"Fondo Erretserbatuen argitzean datza gakoa"

1989ko abenduaren 10an

Melchor Millares kazetariari elkarrizketa.

Melchor Millares, kazetaria
"Fondo Erretserbatuen argitzean datza gakoa"
'Amedo. El Estado contra ETA' liburua aurkeztu du oraintsu Madrilen, Javier Arquesekin batera. GAL afera hurbiletik segitu duelarik, zerikusi handia izan du zenbait daturen argitzean.'Diario l6'en aritu da orain gutxi arte; 'E1 Mundo' egunkari berrian dihardu orain.
Argia.–Zuen liburuaren titulua 'Amedo. El Estado contra ETA' da. Baieztatu al daiteke Estatua dela GALen atzean dagoena?
Melchor Miralles.– Ebidentzi osoak daude hori baieztatzeko. GALen atzean Estatua dagoela ez dugu guk bakarrik esaten, Baltasar Garzon epaileak berak esan du argi eta garbi GAL fondo publikoen desbideraketa baten bitartez finantziatu zela. Epaileak esana da ere Amedo eta Dominguez-en gainetik erantzuleak daudela eta ikertzen utzi izan balitzaio berak argitu ahal izango lituzkeela.
A.–Fondo erretserbatuak nork eta nola banatu ziren jakitea izan al daiteke gakoa?
M.M.–Gakoa, oso osorik, hor dago. Ez dago dudarik Amedo eta Dominguez zirela GALeko arduradun organikoak. Baina gakoa Amedo eta Dominguez baino areago joatean datza, eta hor ezinbesteko urrats bat eman beharra dago, fondo erretserbatuen argitzea alegia. Amedori ze dirukopuru luzatu zitzaion, eta ze pertsonak luzatu zizkion esaten ez bada gobernutik, goiko erantzukizunak argitzea ezinezkoa izango da.
A.–Ezkor ikusten zaitut Amedo eta Dominguez-en gaineko erantzunkizunak argitzeko posibilitateari buruz.
M.M.–Orain Amedoren kasuarekin zerikusia duen gizabanako baten gaineko informazioa ematen dihardugu: prozesatua dagoen Francisco Paesari buruz Barne Ministeritzak ez dakiela ezer eta ez duela inolako daturik esan duen arren, gobernuaren agente bat dela demostratu dugu guk, informazio zerbitzuetakoa hain zuzen ere. Sineskaitza da 'El Mundo'n argitaratutako informazio horren ondoren Ministeritza horretan ezer ez gertatzea.
A.–Ikusten al duzu goiko erantzunkizunak argitzera eraman gaitzakeen bide berririk?
M.M.–Paesaren kasuak ireki duen bidea ona dela uste dut, hor sakondu daiteke. Gero, kazetariaren ikuspuntutik, Barne Ministeritzako ur nahasietan buzeatzen segi behar dela uste dut, ea gutxienez salaketen presioaren bidez Amedori dirua eman ziotenen izenak agertzen diren.
A.–Historikoki ezker abertzalearen kontra egindako atentatuetan, hasieran beti ukatu izan da aparatu estatalen erantzunkizuna, baina gero beti frogatu izan da atzean zerbitzu sekretuak edo polizia egon direla. Zer iruditzen zaizu Josu Muguruzaren hilketa 'Estatuaren krimena' dela esaten duen baieztapena?
M.M.–Goizegi da Estatuaren krimena den ala ez den baieztatzeko. Era guztietan, gobernuak erantzukizun handia du asunto hau erabat argitzen –eta argitu esatean ez dut esan nahi hiltzaile zuzenak zein diren argitzea, baizik eta hilketa egitea zeinek agindu zuen ezagutzea–. Krimena ez bada argitzen, bertan Estatuko aparatuak inplikatuta dauden susmoa hedatuko da.
I. MURUA
Melchor Miralles, 'El Mundo'ko kazetaria.
17

GaiezKulturaLiteraturaIdazleakMIRALLES1
GaiezKulturaLiteraturaArgitalpenaBesteak
GaiezKulturaArgitalgintArgitalpenaLiburuakBesteak
GaiezKomunikabidKazetariak
PertsonaiazMIRALLES1
GaiezPolitikaEuskal HerrGerra zikin

Irakurrienak

Matomo erabiliz

Lagunak, adiskideak eta beste hainbat etsai

Gorka Bereziartua

Nola landu desirak, aniztasun sexuala edota identitatea 12-18 urteko ikasleekin?

Mikel Garcia Idiakez

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

2x11: Odei Barroso | Erabakiak hartzea

ARGIA

Manifestazio eta aldarri ugari Maiatzaren Lehenerako

Gorka Peñagarikano Goikoetxea

Azkenak

2024-05-01 | Bizi Baratzea | ARGIA

2x16: Zomorroak I Iñaki Mezquita Aranburu (Aranzadi)

MULTIMEDIA - Egonarria

2024-04-30 | ARGIA

Netanyahuk dio Rafah inbadituko dutela su-eten akordioa "egon zein ez egon”

34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.

2024-04-30 | Zigor Olabarria Oleaga

Netanyahuk dio Rafah inbadituko dutela su-eten akordioa "egon zein ez egon”

Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]

2024-04-30 | ARGIA

Hil egin da Artzentalesen zauritu zen basogintzako langilea

Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.

2024-04-30 | ARGIA

Eneko Bidegainen 'Bichta éder' eleberriak jaso du 111 Akademiaren Saria

Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.

Eguneraketa berriak daude