"Ziur naiz jendeak, arazoak besteek konpontzea nahi duela"

1991ko maiatzaren 05an

Lasarte-Oriako alkatea den Ana Urtsuegiari elkarrizketa.

Ana Urtsuegia, Lasarte-Oriako alkate PSOEren izenean
"Ziur naiz jendeak, arazoak besteek konpontzea nahi duela"
ARGIA. Nolakoa izan da herriaren parte hartzea?
A. URTSUEGIA. Eskasa, zoritxarrez. Tristea bada ere, ni ziur naiz jendeak, dituen arazoak besteek kanpontzea nahi duela.
A. Garrantzi handia eman nahi izan diozue ingurugiroari. 5.000tik gora arbol landatu duzue, paseorako parkeak egokitu dituzue... Baina zertan geratu da Orai ibaiaren arazoa?
A.U. Ibaiaren biderapen proiektua bukatuta dago, eta MOPUk (Hirigintza eta Lan Publikoetako Ministaritza) aurrekontuetan barneratua du. Nik uste dut lanei aurki ekingo zaiela. Besteak beste, Hipodromoko zubia bota eta berria eraikitzea da asmoa. Uholdeei begira, arriskutsua da zubi hori. Dena den, ibaiaren bideratzea ez da nahikoa. Ibaia errekuperatu egin behar dugu, baina erabat. Kolektoreak, depuradorak... direnak eta ez direnak jari behar dira martxan horretarako. Baina Foru Aldundiaren eta MOPUren konpetentzia da errekuperazio integral hori.
A. Ijito eta portugesekin makina bat arazo izan omen da...
A.U. Esan beharra dago Usurbil eta Donostiako herri dermioen konpetentzia dela, ez dezakegula horren aurrean ezer esan. Hala ere, asko samurtu da arazoa. Lapurretei dagokienez asko jaitsi da kopurua, eta honekin ez dut esan nahi ijitoak bakarrik direnik lapurrak. Gaur egun pertsonen kontrola hobea da. Eta Ertzaitzak ere seguritate handia eman dio herritarrari.
A. Legealdi honen balantze orokorraz zer esango zenuke?
A.U. Ez zait triunfalista izatea gustatzen... Alderdiak, duela lau urte esandakoa aurrera eraman du, eta baita askoz gehiago ere. Nik bakarrik dakit lan asko egin dudala, eta emaitzekin oso pozik nagoela. Asko aldatu dugu herri hau. Arrazional eta zintzo izan behar da udala epaitzeko garaian, eta egina dagoena eta begi bistan dagoena ez dezake inork alda.
A. Zein izan da, alkatearentzat gauzarik txarrena?
A.U. San Pedroko festetan herritar batzuren jokaera biolentoa. Harrika hasita, ez bait dute Ana Urtsuegia jipoitzen, herritarren instituzioa baizik. Udaletxearen aurka harriak zein boteilak botatzen dituena herritar guztien aurka ari da. Jende horri ez diot jaramonik egiten, eta ez naute beldurtuko. Errespetatzen ditut herritarrak direlako.
A. Herriko PSE-PSOEk arazoak omen ditu...
A.U. Alderdi guztietan daude eritzi diferenteak. Arazoren bat beti dago baina ez dira inondik ere handiak izaten. Nik dakidanez, behintzat.
Garbiñe Ubeda
11

GaiezPolitikaEuskal HerrErakundeakUdalak
PertsonaiazURTSUEGIA1
EgileezUBEDA1Politika

Irakurrienak

Matomo erabiliz

EAJko karguen senide harrobia

Ahoztar Zelaieta

"Pianoa da konpainia izatea bezala, ez zara inoiz bakarrik sentitzen"

Olaia L. Garaialde

Bollera subjektua erdigunean jartzera datorren hitzordua

Jenofa Berhokoirigoin

Ondoezaren epidemiaz

Olaia Salazar Urrutia

"Gure Herriaren etorkizuna eta hizkuntzarena batera joango dira"

Miel Anjel Elustondo

Azkenak

2024-04-29 | Nagore Iturrioz Lopez | Yolanda Porres García | Steilas sindikatua

Hezkuntza publikoari buruz hitz txintik ere ez hauteskundeetan!

2024-04-29 | Rober Gutiérrez

Errenta aitorpena, euskaraz

2024-04-29 | Iñigo Satrustegi

Beste 40 urtez esperoan egon nahi ez baduzue

2024-04-29 | Goiuri Alberdi | Aintzira Oñederra | Asunek

Ei politikariak, “pope” akademikoek esaten badizuete, aktibatuko al zarete behingoz?

Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]

2024-04-29 | Egoitz Alkorta Miranda

Mundu mailako lapurra

Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.

Eguneraketa berriak daude