"Hiruak Bat" Antzerkitaldeak "Apetitu On" Obra Eman Du

1986ko ekainaren 01an

Gillaume Hirigoyenekin Solasean: "Antzerkiak Behar Du Izan Bizia, Antzerki Bizia Ere"
"Hiruak Bat" Antzerkitaldeak "Apetitu On" Obra Eman Du
Garaziko Lakarraraino luzatu ginitixin gure urratsak, igande arratsez, eta han jende guziak xuka entzuten gintixin.
Harrigarria xuxun. Bere moduan ere, antzerkiak baxixun halako distira bat. "Apetitu On" lanak ez xitxin bazter utzi gaurko mendeko janizaren eta gobernuek manipulatzen zituzten berriketarien kritikatzea, omore askorekin, noiztenga zinismo ziztak sartuz. Aipatzekoa du kexu, ministroa jolasten zuenaren fleite izigarria. Bukaerako Band Aid for Ethiopia kutsuko morala ez zitzaigun horrenbeste gustatu, baina bale, orohar bi ordu inguru gozo eta sakon iragan ginitixin, Lakarran...
ARGIA.–Guillaume Hirigoyen, "Hiruak bat" taldeak egunero jaten du?
GILLAUME HIRIGOYEN.– Ba...ba... zeren eta ez da antzerkiaz bizi, beraz beste gisan maniobratzen du jateko, eta hortako duke jaten segurrenik ere...
A.–"Hiruak bat" taldea aurkezten diguzu amini bat?
G.– Gogotik..."Hiruak bat"ek badu historia bat, ez hain berezia baina... Duela hogei bat urte hasirik edo beharbada goizago, memento batez izan zen parropietako antzerkia, apezek muntatzen zituzten antzerkilariak, herriko gazteak, eta hola egiten zen antzerkia. Orduan, Larzabalen obrak ziren oroz gainetik ematen, gero emeki emeki Daniel Landart ere sartu zen, eta baziren beste batzu, nola Bidegain, antzerki bat edo beste moldatzen zituztenak, noiztenka. "Hiruak bat" holaxe sortu zen, hiru herrietako apez batek, hemen Lakarra, Ainiza eta Gamarteko erretorak, Peyroutet apezak muntatu zuen antzerki talde bat, duela orain hogei bat urte apepres. Antzerki talde horrek zazpi urtez lan egin zuen, eta garai batean, abertzale kontzientzia sartu zenean, antzerkiak ere hori ekartzen baitu, zonbaitzuk deliberatu zuten abertzale gaiak gehiago aztertzea. Bestalde jokolariak adinean hara zihoatzin eta horrela gelditu zen. Orduan, antzerkia baitzen gaztarako sukar bat. Beste molde batzutan, zonbeit antzerkilarik segitu zuten, segurrik... Duela orain lau urte beraz, Ainiztar gazte batek antzerki bat idatzi zuen...
A.–Zeinek?
C.– Pentsa zazu zuhaurrek...
A.–Preseski, zu antzerkilari zira eta antzerki idazle, ze aberastasun ekartzen dizu horrelako egoerak?
G.–Uste dut, gertatu zaut horrelako galdera batzuren ukaitea, baina nik ez dut soberarik kasu egiten. Nik maite dut jokoan artzea, maite dut ere situazio komiko edo, batzuren plantatzea taula gainean, eta hori dut egiten. Baina ez dut pentsatzen noiz naizen antzerkilari, edo noiz naizen antzerki idazle, dena batera daramat... Oraingoan ez dut galdera hori barnatu.
A.– Beraz, zer da "Hiruak bat" new look hori?
C.– Lehenik, pentsatzen dut "Hiruak bat"ek hartu zuela lehenagoko looketik, eta berrira ere lerratu dela orain, baina beti lotura batzu, oinarri batzu atxikiz herriarekin. Duela lau urte, I. Telesforo Monzon antzerki saria ardietsi zuen "Zortzi ehun ahari" lana aurkeztu ginuen, doi bat molde xaharrean. Ondotik, "Eskalanpoinak" antzerkia zen, eta gaur "Apetitu on". Emeki emeki, halaike, antzerki taldean gehiago antzerkilari batzu dira, ezinez eta herriko gazteak, nahiz eta diren herriko gazteak antzerkilari direnak. Uste dut hori ez dela batere kontradiktorio...
A.–"Apetitu on" toniko eta dinamiko honek, gaurko mendeko gai samin bat aipatzen du: hau da gosetea...
G.– Bai, hori da orokorki... Bai eta ere hastean, ideia zen gehiago aipatzea jana, janaren inguruan diren gauza batzuk arras interesatzen ninduten; jatea, ba, plazer bat da, baina baditu halako alderdi, ez dakit, doi bat herioarekin lotuak, alderdi sensual batzu ere... Gure meskeriak dira, baina, doi bat indar gehiago eginez alderdi bati, sendimendu berezi butzu ere sortzen dira. Horrek interesatzen ninduen.
Bai eta gosetearen aipatzeak. Uste dut antzerkiak behar duela ukan oraiko Euskal Herriko eta munduko bizian oinarri bat. Zeren hartzen bazira antzerki egiten, antzerkia egiteko baizik, ez dut uste, manera guziz horrek ere zerbait frogatzen du, hainbat balio duenik. Inportanta da, iduri zait, gure momentoa, gure bizi moldea aipatzea, gure harat-honaratak. Antzerkiak beñar du izan bizia, antzerki bizia ere...
A.– Eta, antzerki hortan, euskara ere bizi nahi horri adaptatu duzue?
G.– Bai... Egia da, lehen doi bat antzerki garaztarra zela, eta emeki emeki joanez gehiago... ez dut erranen euskara batura lerratu naizela arrunt, ez batere, hori da nere euskara, eta nik hartzen ditut euskaran beharrezkoak ditudan tresnak. Hitz joko batzuren egiteko egokiak baldin badira denak baliatzen ditut. Uste dut hori dela egin behar. Iduritzen zait ere, beste antzerkiei begira, antzerki idazleek balia tzen dutela momentu hori, euskalki berezi batzuren, edo etxeko euskararen sakatzeko. Lekuan berean, publikoarekin lotura bat ukaiteko, inporta du horrek ere. Gero egia da, beste norapait joaten baldin bazira diferenta da. ez du halako indarrik. Baina betire paperrean dira, eta ez dira galtzen.
A.– Zenbat garren aldia da antzerki hau emaiten duzuela, eta nolako arrakasta du?
G.– Oraiko hau, Lakarran, laugarrena zen, eta pentsatzen dut xaz bezala hamar bat aldiz emanen dugula. Batzuk erranen dukete: hain gutxi! baina guretzat ez da batere gaizki hori... Eta eztugu gehiago ere egin nahi, gure helburua baita urtero antzerki berri baten estrenatzea, gure antzerkilariak ere, horietaz mintzatu behar dugu, batzu lanean ari dira, beste batzu ikasten eta ororen buru arras gazteak gira, ez gira arras finkatuak oraindik... Zer arrakasta ukan duen? Ona. Publikoan, beti segurrik, ehun bat presuna bildu ditugu. Ezta batere gaizki ikusiz ze egoeretan den euskara eta euskal mugimendua. Bestalde gu ohartzen gira, gure ganat heldu direla presuna batzu, ez zirenak antzerkiari ohartuak, eta ez hain interesatuak orai artio. Erran behar da momentu batez, beti ixtorio xaharretara heldu gira, antzerkiak bazuela "abertzale" kutsu bat eta "enbata" bezala zela... Hori iduriz kanbiatzen ari da, nahitez, jendea jiten da, jokolari batzurengatik, edo entzunik, hara "Apetitu on", zerbait bada horren gibelean. Ezta uste izan behar, antzerkia noiztenka zinikoa eta irringarria izanik ere, jendea azalean gelditzen dela. Beti zerbait sakontzen du. Guhauren ustez ez gira soberarik tronpatzen...
A.– Iparraldean, zenbait emanaldi proposatzen dizkiguzue, eta hegoaldera joateko asmorik badaukazue?
G.–Ez dugu oraino galderik ukan...
Itxaro BORDA
40-41

GaiezKulturaAntzerkiaTaldeakHIRURAK BAT
GaiezKulturaAntzerkiaAktoreak
PertsonaiazHIRIGOYEN1
EgileezBORDA1Kultura

Irakurrienak

Matomo erabiliz

"Elkarren berririk izan gabe lelo berdina hautatu dugu, 'Palestinako umeak gureak ere badira': esanguratsua da"

Zigor Olabarria Oleaga

"Gure gizartean desira gutxi dago, eta obedientzia asko agindu neoliberalei"

Danele Sarriugarte Mochales

4x16: Sarasua bueyeroa da

Beranduegi | ARGIA

Joera kontrajarriak?

Iker Iraola Arretxe

Efemeridea: Donostia inguratzen zuten harresiak eraisten hasi ziren

ARGIA

Efemeridea: Nestor Basterretxea jaio zen Bermeon

ARGIA

Azkenak

2024-05-06 | Euskalerria irratia | Haritz Pascual Garjon

Eneko Etxeberria: “Ez nioke nire semeari Jose Miguelen bilaketaren zama utzi nahi”

Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama. Azken indusketa honek ez du, berriki hildako... [+]

2024-05-06 | Gedar

Asteartean hustu nahi dituzte Otxantegi Herri Lurrak

Hirugarren aldiz, Berangon birjabetutako lurrak husteko data berri bat ezarri dute. 08:00etan bertaratzera deitu dute Otxantegi Herri Lurretako kideek.

2024-05-06 | Zigor Olabarria Oleaga

"Elkarren berririk izan gabe lelo berdina hautatu dugu, 'Palestinako umeak gureak ere badira': esanguratsua da"

Gasteizko hezkuntza komunitateko hainbat zentrok eta eragilek ekimena antolatu dute maiatzaren 10erako, Palestinako umeak gureak ere badira. Genozidioa gelditu! lelopean. Urriaz geroztik zenbait eskola ekimenak antolatzen hasi ziren Paletinarekin elkartasunez, nork berea;... [+]

2024-05-06 | Cira Crespo

Txakur bat

2024-05-06 | Mattin Jauregi | Inaxio Arin | Balerdipeko erleak

Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.

Eguneraketa berriak daude