Ernest Alkat: "Euskal Herriko xapelgoa bertze maila batean dago"

1989ko apirilaren 30an

Ernest Alkat bertsolariari elkarrizketa

Ernest Alkat: "Euskal Herriko xapelgoa bertze maila batean dago"
Saioan baino zainek joago iduri zuen Ernest Alkat iholdiarrak xapela buruan akabantxan. Hainbat komunikabideri erantzun ondoren, gure aldi zen; eguneko gaiak ibili genituen, usainzkoak. Berak nahi baino beranduago utzi genuen.
ARGIA.–Nola izan dituzu zainak, nola atzeman zuhauren burua egungoan?
E. ALKAT.–Esan nezake, nerbioek jotzen gaituzte denak, baina borrokarik handiena nerbiotasun hori neurtzea da, eta saio normal batean bezala agertzea eta hori zen ene egungo helburua, usaiaz kanpoko zerbait egiten ari ez banintz bezala jokatzea, askotan horrek galtzen du pertsularia.
A.–Kanporaketako egunaren aldean nola senditu zara?
E.A.–Gorabehera gutxiagorekin, gorabehera gehiago eman dut orai artinoko kanporaketan, ta uste dut gaur neurri batean hasi naizela ta neurri berdinean segitu dudala.
A.–Entzulegoa ez zegoen aski hotz hasieran?
E.A.–Ez dut uste. Bai, hasieran bai bertsolariak eta bai entzuleak ere hoztasun batean dira, gero hartueman batzu sortzen dira eta uste dut gaur ere hala gertatu dela, nahiz ongi entzuten ez zen frontoinean.
A. -Gaien aldetik ez duzu uste gehienak inguru berera biltzen zirela, hizkuntzaren eta herriaren gerora nola politikara?
E.A.–Hori askok esaten dute, baina gaurko munduan behar dugu bizi, eta nahi denean farre egiteko gai izan, gaur egun saio normal batzuetan farre egiteko nahiko gaiak badaude, baina ez dugu ahaztu behar gaurko bizitza hori ere, behar duela aipatu bertsulariak, eta horregatik beharbada gaiak oso seriosak izaten ahal dira, baina denak beharrezkoak dira.
A.–Irri eta omorea badaki baliatzen halarik ere Alkatek:
E.A.–Bai, ni oso omoretsua naiz nerez. baina bertsotan asko sofritzen dut omorezko gaiei buruz eta gai sakon eta seriosetan errazago kantatzen ditut bertsoak.
A.–Aipatzen dute bertsularitzari ez dakarkiola onik xapelgoak. Nola dakusa hori Nafarroako xapeldun den Ernest Alkatek?
E.A.–Txapelketa ez da bertsularien onerako, zeren eta nahi ala ez neurtze bat baita. eta denak adiskideak eta neurtu behar puntuazioaren bidez. Baina txapelketak duen ona da bertsu giroa bizten duela eta su bat bizten, bakoitzak bere inguruko entzuleak ekartzen dituela eta horrek du bertsularitza aurrerat eramanen, ta horrek du gaurko gazte eta umeei gogoa biztuko, eta horretan da nere ustez xapelketaren indarrik handiena.
A.–Xapelgo honetan hautematen ote oraino mugaz eskuinaldekoen nagusigoa?
E.A.–Bai eta pixka bat holako oztopo batzu sortzen ditu horrek, azkeneko urteetan saria gehien bat Iparralderat etortzen dela, baina horri buruz lan egin behar dugu, guk eta bertzeek, Hego ala Iparreko, eta bertsulari biek dute Nafarroa ere elkartuko, ez da guri berezkuntza egiten hastea, baina bertsuen bidez, kantuaren bidez elkarren arteko hartuemanen bidez Nafarroa ere bihotzaren barnean lehenbizirik beharko dugu osatu.
A.–Eta Euskal Herriko xapelgoari buruz?
E.A.–Euskal Herriko xapelgoa bertze maila bateko xapelgoa dago, eta nafartarrek ere abalaren arabera parte hartuko dute baina ez uste izan Nafarroakoa eta Euskal Herriko xapelgoa maila berdinekoak direnik.
IÑAKI CAMINO

Alkat txapeldun; atzean: Ezponda, J.M. Argiñarena eta M. Eire.
49

GaiezKulturaBertsolaritTxapelketakEHko Bertso
GaiezKulturaBertsolaritBertsolariaALKAT1
PertsonaiazALKAT1
EgileezCAMINO1Kultura

Irakurrienak

Matomo erabiliz

"Badira hartzea merezi duten arriskuak, genozidioa gelditu behar dugu"

Zigor Olabarria Oleaga

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Bizkaia: EAJren gotorlekua kolokan?

Jon Azkune Torres

Ez da zapalkuntza? Orduan, asimilazioa

Ane Ablanedo Larrion

Gipuzkoa: Biren arteko jokoa

Iker Iraola Arretxe

Azkenak

2024-04-22 | Garbiñe Larrea Iturralde

Intsusaren bigarrena

Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]

2024-04-22 | Eneko Bachiller Otamendi

Arrain-zoparako, besterik ezean, itsasoko igela

Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]

2024-04-22 | Jakoba Errekondo

Lurra elikatu, guk jan

Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.

2024-04-22 | Garazi Zabaleta

Txaramela

Pasta ekologikoa, ortuko barazki eta espezieekin egina

Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

Eguneraketa berriak daude