantzitsua dela zuen musikan, baina horren azpitik zerbait badagoela.
J.M. Musika hizkuntza unibertsala da. Lehenbizi neure burua ezagutzen saiatzen naiz, baina era berean besteei bere burua ezagutzen lagundu nahi diet. Jendeak bere burua beharko luke, mezua berdina baita: maitasun bakar bat.
A. Reggae-a musika unibertsal gisa ulertzen duzuela esan duzu, baina musika hau toki eta herri konkretu batean sortzen den sustraidun musika da, herri baten izaerarekin lotura estua daukana. Nola igaro, beraz, partikulartasun horretatik unibertsaltasunera?
J.M. Haurra zarenean inork ez dizu erakusten dantzan, barre edo negar egiten, baina guzti horiek egiten dituzu. Era berean, musika entzuten duzunean ez duzu lengoaia entzuten, musika sentitu egiten duzu. Beraz, begibistakoa da: Bobek zioen bezala, musika haur batek ere uler dezake. Guk ere berdin uste dugu. Horregatik edonork uler gaitzake.
A. Munduan zehar bakea eta maitasuna aldarrikatzea duzue helburu. Mundua nola dagoen ikusita, ez al duzue gogorik sentitzen mezu horretatik salaketara pasatzeko?
J.M. Gure mezua jende guztiak ulertuko balu, ez legoke gerrarik. Jendeari on egingo lioke «War» kantuaren hitzei aditzeak. Kantu hau mundua baketzeko gakoetariko bat da. Honetaz gain, jendeak Biblia ikasten ere saiatu beharko luke. Pazientzia izan, Biblia ikasi eta egunerokoaren aginduak errespetatzen saiatu behar gara. Beraz, Espainiako erregeari bibrazio positiboak bidali behar zaizkio. Zuria, beltza, euskalduna edo kataluniarra izateak ez du garrantzirik. Erabateko komunikazioa da funtsezkoena, planeta berdinean bizi beharra baitaukagu. Zerua lurrean baitago.
Mikel Lizaso
Aitor Zuberogoitia
Mikel Lizaso / Aitor Zuberogoitia
64,65

GaiezKulturaMusikaMusika modeTaldeakTHE WAILERS
PertsonaiazMARVIN1
EgileezLIZASO3Kultura
EgileezUBEROGOIT3Kultura

Irakurrienak

Matomo erabiliz

Nire dürüma defendatuko dut

Gorka Bereziartua

"Ez da trantsizioa, espekulazioa da"

Estitxu Eizagirre

Voxeko faxisten kontra protesta egin dute Algortan, Azpeitian eta Tolosan

Gedar

“Euskararen borroka gaztetzen ari da, oso azkar”

Onintza Irureta Azkune

Emakumeentzako edariari buruz

Cira Crespo

Azkenak

2024-04-16 | Eguzki Talde Ekologista

Katuarrain pilo bat hilik, oraingoan ere Getarian

2024-04-16 | Gorka Peñagarikano Goikoetxea

Maiatzaren 2an hasiko da Ziburuko Azokaren Azokaldia

Ziburuko 5. Liburu eta Disko Azoka ekainaren 1ean egingo da, baina aurrez, maiatzean, beste lau hitzordu mamitsu eskainiko dituzte Lapurdiko lau txokotan.

2024-04-16 | ARGIA

2x14: Bazegoen lekua, Rose!

MULTIMEDIA - Oroimen Histerikoa

2024-04-16 | ARGIA

Gizon bat atxilotu dute Ziburun, emakume bat hotel bateko bosgarren solairutik jausi ondoren

Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.

2024-04-16 | Xalba Ramirez | Irutxuloko Hitza

Kokaina gaindosiaz heriotza, Donostiako Tabarin kabaretan

Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]

Eguneraketa berriak daude