«Erakundeetako emakume eta gainontzekoen , arteko inkomunikazioa gainditu behar da»

1991ko maiatzaren 05an

Olatz Egiguren, Egizan emakumeen erakundeto partaidea:
«Erakundeetako emakume eta gainontzekoen , arteko inkomunikazioa gainditu behar da»
Ospatu berri duen kongresuan, emakumearen egoeraren azterketa abiapuntutzat hartuta, aurrerantzean lan metodologiaren nondik norakoak finkatu ditu Egizan-ek. Mugimendu feministak emakume gehiengoarengana heltzea ez duela lortu aitortu du. Lekuan lekuko arazoei heltzea joko du erakunde honek, Olatz Egiguren gazte santutxuarrak adierazi duenez.
ARGIA. Zein izan da Egizan-ek ospatu berri duen kongresuaren helburua?
OLATZ EGIGUREN. Emakumearen egoerari buruzko azterketa egin dugu. Organizatiboki zein modutan dagoen eta dituen beharrak zehazten saiatu gara. Azterketaren emaitzetan ikusitakoaren arabera, Egizan-ek nola lan egin behar duen finkatu nahi izan dugu.
A. Zein da emakumearen errealitatea?
O.E. Organizatzeko arrazoi eta forma oso desberdinak ditugu emakumeok. Taldeen edukiak eta helburuak ere oso diferenteak dira. Batzuk lokal mailan bakarrik organizatzen dira, beste batzuk alderdi politikoren baten babesean, eta beste batzuk politikarekin ez dute zer ikusirik. Hainbat emakumek helburu partzial batek bultzatuta jotzen du biltzera, ezkondu gabeko amak esate baterako. Beste hainbat, emakumeen askapenak orokorrean kezkatzen dituelako... Baina forma batean zein bestean, helburu bat zein beste bat lortzeko, erakundeetako emakume eta gainontzekoen arteko inkomunikazioa gainditu behar da. Mugimendu feministak ez du emakume gehiengoarengana heltzen asmatu. Oso oinarrizko erreibindikazioen aurrean sailik biltzen dira.
A. Zergatik ez da erakundetzen gehiengoa?
O.E. Taldeek, orobar, emakumeen askapena izan dute helburutzat. Ez gara arazo edo behar konkretuetara iritsi. Ez diogu lekuan lekuko arazoari heldu. Oso kontutan hartzekoa da ere instituzioen lana. Madrilgo Emakumearen Institutua dela, Emakunde dela, udaletan emakume zerbitzua dela, instituzioek lana egina dagoela zabaldu dute, eta egiteke daudenak eurek egin ditzaketela txukunen. Emakume gehienak etxeko andreak izanik, eta etxean gehien irratia eta telebista sartzen direla jakinda, instituzioek askoz ere errazago dute hori sinestaraztea, beraien esku dagoen momentutik kaleko borroka ez dela beharrezkoa eta zentzua galdua duela pentsa araztea. Kalean, leku guztietan egon behar dugu ikus gaitzaten lortu behar dugu.
A. Emakume gehiengoak, ordea, errespetoa dio kaleari. Salaketak eta erreibindikazioak kalean egin nahiak ez al dio mugimenduari oztoporik jartzen?
O.E. Etxekoandreari kalea arrotza zaio. Ohitura hori aldatzea, emakumeak kalera daitezen bultzatzea oso zaila da. Nahikoa zaila da. bestela ere, emakume horiengana heltzea. Konturatu behar dute dituzten arazoak ez direla pertsonalak, emakume asko dagoela egoera berean. Gure esku dago kontzientziatze lan hori.
A. Zer bide ikusten ditu Egizan-ek emakume horiek kontzientziatzeko?
O.E. Herri mailan egin behar dugu lan batez ere. Herria da markorik hurbilena horretarako. Herrietako talde bakoitzak lekuan lekuko egoeraren azterketa egin beharko du. Behar konkretuak ikusita ildo espezifikoak planteatu beharko dira herri bakoitzean.
A. Herri horietan Egizanez gain beste talde feministarik egongo balitz?
O.E. Borroka honetan erakunde bakoitzaren esklusibitatea ezabatu egin behar da. Guk, posible dugun neurrian, dakiguna eskainiko dugu, eta gainontzeko taldeek beste horrenbeste egitea nahi dugu. Erakunde bakoitza aberasteko bide polita dela eritzi diogu. Egon litezkeen sentsibilitzate desberdinak bultzatu eta aprobetxatu behar ditugu.
A. Aipatu duzuen insitituzioen ofentsibari nola egingo diezue aurre?
O. E. Instituzioen erasoa informazioa kontrastatuz gainditu beharko dugu; arrazoia eta argumentuak zuzen erabilita, estali nahi dutena plazaratuta.
A. Zein eratako arazoak izan dituzue orain arte gainontzeko erakunde edo talde feministekin? Emakume Asanbladarekin esate baterako?
O.E. Arazo konkretuak baino, dinamika problema izan dugu. Guk ez dugu hainbesteko lana egin lokal mailan. Emakumeon egoera orokorrean aztertzen ari izan gara gehienbat. Nazional mailako ikuspegiaren arabera burutu ditugu gure kanpainak.
Gure lana lokal mailan zentratu ez den heinean ez dugu kontaktu zuzenik izan. Emakumeen asanbladekin dugu parekotasunik handiena, antzeko dinamika izan dutelako. Ados jarri garen neurrian elkarrekin lan egin dugu, baina hori orain lokal mailan lortu behar dugu. Mundu zail honetan indarrak biltzen ez baditugu alperrik ari gara. Honek ez du esan nahi gure planteamentu ideologikoak alde batera utzi behar ditugunik.
A. Nola uztartzen da KAS barruan emakumeen mugimendua?
O. E. KAS arazo sektorial asko biltzen dituen erakundea da. KASeko erakunde sektorial bakoitzak bere lan arlo espezifikoa dauka, eta bakoitza autonomoa da. KASeko partaide gara denok helburu estrategiko berberak ditugulako. Honek uztartzen gaitu.
A. Ez dituzue gizonezkoak onartzen Egizan-en, baina argi duzue gizartea aldatu behar dela eta gizonezkoen inplitaziorik gabe ezinezkoa dela. Noren arduralitzatete gizonezkoak kontzientziatzea?
A. Guk borrokaren dinamizadore izan behar dugu, gu bait gara egoera horretan gaudenak. Guk izan behar dugu borroba honen protagonistak. Planteatzen ditugun mobilizazioetan eta ekitaldietan gizonezkoen inplitazioa gero eta handingoa izan dadin nahi dugu. Emakumeon askapena ez da etorriko emakumeak bakarrik kontziente izanda. Gizarte osoa kontzientziatu behar da. Gizarteari orokorrean zuzendutako taldeek egin beharko dute lan hori, HBk egin lezake esate baerako.
Garbiñe Ubeda
8-9

GaiezGizarteaSektore bazEmakumeaTaldeakEgizan
GaiezGizarteaSektore bazEmakumeaBiltzarrak
PertsonaiazEGIGUREN4
EgileezUBEDA1Gizartea

Irakurrienak

Matomo erabiliz

"Badira hartzea merezi duten arriskuak, genozidioa gelditu behar dugu"

Zigor Olabarria Oleaga

EAJk Mundakako bere alkatea presionatzen zuen, udaleko idazkariaren gainetik aritzeko

Xabier Letona Biteri

Sionismoaren kontrako juduak jazartzen ari dira Alemanian

Gedar

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Ez da zapalkuntza? Orduan, asimilazioa

Ane Ablanedo Larrion

Azkenak

2024-04-22 | Garbiñe Larrea Iturralde

Intsusaren bigarrena

Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]

2024-04-22 | Eneko Bachiller Otamendi

Arrain-zoparako, besterik ezean, itsasoko igela

Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]

2024-04-22 | Jakoba Errekondo

Lurra elikatu, guk jan

Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.

2024-04-22 | Garazi Zabaleta

Txaramela

Pasta ekologikoa, ortuko barazki eta espezieekin egina

Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

Eguneraketa berriak daude