"Rugbya profesionalizatzen bada, gaur egungo ilusioa galduko du"

1991ko abenduaren 08an

Serge Blanco, rugby-ko jokalari ohiari elkarrizketa
SERGE BLANCO
"Rugbya profesionalizatzen bada, gaur egungo ilusioa galduko du"
Serge Blancok bere nazioarteko azken rugby partidua jokatu du. Kirol honetan izan den jokalari onenetarikoak adioa eman digu. Oraindik eta urtearen bukaerarte Miarritzeko Olympique rugby taldean jarraitu arren, 93 aldiz internazionala eta frantziar selekzioko kapitainak ez ditu David Eampese australiarraren nazioarteko 40 entsaiuak gaindituko eta munduko bigarrena izaten jarraituko du, 38rekin. Rugbyaren Pelé-ak, deitzen dioten bezala, horrela agurtu digu.
ARGIA. Zu izan zara rugbyak ezagutu duen jokalaririk onenetarikoa. Zergatik ez zara Miarritzeko Olimpiquetik mugidu inoiz?
S. BLANEO. Hiru arrazoi daude hori azaltzeko. Lehenengoa da. Euskal Herria oso erregio zoragarria dela, bigarrena nere familia guztia hemen dagoela eta hirugarrenik, Miarritzeko klubean oso gustora eta pozik egon naizela beti. Gainontzeko klubak ni gustora nengoela ikusterakoan ez didate eskaintzarik egin eta bakean utzi naute.
A. Herrialdeko arazoa bada, Baionak Miarritz baino talde indartsuagoa izan du beti. Horrela, lehendabiziko bi arrazoi horiek ez dute baliorik...
S.B. Ez pentsa. Nik jolasten dudanetik Baionako zein Miarritzeko emaitzak berdintsuak izan dira. Bata zein bestearen lorpenak oso garrantzitsuak izan dira baina parekatuta daude kirol mailan.
A. Printzean Parkean jolastutako azken partidua, Munduko Txapelketarako laurdenetan, ingeles kontra galdu zenuen. Hori zer da, etorkizunean emango denaren aurreikuspena? Ingelesek irabaziko dute aurrerantzean?
S. B. Ez Kirolean emandako hamaika urte hauetan zortzi bider irabazi dut eta hiru galdu. Gertatu da irabazi behar nuen azken partidu hura galdu nuela eta, kasualitatez, izan zen Munduko Kopa Txapelketan.
A. Futbol mailan beti esan ohi da 1970eto Brasileko selekzioa errepika ezina dela. Rugbyan ezagatu al duzu horrelakorik?
S.B. Selekzio frantsean 1985 eta 1987 tartean eman zen horrelako garaipen gogoa, hau da, rugby zelaian sartzen ginenean, irabaztera sartzen ginen, ez genuela partidua galduko bagenekien. Nazioarte mailan, All Blacks newzealandarrek gaindi ezintasuna hori mantendu dute urte askotan zehar, eta mantentzen dute oraindik, gaur egun.
A Rugby zelaian nortzu izan dira zure etsai edo gehien errespetu dituzun jokalariak?
S.B. Australiako taldea eta All Blacksak izan dira errespetagarrienak. Dena den, rugby mailan talde guztiak errespetatzen ditut. Gertatzen da australiatarrek eta newzealandarrek daukaten maila onarekin besteen errespetua irabazten dutela.
Jokalarien artean... zerrenda oso luzea da David Campese, Carling... baina botak jartzen ditudanean, jokalari guztiak dira errespetagarriak.
A. Zeintzu dira rugby jokalari on batek izan behar dituen ezaugarririk?
S. B. Batez ere, zortea. Sortea, talde on batean egoteko eta denboraldia ere, ona izateko. Rugbyak garai egokia bizi izatea. Baina, batez ere, kolektido ona izatea. Oso zaila da ezaugarriak ematea, rugby zelaian 15 pertsona daude eta postu bakoitza oso desberdina delako.
A. Dena den, betidanik esan ohi da rugbyaren ezaugarri nagusia indarra izan dela.
S.B. Ez, hori gezurra da. Rugbyaren ezaugarri nagusia inteligentzia da. Rugbyak, kirol bezala, arau asko ditu eta egin behar den lehendabiziko gauza jakinaren gainean egotea eta arau horiek praktikara eramatea. Horretarako inteligentzia ezinbestekoa da.
A. Gainontzeko kirolek profesionalizazio prozesu eta etekin ekonomikoak lortzeko bidea jarraitu dute. Posible da horrelakorik rugbyan?
S.B. Egunen batean izango dugu horrelako rugbya aina, oraingoarekin konparatuz, oso desberdina izango da, dirua irabazi behar denean jolasteko ilusioak eta gogoak galtzen direlako. Gaur egungo rugbyak dituen gauza asko galduko ziren. Hor benetako jokoa ekonomikoa da, ez diete axola gazteek jolasteko duten kemena.
A. Zure erantzunaren arabera, ez duzu nahi ragbyak profesionaltasun maila horretara heltzea?
S.B. Bai, hala da. Arazoa futbolean ematen dena da. 12-13 urteko mutilekin futbol jokalariak fabrikatzen dira. Gero 25 urte dutenean ez daukate etorkizunik.
A. Baina, eta Estatu frantsesean dagoen zaletasana kontuan hartuta, ez al da helduko une bat non profesionalitate hori exigituko den?
S.B. Ez, zaletuak ez direlako aldatu. Rugbya amateurra izanda, ikuskizuna gozatzera datoz.
A. Hego Euskal Herriko rugbyak ez dio heldu Iparrean eman den garapen mailari. Zergatik?
S.B. Orain arte zegoen nazioarteko lehiaketa bakarra Bost Nazioena zelako, eta honen eraginez, zirkulu itxi batean genbiltzan. Gaur egun, Munduko Txapelketak Hego Frantziako talde batzuen garapena lagundu du eta berdin gertatuko da espainiar talde nazionalarekin. Azken hau asko hobetu da, Italiako taldea bezala. Italiarrek ere, oso eskuadra ona osatu dute. Azken bi taldeek berritasuna ekarri dute rugbyaren mundura.
A. Jon Azkargorta eta Diaz Paternain dira hegoaldean rugbyak eman dituen jokalaririk: onenetarikoak. Zein paper beteko lukete beste lehiaketa indartsu batean?
S.B. Espainiar lehiaketa ez bada hedatzen, ezin izango du bere benetako balorea erakutsi. Jokalarien balorea aztertzeko hemen egon beharko lirateke. Bestetik, jokalari espainiar asko hemen garatu dira, Altuna adibidez. Beraz, haiek baloratzeko hemen egon eta garatu beharko lirateke.
A. Taldeak entrenatzeko asmorik ba al duzu? Eta horrela bada, Euskal Herrikoa izango litzateke?
S.B, Zintzotasunez erantzuntekotan, ez. Ez dut horretan pentsatu. Dena den, eta egunen batean aspertzen banaiz, talde gazteak entrenatuko nituzke, ikastekoak hobeto hartzen eta eskertzen dituztelako. Horrela egingo banu, Euskal Herriko taldea izango litzateke. Bestetik, ez nituzke banatuko espainiar euskal herria eta frantziar euskal herria, Frantzia eta Espainia. Batu eta erregio turistiko bakarra bihurtu behar gara, hori da Euskal Herria. Kirol mailan ere, erregio bakarra gara. Nik Euskadiko selekzioan jolastu dut.
A. Gaur egun eta etorkizunean talasoterapia zentru but zuzenduko duzu. Nola urrundu zara hainbeste rugbytik?
S. B. Hainbeste urte rugbyan eman ditut eta erretiratzeko garaia iritsi da. Denbora luzez pentsatu eta aspaldi azaldu nuen Munduko Txapelketa eta gero, nazioarteko rugbya utziko nuela.
A. Gogorra izan al da rugbya uztea?
S.B. Ez. Horrela esaten dut, Miarritzeko klubean nagoelako baina urtarrilean, nazioarteko partiduak heltzen direnean, seguraski, nostalgia sentituko dut.

NORTASUN AGIRIA
Caracasen jaio zen duela 33 urte. Jaiotzez venezuelarra izan arren, bere familia guztia Euskal Herrikoa da. Bere seme biek izan dira bere garaipen onena. Esaten dute oso futbolari ona dela. Duela gutxi, Jose Luis Gonzalezi bost penalty bota zizkion eta lau sartu zituen sarean. Inoiz ez du errefusatu autografoa bat ematea
Myriam Gartzia
Serge Blancok 11 urte darama rugby jolasten. 93 aldiz internazionala izan da, 38 entsaiu lortu ditu, bi Grand Slam eta bi bakarko garaipen.
All Blacks newzealandarrak izan dira, betidanik, bere etsairik nagusiak. Duela lau urte Munduko Txapelduna izatea ez zuen lortu newzealanderrengatik.
David Campese da bere entsaiuen marka gainditu duen bakarra. Campesek 40 entsaiu lortu ditu nazioarteko partiduetan, Blancok, munduko bigarrena, 38.
34-38

GaiezKirolaRugbya
PertsonaiazBLANCO2
EgileezGARTZIA3Kirola

Irakurrienak

Matomo erabiliz

"Batasun estrategikoa lantzen ari gara Europako Alderdi Komunista sortzeko"

Xabier Letona Biteri

Infiltratutako beste polizia bat atzeman dute Madrilgo hainbat kolektibotan

Gedar

4x16: Sarasua bueyeroa da

Beranduegi | ARGIA

Efemeridea: Euskararen aurkako ortografia arauak inposatu zituzten Hego Euskal Herrian

ARGIA

Garaipen gazi-gozoak

Arkaitz Zarraga Azumendi

Batzuen aberastasuna, gehiengoaren miseria, biodibertsitatearena barne

Nagore Zaldua | Eneko B. Otamendi

Azkenak

2024-05-06 | Mattin Jauregi | Inaxio Arin | Balerdipeko erleak

Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.

2024-05-06 | Nagore Zaldua

Arrosarioa, sexu-estrategia aurrerakoiaren adierazle

Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]

2024-05-06 | Jakoba Errekondo

Intsusa lore edariak

Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.

2024-05-06 | Garazi Zabaleta

Erlauntzako airea arnastearen onurak

Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]

2024-05-05 | Jenofa Berhokoirigoin

Adimen artifizialaren esku utzi du palestinarren hilketa Israelek

Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]

Eguneraketa berriak daude