Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

larunbata 2025eko abuztuaren 16an

"Konstituzioak ez du amnistia galerazten"

1986ko uztailaren 27an

Inprimatu

Zure babesik gabe independetzia ezinezkoa zaigu

Egin ARGIAkoa

Joaquin Ruiz Giménez politikoari elkarrizketa

Joaquin Ruiz Giménez-ekin solasean
"Konstituzioak ez du amnistia galerazten"
Francoren ministrari izana, frankismoaren azken urteetan oposizioko alderdi demo-kristau batean aritua, gertutik ezagutzen ditu Espainiako Estatuaren tripa-barrunbeak. Laugarren urtea osatzera doa «Defensor del Pueblo» karguan, eta Euskal Herriari buruz eginak zituen deklarazio batzuen inguruan zenbait itaun egin nahi genion. Ez zaigu errez gertatu Ruiz Giménezenganaino iristea: hondartza bat etxagintzatik defenditu nahi duten ekologietetatik hasi eta Melillako Istiluetaraino, egun osoa zienporroran. Arratsaldean Erregearekin rezepzio bat. Egia esango dizuet, kontuz aritu nahi dut Euskadiz, ez nuke hango egoera gehiago mintzen lagundu nahi». Bere erantzunak xuxen euskaratuko ditugula geure hitza eman diogu. Polizien begirada zorrotza da euskaldunentzat Madrilen, baita "Defensor del Pueblo"ren etxe atarian ere.
ARGIA.–Duela gutxi bilduak zarete Europako Ombudeman edo «Herriaren defendetzaileak» Vienan. Han ateratako ondorioetatik zeintzu azpimarratuko zenituzke?
Joaquín Ruiz Giménez.–Aurretiz Sienan, Estokolmon eta Madrilen egin diren bilkuretan bezala, Vienan egindako Kongreso honetako gauzarik baliatsuena elkarren arteko eztabaida zabal eta adiskidetiarra izan da. Matiz ezberdinez baina funtsean konberjenteak diren esperientzien gainean, ideia eta xehetasun trukatze emankor bat izan dira.
Bigarrenik, Europako Kontseiluan biltzen diren Herri gehienetan hartutako kexu edo erreklamazioen «ranking»ean zeintzu diren nagusi frogatu ahal izan da: Justizia Administrazioaren arazoak (auzietan gertatzen diren gehiegizko luzapen eta bestelako anomaliak); Aseguro Soxial eta Ekintza soziala (erretiroen hutsune eta okerrak, zergetan oinarritzen direnak, gutxienezko beharrak estaltzeari buruzko gabeziak, asistentzi prestazioak etabar) eta Administraritza Lokaienak (bizilekua, hirigintza, ingurugiroa, etabar).
Azkenik, bilkura hartan garbi geratu zen Ombudsman guztien arteko elkarlana areagotzeko borondatea; eta baita hauek Parlamentuetako eskakizun eta giza eskubideen Batzordeekin (bai Parlamentu nazionalekin eta bai Europakoarekin) lan egitekoa ere, Europako Kontseiluko Ministrari Batzordearen aginduak horrela berenganatuz.
A,–Karguan daramatzazun urte hauen ondoren, «Defensor del Pueblo» delakoaren figura Estatu Espainolean sendoturik dagoela uste alduzu?
J.R.G.–Hiru urte t'erdi denbora epe urria da sendotze hitzaz hitzegin ahal izateko, eta gainera nekez egin dezake hori Espainian oso berria den instituzio horren buru dagoenak.
Nirekin ari diren lagunek bezala neronek ere, antolaketa eta errodaje aldi beharrezko bat gainditua dugula uste dugu. Elkarrizketa ere errezagoa egin da, Defensorearen eta herritarren artekoa alegia; atzerritarrak ere erantsi beharko nizkioke kapitulu honi, gero eta gehiago dira-eta guregana datozenak.
Baina gure eta Administraritza Publikoaren arteko elkarrizketa ere samurtu egin da. Ombudsman, ematen zaion izena edozein delarik ere, funtzionarientzako inkomodo egiten den instituzio juridiko-politikoa da (eta ondorioz gobernatzen dutenentzako ere bai); baina beste alde batetik, oso mesedegarria da beren administrazioaren pean bizi direnen behar errealak ezagutu nahi dituztenentzako, eta baita Administrazioaren erroreak ezagutu nahi dituztenentzako ere. Eta horretaz gero eta gehiago ohartzen dira Administraritzako erakundeak.
Ombudsman honek behar eta arazo horiek ezagutzeko bide «ez-partidista» bat eskaintzen du, eta askatasuna, berdintasuna, justizia eta pluralismoa diren baloreen aldeko borrokarako bokazioa du, Zuzenbidezko Estatu sozial eta demakratiko batean.
A.– Uste dut publikoki kexatu izan zarela noizbait Euskal Herritik kexu gutxiegi iristen zaizulako.
J.R.G.–Ez, egia esan ez naiz «kexatu» Euskal Herritik datorkidan kexu kopuru urriagatik. Kazetariren bati erantzunez, sintzeritatez adierazia dut Euskaditik hiru urte t'erdi hauetan beste Komunitate Autonomoetatik baino kexu gutxiago heldu zaizkigula, bertako biztanleen proportzioan.
Hori esplikatzeko hipotesisen bat ere sujeritu nuen: esate baterako, zerbitzu publiko batzuen funtzionamendu hobea; orbita orokorra duen instituzio batenganako distantzia psikologiko handiagoa; Euskal Herrian Arartekoa edo antzekoak martxan noiz jarriko diren zain egotea. Edonola ere, espero dut Euskal Herriak konfidantza handiagoa hartuko duela Defensoreak bere eskubide indibidual eta kolektiboak babesteko duen borondate garbiaz.
A .–Estatu Espainolean giza eskubideei duten egoeraz ze nolako balantzea egiten duzu?
J.R.C.–Sintzeroki mintzatuz, iruditzen zait askatasan publikoei dagokienean–eta baita zabalago ere eskubide zibiko eta politikoei dagokienean (gure Konstituzioak eta 1966ko Itun Internazionalak erabiltzen duten terminologiaren arabera iruditzen zait egitura demakratiko-pluralista duten beste Estatuen antzeko maila batera iritsia dela Espainia. Eta hori, bai eskubide oinarrizkoen onartzeari dagokionez (Konstituzioaren 14. eta :30. artikuluak eta horiek garatzen dituzten legeak), eta bai babes sistemari dagokionez; hau osagai funtsezkoa da ("habeas corpus" errekurtsoa, "recurso de amparo" delakoa etabar).
Hala eta guztiz ere, alor horretan, honestitatez esan beharra dago Defensoreari iritsi zaizkiola askatasun pertsonalen garantiak zanpatzeari buruzko kexuak: detenitzea eta tratu poliziala, etxebizitzaren eta korrespondentziaren intimitateari lotutakoak, Juez eta Auzitegien babes efektiboei buruzkoa, eta gartzeleratze prebentiboa edo kondena Espetxeetan jasaten dutenen eskubideen zenbait alorretakoa.
Erantsi behar dugu, baita ere, telebista pribatuen bidez informazio eskubidea arautuko duen Legearen argitaratzeak daraman atzerapena; eta are mingarriagoa dena, atzerritarrek Espainian dituzten eskubideak erregulatzen dituzten arauek nozitzen duten «inboluzioa" (batez ere "Ley de Extranjería" delakoa argitaratu zenetik, zeina Auzitegi Konstituzionalaren epaiaren zain bait dago)
Beste alor batean, berdintason eta solidaritate balioetan (eskubide ekonomiko, sozial eta kulturalak) zentratzen diren eskubide oinarrizkoei dagokionean gure Konstituzioak miala batzuk aldarrikatzen ditu eta horien oso azpitik gabiltza; eta baita Espainiak izenpetu dituen Itun Internazionalek eskatutako mailen azpitik ere (1961eko Europako Karta Soziala dela, ONUren 1966ko Itun Internazionala dela edo eta OITko Konbentzioak). Horren aurrean ez dute balio krisi ekonomiko eta laboralaren aitzakiek, egia bada ere horiek Hazienda publikoan eragin handia dutela, eta ezta ere Europako beste Herri batzuk ere Itun horiek eta beren Konstituzioek agindutako mailen azpitik egoteak ere.
Hau da, beraz, Gobernuak, Gorte Orokorrek eta Komunitate Autonomoek aurrean duten desafioa, legealdi berria hasten deneko etapa honetan. Eta Defensorearen egin behar utziezinezkoa izango da horretarako behar diren lege aldaketak bultzatzea, zeren eta askatasunik gabe Demokraziarik ez badago, justizia eta berdintasuneruntz aurreratu gabe ere ez dago-eta.
A.–Eskubide horiek Euskal Herrian Estatuko beste lekuetako maila beretsuan ikusten al dituzu, ala han egoera bereziki ezberdina eta kezkagarria dela iruditzen zaizu?
J.R.G.– Ez dut uste arlo horietan Euskadiren eta Espainiako gainerako lekuen arteko ezberdintasun funtsezkorik denik, gutxienik gure eskuetaraino iristen diren kexu eta arrenkurak kontutan harturik. Hala ere, egia da proportzioan handiagoak direla Euskal Herritik zenbait saili loturik datozen kexuen kopurua: gizabanakoaren libertate eta integritatearen garantiak, eta intimitatearenak, guztiak ere Konstituzioarren 15, 17 eta 18. artikuluetan sagaratuak eta 1950eko Konbentzio Europarraren 5. artikuluan.
A.–Torturaren lotsagarrikeriak suposatzen duen gai arantzatsua hobeagora al doa? Ezagutzen al duzu Euskal Herriko eritzi publikoak gai honetan duen sentiberatasun beretzia?
J.R.G.– Aurreko galderarentzako arrapostuan erantzun diot oraingoari ere funtsean. Egia da Euskal Herrian kexu ugari hartu dugula, Fuerzas de Seguridad direlakoek egin omen dituzten tratu txar eta torturak salatuz, eta gehienbat Lege Antiterrorista deituaren aplikazioari lotuak. Bati hartu ditugu tramitatzeko, gure eginkizunak agintzen duena betez, eta gure Lege Organikoaren 18. eta 25. artikuluen arabera pasa ditugu Barne Ministraritzara eta Estatuko Fiskal Orokorrarengana. Espediente disziplinarioen geroko tramitea gainetik zaintzen dugu eta, egoki denean, baita prozeso penalak ere.
A.–Lege Antiterrorida bigarren plano batera pasa deia dirudi, duela gutxi oso eztabaidatua zenean. Defensor del Pueblok berak aipatu zuen Auzitegi Konstituzionaiaren aurrean errekurtso bat aurkezteko posibilitateaz. Tresna demokratiko eta efikaz jotzen al duzu lege horli?
J.R.G.– Lege Antiterrorista deitua (egiatan Konstituzioaren 55.2. artikuluan posibilitate bezala aurkezten dena indarrean jartzen duena, alegia, banda eta talde terroristetako partaideei zenbait eskubide oinarrizko «indibidualki» suspenditzea), lege hori bere bukaera aldean dago. Denboraldi zehatz bati begira argitaratu zen legea–bi urtetarako–bere araurik kritikatuenean.
Gorte Orokorrek erabaki beharko dute, beraz, ea 1981ean hasi eta 1984ean gogortu zen esperientzia hori amaitzeko garaia heldua den, eta Justiziaren Administraritzari emango zaizkion frogatu eta kondenatzeko, egoki denean, delitu horiek, Kode Penal arruntaren eta «Ley de Enjuiciamiento Criminal. delakoaren argitara. Ondorio horri lagundu behar dio modu erabakikor batean atentatu terroristen gelditzeak, ez bakarrik arrazoin juridikoengatik, baizik eta baita arrazoin etiko eta gizatasunezkoengatik ere.
Auzitegi Konstituzionalaren aurrean sub iudice jarraitzen du, hortik aparte, Lege horren kontra Euskadiko eta Kataluniako Legebiltzarrek aurkeztutako inkonstituzionalitate errekurtsoek. Eta Defensor del Pueblok egin ez bazuen arrazoin juridikoek hori egokiagotzat jotzen zutelako izan zen. Hori hola izanik ere, harrez gero, eta Diputatuen Kongresuaren Lehendakariaren baimenarekin, kontrol parlamentarioaren alor bat erabiltzen dugu, Konstituzioaren 55.2. artikuluak kontrol judizialarekin batera behartzen duena.
A.–Hauteskundeak irakiten zeudela, euskal preso baten heriotzeak astindu du kalea. Esan al dezakegu preso polikoek aski garantia badutela? Egia al da "comune" izenez ezagutzen ditugun presoei aplikatzen zaizkien hobekuntzak ez zaizkiela eskuratzen euskal presoei?
J.R.G.–Kasu oso mingarri bal izan da, eta guztion artean lagundu behar dugu berriro gertatu ez dadin. Hori aparte utzita hor froga daitezen gertakizunen erantzunkizunen argitzea.
Defensorea den Instituziotik etengabe zaintzen dugu internoek, prebentiboek nahiz kondenatuek, Espetxeetan duten tratua, Konstituzioaren, «Ley General Penitenciaria» delarkoaren eta Araudiaren argitara. Zentro horien gehiengoa jadanik bisitatua dugu, internoekin eta funtzionariekin hitz egin dugularik. Gobernuari proposamenak eta gomendioak igorri dizkiogu eta Gorteei urtero egiten zaizkien Informeetan bildu ditugu ondorioak.
Kasu oso zehatz batzuk salbu, ez dugu ezberdintasun eta diskriminaziorik aurkitu intentzionalitate politikozko delituengatik preso daudenen kontra, nahiz detenituak nahiz kondenatuak izan. Eta salbuespen gutxi horietan ere, Justizi Ministraritzara eta Estatuko Fiskalia Orokorrera jo dugu, agirietan frogatua dagoenez.
A.– Reintsertzio prozesoak eraman duen desarroiloarekin kontent al zaude? Zer gertatzen da bide horretan abiatu diren eta oraindik kalera irteten ez diren preso horiekin?
J.R.G.– Ezin gara erabat gustora egon, 1984eko apirileko idatzi hura sinatuz indulto indibidualak eskatu zituzten eta asesinatoz edo zauri larriz kondenatuak ez daudenen indulto horien tramitazioa ez da bukatu eta. Bat baino gehiago dira atzerapen horren kausa, mingarriak batzuk, gisa horretako atentatuek periodikoki behin eta berriro gertatuz joatea bezala, eta «reinserción social» izendatu genuen prezesoaren erritmoa frenatu egin zen. Baina prozeso hori ez da bakarrik komenigarria, beharrezkoa ere bada Euskal Herriaren bakeratzeruntz aurrera egiteko.
Bide hori oso era burutsu batean ireki zen UCDko Gobernuen garaian, Roson Ministrariaren eta Juan Mari Bandres Diputatuaren artean, eta bide horretatik jarraitu da, oztopo zailak gainditu behar izan diren arren. Espero dugu Gorte berriak eta Gobernu berria konstituitzen direnean esfortzu hori osatu egingo dela.
A.– Hauteskundeen ondorioek erakusten dutenez, reintsertzioaren bidea bultzatu duen euskal alderdi politiko nagusia jaitsi egin da bototan, eta hasiera batetik bide horren kontra agertu zen indarra bitartean igo egin da Zeresan bereziren bat aurkitzen al diozu horri?
J.R.G.–Sintzeritate berarekin esaten dut ez dudala lotura kausalik ikusten reintsertzio sozialaren prozeso horren eta hauteskundeen ondorioen artean. Gogoraerazi dizudan bezala, azkenaurreko legealdian reintsertzio soziala izan zen, eta PNV argi eta garbi igo zen orduan. Hauteskundeen ondorioek, dudarik gabe, kausa konplexoagoak dituzte.
A.–Prentsak zaren ahotan ipintzen zuen deklarazio batean agertzen zenuen euskal preso politikoen arazoak behar bada orain irekitzen den legealdian izango zuela konponbidea Zein litzateke bide hori eta orain artekoaren aldean ezberdina ote litzateke? Hitz bitan, amnistia hitzaz hitz egiteko ordua iritsia dela uste al duzu?
J.R.G.–Era berean adierazi dut oso laster reintsertzio sozial neurriak azkartuko direlako itxaropena (eta ez bakarrik euskal presoentzako, baizik eta baita beste askorentzako ere; «Ley General Penitenciaria» delakoak eta 1870eko Indulto Legeak ez dute diskriminaziorik ametitzen eta kondenatu guztientzako posibilitateak sartu litezke).
Beste alde batetik, Konstituzioak –indulto orokorrak galerazten dituen arren–ez dio «veto»rik jartzen 1977an amnistiari baruz argitaratutako arauak zabaltzeari. Hala ere, horren une aproposa zein den Gobernuak eta Gorteek erabaki behar dute. Edozein tankeratako bortizkeria terrorista gelditzea horretarako baldintza beharrezkoa da. Biziki desiratzen dugu Bakearen Urte Internazional honetan.
Iñaki ZUBIONDO
Jenderik ezberdinenek bixitatzen dute Defensor del Pueblo, ekologistak, erretiro problemak dituzten zaharrak, Melillatarrak...
Komunitate Autonomoan "Arartekoa" martxan jartzeari buruzko gaia haizatzeko eskatu digu Joaquín Ruiz Giménezek.
Defensoreak ez du uste preso politikoak besteak baino okerrago tratatzen dituztenik.
Amnistia inposibletzat jotzen ez badu, era berean reintserzio prozesoa azkartzea ere espero du Ruiz Giménezek.
14-17

GaiezPolitikaEstatuakEspainiaErakundeakDefensor de
PertsonaiazRUIZ1
EgileezUBIONDO1Politika

ASTEKARIA

1114. zenbakia

1986ko uztailaren 27a

ASTEKARIA PDF-an

Irakurrienak

Matomo erabiliz

Alberto Alonso (Gogora): “Txiki eta Otaegi ez dira erreferente; indarkeria, beldurra eta terrorea erabili zuten”

Eneko Imaz Galparsoro

11 urteko mutil bat hil da, igandean Bilboko igerileku batean bero kolpea jasan eta gero

Jon Fernández González

7 urteko ume bizkaitar bat hil da Errioxako kanpin batean, zehaztu gabeko arrazoiengatik

Jon Fernández González

Efemeridea: Nafarroa Espainiako probintzia bilakatu zen formalki dekretu bidez, Ebroko aduanak desagerraraziz

ARGIA

26 urteko nafar bat hil da Pirinioetan

Jon Fernández González

Azkenak

2025-08-14 | Jon Fernández González

11 urteko mutil bat hil da, igandean Bilboko igerileku batean bero kolpea jasan eta gero

Bilboko Errekalde auzoko igerileku batean gertatu zen ezbeharra. Larrialdi zerbitzuek erreanimazio lanak egin zizkioten adin txikikoari, eta Gurutzetako ospitalera eraman zuten; hiru egunetara hil egin da.

2025-08-14 | Eneko Imaz Galparsoro

Ostiraleko bileran Putinek su-etena onartu ezean, Trumpek dio “ondorio larriak” izango direla Errusiarentzat

Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]

2025-08-14 | Jon Fernández González

50 maliar inguru ari dira kale egoeran bizitzen Gasteizen asilo eskaera ebazten duten bitartean

Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.

2025-08-14 | Eneko Imaz Galparsoro

Alberto Alonso (Gogora): “Txiki eta Otaegi ez dira erreferente; indarkeria, beldurra eta terrorea erabili zuten”

Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".

2025-08-14 | Olaia L. Garaialde

Jai eredua neurodibergentziatik aztertzen

Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.

2025-08-14 | Jon Fernández González

Ostiraletik aurrera berriz debekatuko dituzte nekazaritza jarduerak Nafarroan

Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]

2025-08-14 | Urko Apaolaza Avila

Auzo ibilbideak

Atzoko eta gaurko borrokak gogoan

Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]

2025-08-13 | Eneko Imaz Galparsoro

Ipar Euskal Herriko 158 herritan ur murrizketak ezarriko dituzte, alerta egoeraren ondorioz

Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]

2025-08-13 | Eneko Imaz Galparsoro

Jaurlaritzak Bailen Energia enpresari Oionen bi parke fotovoltaiko eraikitzeko baimena eman dio

Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.

2025-08-13 | Jon Fernández González

Delitugile migratzaileak zuzenean deportatzea proposatuko du Erresuma Batuko Gobernuak

Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]

2025-08-13 | Jon Fernández González

7 urteko ume bizkaitar bat hil da Errioxako kanpin batean, zehaztu gabeko arrazoiengatik

7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.

2025-08-13 | Eneko Imaz Galparsoro

Israelek gutxienez ehun palestinar hil ditu azken bi egunetan, eta Gaza hiriaren aurkako erasoak gogortzen ari da

Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]

2025-08-13 | Jon Fernández González

Txikik eta Otaegik Zarauzko Udalaren aitortza behar dutela aldarrikatu du Sortuk

Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.

2025-08-13 | Montserrat Auzmendi del Solar

Piano bikaina, Biarritzen

Zer: Biarritz Piano Festival. Amaierako errezitaldia. Benjamin Grosvenor, pianoa.

Egitaraua: Schumann eta Moussorgskyren lanak

Lekua: Biarritzeko ‘Espace Bellevue’.

Data: abuztuaren 8a.

-------------------------

Biarritz Piano Festival... [+]

2025-08-13 | Nagore Legarreta

Ibaiak begirada itzuli zigunekoa

Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]

Eguneraketa berriak daude