"Kazkabarra", ihauteriari benetako gustoa eman nahian

1986ko abenduaren 21an

Kazkabarra musika taldeari elkarrizketa
"Eskola" dantza talde donostiarretik sortu zen
"Kazkabarra", ihauteriari benetako gustoa eman nahian
"Elkar" diskoetxeak disko eta talde berri batekin jo zigun sorpresa. Oraindik ere, hortxe dabiltza donostiar hauek folk-ari gertutik ekinez.
Hasierako hilabete hauetan hamahiru bat kantaldi egin dituzte, eta piskanaka jendearen aurrean zuzenean gero eta gehiago aritzeko gogoa adierazi digute. Guk Bixente Beltran aukeratu dugu solaserako, nolabait taldeko burazagia dena hain zuzen ere.
ARGIA.–Zer da "Kazkabarra"?
KAZKABARRA.–"Kazkabarra" herriarengandik, bere kulturaren baitatik sortu den taldea da, tradiziozalea, gure herri izatearen ezagugarri izan den kultur ondare berezi hori berea eginez, gaurko egunez musika alaia eta festazalea egiten ahalegintzen dena, geure geurea dela senti eraziko digun musika hain zuzen.
Geure arbasoengandik datorkigun herri honek, bai bere musika bai bere dantzak, biziki maite izan dituela gauza nabarmena da, eta horren frogagarritzat, geureganaino iritsi zaigun kultur ondare guzti hori, zainetan odola dabilkion herriak soilik sort ahal dezakeen ondarea hain zuzen.
Hizkuntzaren galerak, gure herriaren nortasun gabetzeak, hein handi batez, bizi izan dugun egoera politikoarengatik sortua berau, bere sortzapen gaitasunean atzera biziki garrantzitsu deritzot, honela gogo sortzaile hori birpiztuko bait dugu, kultura biziaren lekuko den gogoa hain zuzen.
A.–Nola sortu zen "Kazkabarra"?
K.–"Kazkabarra"ren sorreraz hitzegin ahal izateko, lehenagoko historia ere kontatu behar da lehenik. Donostiako ihauteri sor berriari ematen ari zitzaion norabideaz kezkaturik, Eskola dantza taldearen inguruan zenbait pertsona bildu ginen, eta gure nazio errealitateaz ados legokeen erantzuna emateko beharrean bat etorririk, genekien apurra eskaintzen saiatu ginen, geure mugapenak ezagutu arren, baina bidea hori zela etsita; izan ere, ihauteri tradiziorik bizi ez izanak geure ihauteria ezin sor dezakegunik eta sortu behar ez dugunik inola ere ez bait du justifikatzen.
Ihauterialdi batzu iragan eta gero, hainbat kantagai prestaturik banuen, eta adiskide batzuk adore emanik, proiektuaren bideragarritasuna ikusi ahal izateko, kontsultei ekin nintzaien, diskoa argitaratzeko asmotan hain zuzen. diputazioarengandik ez genuen jaso, bai ordea, eta baiezkoa eman, "Elkar" argitaratzailearengandik.
Horrela bada, disko berri hori grabatu behar zela eta, musikaren mundu honetan elkar ezagutzen genuen hainbat lagun elkarrengana bildu ginen, eta elkarrenganatze honen ondorioz, elkarrekin lanean jarraitzeko asmoz, taldea sortu zen.
A.–Geroztik, diskoa plazatu zenutenetik, "Kazkabarra" taldeak zer egin du?
K.–Ene ustez, gauzarik garrantzitsuenetakoa zera da, taldea sendotu egin dela eta gaur egun errealitatea dela, zuzenean ikusi eta entzun gaituztenek egiaztatu ahal izan dutenez.
Ongi dakizunez, estudioan grabatzetik zuzenean jotzera alde handia dago eta, horrenbestez, gure lehen eginkizuna eta denbora luzeena eraman diguna horixe izan da, kantagai berrien prestaketa ahantzi gabe, gure zuzeneko ekitaldiei armonia emango dien eta garatu nahian gabiltzan lan eredua osatuko duten kantagaiak hain zuzen.
A.–Bukatzeko, erabiltzen dituzuen musikagailu eta taldeko kideak zeintzu dira?
K.–Erabiltzen ditugun musikagailuak, egiten dugun musika moetari hertsiki loturik dagozkio, eta tradiziozkoenak bezala ezagunak direnekin batera, xirula, trikitixa, alboka, dultzaina eta beste alegia, beste batzu ere erabiltzen ditugu, hona nola arrabita, faluta, gitarra, akordeoia, bonbardinoa, baxua. e.a.
Musikagailu guztion artean 8 lagun gara. Baina beharrean gertatzen garenean beste batzuk lagundu egiten dute.
Orain artekoaren haritik, bozak diskoan isladatzen dena baino presentzia haundiagoa izango duela ere bereziki aipatzekoa da. Honek, ordea, musikagailuen indar eta aberastasun galtzea ez du erakarriko.
D.Z.
41

GaiezKulturaArgitalgintArgitalpenaDiskoak
GaiezKulturaMusikaArgitalpenaDiskoak
GaiezKulturaMusikaMusika modeTaldeakKAZKABARRA

Irakurrienak

Matomo erabiliz

Lagunak, adiskideak eta beste hainbat etsai

Gorka Bereziartua

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

2x11: Odei Barroso | Erabakiak hartzea

ARGIA

Hezkuntza publikoari buruz hitz txintik ere ez hauteskundeetan!

Nagore Iturrioz Lopez | Yolanda Porres García | Steilas sindikatua

Beste 40 urtez esperoan egon nahi ez baduzue

Iñigo Satrustegi

Azkenak

2024-04-30 | Gedar

Pertsona afroamerikar bat erail du Poliziak AEBetan, belaunarekin lepoa estutu ostean

Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.

2024-04-30 | Mikel Aramendi

Aranetatarrak

2024-04-30 | Axier Lopez

Hinteligentzia

2024-04-30 | Mikel Garcia Idiakez

Nola landu desirak, aniztasun sexuala edota identitatea 12-18 urteko ikasleekin?

Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]

2024-04-29 | ARGIA

2x11: Odei Barroso | Erabakiak hartzea

MULTIMEDIA - BTN

Eguneraketa berriak daude