"Alderdi politikoen siglek kalte egiten diote udalari"

1991ko maiatzaren 16an

Baztango alkatea den Javier Elizalderi elkarrizketa.

Javier Elizalde Baztango alkatea, UBren izenean:
"Alderdi politikoen siglek kalte egiten diote udalari"
ARGIA. Ikastola dela eta, saltsaren bat izan da Baztanen. Zer eritzi diozu ikastolari?
J. ELIZALDE. Hezkuntza mailan, oso inportantea da ikastola Baztanen. Orain urte batzuk, Nafarroako gobernuak ez zion diru-laguntzarik eman nahi izan, eta udalak hartu zuen bere gain. Munizipala da, beraz. Ikastolakoek eskatzen zuten lokalaerosi zuen udalak, eta bertan jarri ziren. Ez daude ongi, egia esan, dauden lekuan. Jolaserako leku gutxi dute.
Oso gogoko dut ikastola. Fundatzaileetariko bat naiz. Baina ikastolak asko banatu du herria. Ez ditu herritar guztiak lagun. Hala eta guztiz ere, aurrera doa.
A. Zer da udalaren gauzarik okerrena?
J.E. Okerrena ahaztu egin nahi dut. Nahiago dut onekin bakarrik gogoratu. Tira, nere ustez txarrena, udalean alderdi politikoak jardutea. Eta are okerragoa, Baztan bezalako herrixketan. Nere ustez, pertsonak behar ditugu, inondik ez alderdien siglak. Edonori siglaren bat atzetik jarriz gero, pertsona horrek balioa galtzen du. Ez nioke horri botorik emango. Alderdien siglek kalte egiten diote udalari. Udala politizatzeak harremanak eskasten ditu. Hemen elkarren ondoan bizi gara. Denak gara familiakoak edo lagunak. Politika mailako haserreak pertsona mailakoak bilakatzen dira.
Udala profesional batek gestionatu beharko luke, ekonomilari batek. Eta honek aldamenean herriak aukeratutako pertsona beharko luke, ildo politikoaren berri emateko.
A. Denetan onena?
J.E. Herriaren ordezkari izatearen ohorea.
A. Egiteko denborarik eman ez duenik?
J.E. Turismorik gabe gaude ia. Dirua emango duen turismoan inbertitu nahi dugu. Jada, ari gara lehenengo kanpaina prestatzen. Europan ezaguna da Santiagoko bideko Baztango paseoa, baina Estatu esapainarrean marginatu egin gaituzte. Hori ez da bat ere bidezkoa. Baztango bidea inportanteenetariko bat bait zen. Hori da erreibindikatu nahi duguna. Bost alternatiba prestatu ditugu honen inguruan, oinez zein bizikletaz egiteko. Baztanen oso paraje politak ditugu, eta 400dik gora monumento megalitiko. Baserrietako turismoa ere bultzatu nahi dugu.
A. Maiatzaren 26ko hauteskundeen atarian gara. Zer etorkizun ikusten diozu Unidad Baztanesari?
J.E. Ez dut uste orain arteko emaitzak gehiegi aldatuko direnik. Igoaltsu geratuko da botoen kopurua eta banaketa, nere ustez.
Garbiñe Ubeda
11

GaiezPolitikaEuskal HerrErakundeakUdalak
PertsonaiazELIZALDE3
EgileezUBEDA1Politika

Irakurrienak

Matomo erabiliz

MAPA | Zer bozkatu dute zure bizilagunek?

Asier Iturralde Sarasola

Iaz gehien mailegatu zen euskarazko liburua, Nerea Ibarzabalen 'Bar Gloria'

Gorka Peñagarikano Goikoetxea

Aldaketa mugatuak eta jarraikortasuna gobernuan

Asier Blas Mendoza

Berde-Bildu hegoaldetik

Maite Díaz de Heredia Ruiz de Arbulo

Sinesmenek ez dituzte mendiak mugitzen

Mati Iturralde

Azkenak

2024-04-24 | Mikel Garcia Idiakez

Jaioberrien orpo-proban gaitz gehiago aztertzera behartuko du Osakidetza Espainiako Gobernuak

Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]

2024-04-24 | Juan Aldaz Arregi

Athletic zuri ta gorria, zu zara nagusia, baina zertan?

Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)

2024-04-24 | Mikel Garcia Idiakez

Neskak eta ikasketa zientifikoak: 6 urteetatik unibertsitatera bitarteko harreman gatazkatsua

Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.

2024-04-24 | Imanol Satrustegi Andrés

Izan bedi Nurenberg berri bat

2024-04-23 | Zigor Olabarria Oleaga

Gazara bihar abiatuko dela iragarri du Askatasunaren Ontzidiak, Israel, Alemania, Erresuma Batua eta AEBen “presioen” gainetik

“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]

Eguneraketa berriak daude