"Eritzi ofiziala zen lehen, orain egia esaten dugu"
Victor Txerevski Mosku Irratiko Kanporako zerbitzuaren arduraduna, Euskal Herriko Unibertsitateko Giza eta Informazio Zientzien Fakultateak antolaturiko "Mass-Media eta Perestroika" izenburuko ihardunaldietan aritu gara berarekin. Glasnost edo irekitze informatiboa eta Perestroika izan dira ikutu diren gai nagusiak eta honi buruz ere zertxobait azaldu digu Txerevskik.
Mosku Irratiak 66 hizkuntzetan egindako saioak emititzen ditu gaur egun, hauen artean euskarazko programak ere topa daitezke hileroko 18ro, emanaldi hauek joan den Abuztuaren 18az geroztik aideratzen direlarik. Zerbitzu honen helburua SESB-eko eguneroko bizitza ezagutzera ematea da Txerevskiren esanetan.
Kazetari honen aburuz Mosku Irratia entzuten dutenek nahiko ondo ezagutzen dute Sobietar Batasuna, irratsaio askotan sobietarrek berauek bere arazoak azaltzen bait dituzte; era berean hortxe bizi diren euskaldunek bere esperientzia pertsonala ezagutzera ematen dute. Bere ustez informaturik egon nahi duenak izan dezake, hemengo egunkariak irakurri arren, irratiaren informazio osagarria, gero hango irudi zehatza egiteko. Baina hona heltzen den informazioa egiazkoa izaten delakoan dago, lehengo mitoak guztiz ahaztu direlarik.
Lehen iritzi ofiziala baino ez zegoen, orain batzu agertzen dira. Gaur egun Mosku Irratiko kazetarien ikuspuntua eta ofiziala ez dira beti bat etortzen. Nazioarteko zein estatu espainarrean gertatzen denari dagokionez ere aldaketak izan dira. Gertaera bat dagoenean ez dugu uste ofiziala eman behar, gurea baizik. Gauza bat da gobernuen arteko harremanak eta bestea, guztiz ezberdina, kazetariek pentsatzen duguna.
Gauza bera gertatzen da irratiei dagokienez, oraindik ez da irrati gehiago izateko arazoa sortu. Estatu espainiarrean badaude auzoko irratiak. Nik uste dut etorkizunean Moskun ere izango direla. Mosku 30 udalek edo osatzen dute, seguraski erakunde bakoitzak bere irratia izan nahi du, baina oraindik ez dute eskatu. Moskun telebista saio bat dago, beronetan auzokoek parte har dezakete bere salaketa, kritika edota eskaerak aurkeztuz.
Aipatu behar dut SESB-ean dagoen prentsa legearen arabera, biztanle batek erakunde publiko baten lana salatzen edo kritikatzen badu, honen arduradunak erantzun behar duela hilabete pasa baino lehen. Erantzun honen kopia bat dagokion ministraritzari bidali behar dio, beste bat salaketa agertu zen egunkarian argitaratu ere; horrela egiten ez badu bere postutik kendu egingo dute.
Bestalde, kazetariek kritika bat egiten dutenean frogatu behar dute eta egia osoa azaldu, bestela "Gatazken Batzordeak" zigorturik izango da.
Arazo politikoari dagokionez esan behar da ez garela sartzen estatu espainiarreko barne arazoetan, gure eritzia ematen dugu baina ez dugu ez irtenbiderik ezta aholkurik ematen. Ezagutzen denez gu biolentziaren aurka gaude politikan -hau eritzi ofiziala dela dio berak uste duena azaldu nahi barik- Euskadiko arazoa bide politikoaren bidez gainditu behar dela uste dugu. Ikusi dut Iranizu Mugetaren aldeko manifestazioa, estudiante honi egindako erasoa lotsagarria da herri zibilizatu batetan. Gatazka bat dagoenean bi aldeek hitz egin behar dute, besteen interesak eta nahiak ere kontutan izan behar dute.
Guk biolentzia asko jasan dugu historian zehar eta orain ez dugu gehiagorik.
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.
IDOIA ASURMENDI
Non: Bilboko Kafe Antzokian.
Noiz: maiatzaren 29an.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.