"Kalapo" taldea kalapitaren bila pop-rockaren alorrean

1991ko apirilaren 21an

"Kalapo" musika taldekoei elkarrizketa
Joseba Gotzonen talde berriak diskoa aurkeztuko du maiatzean
"Kalapo" taldea kalapitaren bila pop-rockaren alorrean
Joseba Gotzon kantariak bakarkako lanak utzi eta Kalapo taldean agertu da oraingoan. Kalapo pop-roe karen esparruan kokatzen dute, eta maiatzaren lehenengo astean kaleratuko dute lehen elepea «Kalapo». Udako modako kantuak bilaka litezke «Bakardadean» eta«Euripean».
ARGIA. Nondik atera duzue Kalapo izena?
KALAPO. Hiztegi batean aurkitu dugu eta kemen hitzaren sinonimoa da. Iparraldetik datorkigu, Lapurditik hain zuzen. Eta ez genuen aukeratu adierazpenagatik, soinuagatik baizik.
A. Noiz sortu da taldea?
K. Taldea berria da izenez baina Joseba Gotzanen lanaren jarraipena kontsideratu daiteke. Taldeko bi kide berriak izango dira, baina aspaldlan finkaturik dauden oinarriekin aurrera segituko ditugu. Moldakuntza da berriztapenik nabarmenena. Orain arte lan honi Joseba Gotzonek ekiten zion, baina elepe berri honetan Pedro Hoyuelos dugu moldaketa egilea.
A Joseba Gotzon ezaguna da euskal musikaren arloan. Gainera zuek azaldu duzue taldea ez dela funtsean aldatuko. Zer dela eta taldearen izena berritzearen arrazoia?
K. Orain dela hamar urte Joseba Gotzon kantautore bezala hasi zen, garai hartatik bere estiloaren esentzia izango zena hartu zuen. Gero kantautore eta taldearen arteko zubian zintzilik geratu zen eta ziur aski jende askok ez zekien bere garapenaren norabidea eta urte guzti horietan egindako lana Horregatik erabaki zuen bakarlari lana uztea eta taldearen ideia bultzatzea.
Bestetik, Euskal Herrian ohitura dago izen propioak estilo zehatz batekin berdintzeko, eta gero jendeak zugan espero duena ematen ez badiozu ez du konprenitzen zertaz ari zaren. Hala ere, bi urte barru edo Joseba Gotzonek bere bakarlari lanaren bilduma bat kalera dezake.
A. Kontzerturik eskaini al duzue?
K. Lehenengo elepea ez da agertuko maiatzaren lehenengo astera arte, baina kontzertu batzuk emateko konpromezurik badaukagu. Lehenengoa Lekeition, maiatzaren azkenengo astean. Portugaleteko jaietan, Enkarterrietan, Ibar Ezkerraldean, Getxo... guztira hamar kantaldi. Herriz Herri kanpainaren barnean gure diskoa Gipuzkoa aldean aurkezteko aukera izango dugu.
A. Zuen musika "pop rock euskaraz" bezala definitua izan da. Zuek nola definitulo zenukete?
K. Musika definitzea oso zaila iruditzen zaigu, baina pop-rock inguruan koka liteke. Hala ere kritikoek eta publikoak izango dute azken hitza gure estiloa musikaren munduan kokatzerakoan. Guk gustoko dugun musika egiten dugu eta kasu honetan pop-rock ingurukoa da.
A. Ze ideia izan duzue buruan musika egiterakoan?
K. Ez dugu estilo bat bakarrik, gustatzen zaizkigu baladak eta musika arina. Baina kontzertu batetan publikoaren erizpideak kontutan izan behar ditugu eta jendeak martxa eskatzen du. Gu agian erosoago gaude balada bat egiten. Baina publikoa hor dago eta agindu egiten du.
A. Orduan erntzulegoak eragina da disko baten produkzioan.
K. Noski. Guk nahi duguna egingo bagenu, agian salmentak oso eskasak izango lirateke, eta orduan hasiera hasieratik eta ezer pentsatu baino lehen oso garbi ikusi behar ditugu bi baldintza hauek: batetik, guri gustatzen zaiguna, eta bestetik, publikoak eskatzen duena. Talde gehienek bide honetatik jo behar izaten dute merkatu finko bat osatzen dutenean, lortutako publiko horren fideltasuna gordetzea ezinbestekoa bait da. Azkenean beti aukeratzen duzu gehien saltzen duena eta arrakasta lortuko duena.
A. Zer eskaini nahi duzue zuen musikarekin?
K. Batez ere kalitatea. Horregatik daramagu urte t'erdi diskoa prestatzen eta moldaketa lanak egiten. Beste helburua, jendeak zuzeneko kontzertuetan ondo pasatzea da. Jotzeko orduan teknikari garrantzi handia eman behar zaio, baina hitza eta musika artean konbinazio hoberena lortu behar dela ahaztu barik. Musika ona bada eta hitza ez, koherentzia apurtzen da.
A. Batzuk esaten dute musika konposatzean teknikari gehiegizko garrantzia ematen zaiola.
K. Guk teknika erabiltzen dugu batez ere soinu egokiena lortzeko. Gaur egun disko gehienak ordenagailuekin egiten ari dira. Guk ezin izango genuke gure diskoa atera ordenagailuen laguntzarik gabe, musikariak kontratatzeko dirurik ez bait dugu. Beraz beharrezkoa da gure kasuan gailu elektronikoen erabilpena.
A. Ze gaien inguruan idatzi dituzue kantuen hitzak?
K. Joseba Gotzonek egin du kanta guztien musika eta moldaketak Pedro Hoyuelosek. Hitzak autore ezberdinen ideietatik jaio dira. Batzuk Josebak berak idatzi ditu eta bere gustoko gai bati ekin dio. Batez ere amodizko istorioak kontatu ditu. Beste kolaboratzaileak izan dira Joseba Sarrionandia –gartzela eta isiltasunari buruz–; eta Portugaleteko hiru olerkari: Marisa Gutierrez, Mercedes Estibaliz eta Iñaki Ojeda. Hiru hauen gaiak gizartea, gerra eta barne sentimenduak dira. Amurizaren laguntza ere izan dugu letrak hobetzeko.
A. Zein dira zuen xedeak?
K. Euskal Herrian musikaren arloan toki bat aurkitzea lehenengo premia litzateke. Hori lortzea ez dakusagu zailegi. Kezkatzen diguna da hurrengo elepea hobeto egitea eta etorkizunari begira landu beharrekoa Aldaketak egin behar ditugu.
A. Baina ez al da arinegi ibiltzea hurrengo lanetaz mintzatzea, lehen diskoa kaleratu gabe dagoenean?
K. Hau beti gertatzen da, disko bat grabatu bezain laster gauzak aldatuko zenituzke. Une honetan gauza batzuk ezberdin planteiatuko genituzke. Berriztapen guzti horiek barneratzen ditugu geroan erabilgarriak izan daitezkeelako.
A. Promozio lan berezia egingo omen duzue.
K. Hilargi Records disketxearekin mintzatuko gara, ea denon artean lan dexente egiten dugun diskoari behar duen publizidadea emateko. Eta hau aipatzen dugu, ze askotan Euskal Herriko disketxetakoek grabatutako diskoen gain duten ardura ez bait da, gure ustez, egokiena. Askotan promozioa eskas samarra izaten da eta ez dugu ondo ulertzen jarrera hau, produkzioan bakarrik miloi t'erditik bi miloi pezeta bitarteko gastuak egiten dituztenean.
Amaia Nabaskues

Joseba Gotzon, Pedro Hoyuelos, Fernando Villar, Jose Mari Santamaria eta Fabian Akarregi, Kalapoko bost kideak.
48-49

GaiezKulturaMusikaMusika modeTaldeakKALAPO
GaiezKulturaMusikaMusika modePertsonakAbeslariakGOTZON1
GaiezKulturaMusikaArgitalpenaDiskoak
GaiezKulturaArgitalgintArgitalpenaDiskoak
EgileezNABASKUES1Kultura

Irakurrienak

Matomo erabiliz

Bollera subjektua erdigunean jartzera datorren hitzordua

Jenofa Berhokoirigoin

"Gure Herriaren etorkizuna eta hizkuntzarena batera joango dira"

Miel Anjel Elustondo

Gernikaren berpiztea

Karmelo Landa

Athletic zuri ta gorria, zu zara nagusia, baina zertan?

Juan Aldaz Arregi

Kartzelako hormak zeharkatzen dituen ama-alaben arteko harremana hitz eta iruditara eramana

Estitxu Eizagirre

Azkenak

2024-04-28 | Jenofa Berhokoirigoin

BOLLOTOPAKETAK

Bollera subjektua erdigunean jartzera datorren hitzordua

Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]

2024-04-28 | Olaia L. Garaialde

Gorputz hotsak

"Pianoa da konpainia izatea bezala, ez zara inoiz bakarrik sentitzen"

Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]

2024-04-28 | Axier Lopez

Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]

2024-04-28 | Miel Anjel Elustondo

Iñaki Soto. Erredakzioko kazetaritza ardatz

"Gure Herriaren etorkizuna eta hizkuntzarena batera joango dira"

25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]

2024-04-28 | Urko Apaolaza Avila

Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]

Eguneraketa berriak daude