«Normala da apezek jendea aterbetzea, salmoetan betidanik kantatu da hori»

1992ko apirilaren 12an

Mattin Karrere, Arbonako erretorea eta Herriarekin taldeko partaidea:
«Normala da apezek jendea aterbetzea, salmoetan betidanik kantatu da hori»
Errefuxiatuen Sostengu komiteko partaidea da Mattin Karrere Arbonako erretorea. Epaiak izan direlarik, defentsaren lekuko gisa agertu izan da. Errefuxiatuak, gose grebari ekin eta Baionako katedraletik kanporatu zituztenean, bere elizan hartu zituen. Edozein motako errepresioa salatzeko beti prest agertu izan da elizgizon lapurtar hau.
ARGIA. Noiztik zaudete apezak antolatuta? Zer lan egiten duzue?
MATTIN KARRERE. Duela hamar-hamabost urte hasi ginen biltzen, errefuxiatuen inguruan sortutako errepresioa zela eta. Giscard-en garaia zela uste dut. Guerrilleros de Cristo Rey lehenik, eta Batallón Vasco Español ondoren, GALen lan beraren egiten hasiak ziren. Bi liburuska plazaratu genituen errepresioa salatuz.
A. Geroztik zer lan egin duzue errepresioaren inguruan?
M.K. Batasun horren helburua, biziari lotua izatea da. Gertakariak salatu behar direlarik, salatu egiten ditugu. Baina salaketak ez dira errefuxiatuei buruz bakarrik, gertakaririk handiena izan arren. Bertze gauza batzuei buruz ere badira salaketak, erran nahi bait da hizkuntzaren zapalkuntza edo bertze ekintza sozialak. Jendeari ogia kentzen zaiolarik... Lan eskasian, herriaren minari, ohituran ere heltzen diogu. Bertze herriekin ere badugu harremana. Gure apez taldeak, hain zuzen ere, Herriarekin izena du, herriari atxekiak bait gara. Badira bertze talde anitz gizarte mailan, politikoki edota giza-eskubideen alde borrokatzen direnak. Herriaren ondasun guztiei buruz eztabaidatzen dugu eta analisiak egiten ditugu.
A. Zuen kontra erreakzio anitz izan da apezen artean...
M.K. Apezen artean bertze gauza guztietan bezela geratzen da. Batzuk herriari lotuak dira. Bertzeak, berriz, sistema batean dira. Bertze lanpostu guztietan ere, apezen artean bezala, badira horrelakoak: medikuntzan, langileen artean, sindikatuetan... Apez anitzek ez du bere txapinetatik irten nahi. Ez dute aski bertuterik horren egiteko. Beldur batean bizi dira. Hor ageri da, bederen, apezaren gizontasuna. Talde txiki bat joanen da aurka, bertze puntatik badutelako kuraia. Bertzenaz, erdikoak epelak dira.
A. Eta apezpikuarekin zer harreman duzue?
M.K. Apezpiku hau ez da publikoki alde agertzen, ezta kontra ere. Bere lerroa behar du atxiki. Baina gutariko batzuk gehiago hunkiak izan direlarik, kuraia azaldu du, Pantxoa Garaten kasuan esate batera. Giro horretan ez da erraza beharbada baina negoziaketa ere aipatu du, eta egoera honetan, hori ez da haizeari buruz doan aipamena soilik. Herriaren kontrako gertakariak ikusten dituelarik, gure apezpikuak badu kuraia.
A. Ez da erraza izanen gaur egun errefuaxiatuak aterbetzea...
M.K. Aterbetze hori betirakoa da. Fede mailan horri beti baietz erran behar zaiola uste dut. Liburu Sainduetan ere, "Jainkoa babesleku" aipatzen da, gainera historia guztian zehar, eta ez bakarrik euskaldunon historian. Elizaren historiaren aurretik ere. Gure fedea juduen fedetik heldu da, eta David erregearen salmoetan ere ageri da, Jesus baino mila urteko bat lehenago.
A. Azken asteetan bi apez atxilotuak izan dira: Garat eta Treviño. Zer iruditzen zaizu?
M .K. Irudi du aterbetzeagatik atxilotu dituztela. Ez dira gauza normalak, baina zer politika joko dagoen ikusirik, eta errefuxiatu eta iheslari horien kontra zertan hasiak diren ikusirik, ez da harritzekoa. Nere irudiko, normala da apezek jendea aterbetzea. Norbaitek zerbait eskatzen duelarik, eskuak behar zaizkio zabaldu. Gu ez gara detektibeak edo poliziak, laguntza eske heldu denari inkesta egiteko.
A. Ez dirudi Estatu frantziarreko politika aldatuko denik. Beraz, iheslariak izanen dira hemen, eta aterbetuko dituzue.
M.K. Bistan da. Egia da gero eta zailagoa izanen dela. Borroka hori nola eramaten ahalko dugun bertzerik da.
A. Herriko jendeak nola ulertzen du zure borroka.: Zer moduzko harremanak dituzu?
M.K. Ideologia guztietako jendea dago hemen. Nik ikusten ditudanekin ongi moldatzen naiz. Arras kontra direnak ez dira agertzen. Beren araberako elizkizunak atzemanen dituzte maleruski. Miarritzeko apezen artean badira RPR gertu dutenak. Haiek ez dute politikarik egiten, guk bai...
A. Beraz ez duzu horrelako enfrentamendurik hemengo jendearekin. Ez zaituzte nardatzen horregatik.
M. K. Batzuetan bai. Izan ditut eskutitzak eta telefono deiak.
Ixabel Etxeberria
8-9

GaiezPolitikaEuskal HerrPresoakErbesteaErrefuxiatu
GaiezPolitikaEuskal HerrTaldeakBesteakEPSK
PertsonaiazKARRERE2
EgileezETXEBERRI14Politika

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

Hauxe da Gaza suntsitzeko Israelen eta AEBen plana

Jonathan Cook

Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Aimar Gutierrez Bidarte | Aiaraldea

Gasteiz Antzokia babesteko plataforma sortu dute

Hala Bedi

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude