Fermin Lazkano: ..AEK pikutara joango dela agindu dute''

1989ko otsailaren 28an

Fermin Lazkano, AEKko partaideari elkarrizketa

Fermin Lazkano: ..AEK pikutara joango dela agindu dute''
HABEk kaleraturiko azken ebazpenak ezarritako baldintzen aurka, kanpaina berri batean murgildurik azaltzen zaizkigu AEKkideak, administrazioak erakunde herritar hau suntsitzeko duen asmoari so egiteko asmoz. Guzti honetaz hitzegiteko, AEKko partaidea den Fermin Lazkanorekin mintzatu gara.
ARGIA.: Gure azken alean HABEko zuzendari orokorrak esandakoari buruz, ze balorazio egiten duzu?
FERMIN LAZKANO–Ez du gauza handirik esaten, baina gauza konkretu batzuei buruz egin daitezkeen kritikaz gain, azken galderari egiten dion erantzuna da lotsagarriena, hots, hilabete bat daramala soilik eta oraindik ikasteko fasean dagoela. Zergatik izendatzen du administrazioak gai honetan aritua ez den pertsona bat?, Ze esperientzia dauka gizon honek helduen berreuskalduntzean?
A.– PNV eta AEKren arteko akordioari dagokionez, zein da egoera?
F.L.–Guk PNVrekin akordioa sinatu genuenean, alderdi honek gure zenbait errebindikazio onartzen zituenez, administrazioak ere onartuko zituela pentsatuz egin genuen. PNVk bitartekari lana hartu zuen, baina ostean, segituan konturatu gara horrek ez duela ezertarako balio, administrazioak akordio hori PNVrena dela esan bait du, eta ez administrazioarena.
A.– Zergatik ez administrazioarekin zuzenean negoziatu?
F.L.– Garai hartan admimstrazioak ez zigun inongo jaramonik egiten, eta beste bide batzuk irekitzea erabaki genuen, lorpen batzuk beharrezkoak ikusten bait genituen. Lortu dugun gauza bakarra, paktoaren fruitu ustela izan delarik.
A.–Nola daude gaur egun negoziazio hauek?
F.L.– Administrazioarekin izan ditugun 3 bileratan, ez dugu probetxuzko ezer lortu, administrazioaren jokaera duela urte asko azaldurikoa bait da. Beraien esanetara makurtu arazi nahi gaituzte, makurtzen ez bagara, ebazpenen bidez jipoitu egingo gaituela adieraziz. Are gehiago, hemendik 3 urtetara, jokaera berdinarekin jarraituz gero, AEK pikutara joango dela agindu dute.
A.–Nafarroa eta Iparraldeari dagokionez, zein da egoera?
F.L.–Nafarroan PSOEk egin duena PNVk prestaturiko ebazpenen kopiaketa hutsa besterik ez da izan, honek PNVren jokaeraren desegokitasuna azaltzen duelarik, PSOE azken urte hauetan argi eta garbi ibili bait da euskararen aurka. Beraz, dakusagunez, PNVk eta HABEk AEKren aurka erabilitako sistema bera erabili du PSOEk Nafarroan; honenbestez ezin esan dezakegu PNV euskararen alde dagoenik, bere helburua AEKrekin amaitzea delarik. Garbi dago etsaitzat hartzen gaituela, nahiz eta ahoz Martin Etxeberriak edo edozein bozeramailek heri mugimendua beharrezkoa dela esan.
A.–Zein dira azken ebazpenak ezartzen ditnen murriztapen nagusiak?
F.L. - 1983. urtean helduen berreuskalduntzea arautu nahi zuen HABE lege bat kaleratu zen, lege horretan oinarrituta administrazioak urtero dekreto andana bat kaleratzen duelarik. Besteak beste, ebazpen hauen helburua dirulaguntzak emateko baldintzak arautzea da, hau da, dirulaguntza jaso behar dutenen ihardunaren baldintzak zehaztea. Baina erabilera ez da horretara mugatzen, baldintza politikoak ezartzea bait da ebazpenen helburu nagusi bat.
I.GOIKOETXEA
43

GaiezHizkuntzaEuskaraAlfabetatzeAEKMobilizazioBesteak
PertsonaiazLAZKANO4
EgileezGOIKOETXEA5Hizkuntza

Irakurrienak

Matomo erabiliz

Pastoral bat Iruñearendako

Amets Aranguren Arrieta

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Nire burua duela 20 urte bezain indartsu ikusten dut"

Euskalerria irratia | Miren Mindegia

Efemeridea: Guardia Zibila EHko heroinarekin lotuta zegoela zioen 'Navajas txostena' bidali zioten Espainiako fiskal orokorrari

ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude