Mikel Arana EBko koordinatzaileak sinesgarritasuna eman die Xabier Agirrek atzo Arabako EBko biltzarkideei leporatutako akusazioei eta alderditik kanpo utzi ditu biak, Nerea Galvez eta Mertxe Etxezarreta. "EAJrekin modu horretan negoziatzen ibili direnak ez dira Ezker batua ordezkatzen ibili, gure alderdiarekin zerikusirik ez duen egitasmo politikoekin lotutako interes politikoak baizik" adierazi du Aranak. Era berean, negoziketetan aritu diren pertsonek azalpenak eman beharko dituztela ere esan du. "Etsita" agertu da koordinatzaile nagusia EBk Diputazioa PPren esku utzi duela eta.

Hemen Agirreren interbentzioa transkribituta eta euskarara itzulita topatuko duzu, baina ez dago bere osotasunean. Erditik aurrera dago.

"Ezker Batuak eskatu zigun Arriaga Antzokian edo Euskaldunan norbait sartzea. Baita 600.000 euroko kreditu bat ere lortzea, nahiz eta zuek ez garantiarik izan hori lortzeko. Egitan diozu programa ezberdintasuna dela Jose Navas Vital Kutxako administrazio kontseiluan sartzea? Ezberdintasun programatikoa al da guk gobernatzen bagenuen Ezker Batuko hiru aholkulari sartu behar genituela? Ezberdintasun programatikoa al da 2012ko aurrekoentuetan 300.000 euro zuen esku egon behar zirela nahi zenituzten proiektuei dirulaguntzak emateko?

“Hemen bi mahai daude”, esaten zigun Serafin Llamasek. “Hemen bi mahai daude, A mahaian, esan dudana planteatzen digutena, eta B mahaia, programa. A mahaikoa betetzen baduzue, Bko exigentziak jaitsi egingo dira”. Eta hala ere, A mahaikoa bete ez delako, aurpegia duzu sateko “programa, programa, programa”. Hau horrela da. Gainera, Serafin Llamasek exigitzen digu adostasun batera iristen bagara, EAJ eta Ezker Batuaren arteko dokumentu soil batean sinatuko dela, eta gainera zeuek edukiko duzue kustodia exklusiboa. Hori al da, Galvez eta Etxezarreta andereak ezberdintasun programatikoa? Niri lotsa emango lidake ezkerraren izenean eta defentsan ateratzea eta gero hori egitea. Soilik Internazionala abestea eta ezker ukabila altxatzea falta zitzaizuen. Ezberdintasun programatikorik ez, soilik postuak eta dirua dira eskatzen ari zinetenak.

Badakit zer esango didazuen. Ez genekien ezer horri buruz. Ez ginen bilera horietan egon. Ba ni bilera horietan egon nintzen eta lekukoak daude. Niri asko gustatuko zitzaidakeen ahaldun nagusi izatea Araban, baina ez edozein preziotan, izan ere, horren gainetik baitago nire duintasuna. Zuek ezin zarete berdinak izan politikarako. Aldaketaren motore izango zaretela diozue, begira, “punto muerto”-an ikusten zaituztet eta gainera eskuinerantz biratzen. Eta aholku bat emango dizuet, aldatu zuen siglak, izan ere ezkerreko izaeratik ez duzue ezer. Eta batutik ere ez."