Zestoako Gaztetxe berriari babesa eman diote, mobilizazio baten bidez
Aurreko larunbatean, elkartasun egitarau baten barruan, manifestazio bat izan zen Zestoan, Elizari birjabetutako Gaztetxe berriari babesa emateko. Huste arriskuan jarraitzen du Gaztetxeak, baina Gazte Asanbladako kideek adierazi dute ez dutela "amore emango Zestoari merezi duen Gaztetxea eman arte". Proiektua herriko zentrora tokialda dezatela aldarrikatu dute berriz.
Huste arriskuan segitzen du Zestoako (Gipuzkoa) Gaztetxe berriak, Gazte Asanbladak aurreko astean azaldu zuen modura. Zentroko lokalaren birjabetzearen kontrako salaketa bat aurkeztu du legezko jabeak, Elizak, eta, beraz, berehalakoa izan daiteke asanbladako kideen kanporatzea eta Gaztetxearen hustea. Proiektu berriari babesa eman diote Zestoa inguruko hainbat Langile Kontrolpeko Espaziok eta eragilek, eta elkartasun egitarau bat antolatu zuten joan den larunbaterako.
Larunbat goizean elkartu ziren Gaztetxean Zestoako nahiz inguruko herrietako hainbat eta hainbat gazte, espazioa egokitzeko lanetan aritzeko eta elkarrekin bazkaltzeko. Iluntzean, berriz, mobilizazio bat egin zuten Zestoako plazatik abiatuta, Gaztetxea zentrora, soluzioa orain lelopean. 200 lagunetik gora mobilizatu ziren, Gaztetxe berria babesteko.
Epe luzerako bermerik ez
Manifestazioaren amaieran, Gaztetxea tokiz aldatzeko beharrari azpimarra egin zioten berriz Zestoako Gazte Asanbladako kideek, orain arte proiektua kokatu den lekuak (Kultur Etxeko goiko solairua) dituen mugez ohartarazita. Toki horren irisgarritasun falta, espazio falta edota intsonorizazio falta nabarmendu zituzten. Gogorarazi zuten, gainera, Zestoan ez dagoela "epe luzera Gaztetxerik bermatuta", "herriko alderdi politikoek Kultur Etxerako dituzten etorkizunerako proiektuetan" ez baita Gaztetxea han "inondik inora kokatzen".
Beraz, azken urteetan asanbladatik "lan handia" egin dutela azaldu zuten gazteek, espazio egoki bat lortzeko eta Gaztetxea lekualdatzeko. "Bitarte horretan, Elizak eta udal gobernuak oztopoak besterik ez dizkigute jarri", salatu zuten, ordea. Horren adibide modura aipatu zituzten "negoziaketa aurrera eramateko hiruko mahaia osatzeko urteak pasatu beharra eta [tokialdaketarako] proiektua aurkeztu genuen momentutik [Elizak eta udalak] interes gutxi jarri izana". "Jarrera pasibo horren ondorioz, negoziaketak aurrera eramateko eta behin betiko soluzio bat lortzeko pausoren bat ematera behartuta ikusi ginen; zehazki, zentroa birjabetzea", esan zuen asanbladak.
Azken asteetako lana eta berriak
"Zentroko lokalean sartu ginenean, eraikina oso egoera txarrean aurkitu genuen, eta beraz, lehenengo momentutik hura egokitzeko lanetan hasi ginen", jakinarazi zuten larunbatean asanbladako kideek. "Hala ere, lehenik eta behin espazioa bermatu behar genuela ikusi genuen, eta Elizarekin zein udal gobernuarekin [EH Bildu] harremanetan jarri ginen", zioten. "Alkateak hitz politak eta Gaztetxe berria bermatzeko bere konpromisoa adierazi zizkigun arren, gotzaindegiarekin berehala harremanetan jarri ez zenez, hark harremana moztu eta negoziaketak blokeatu zituen", zehaztu zuen Gazte Asanbladak.
Elizaren, udalaren eta alderdien jarrera
Hortaz, Elizaren nahiz udalaren jarrera seinalatu zuen: "Batetik, gotzaindegiaren erantzun bakarra bide judiziala hartzea eta, horrenbeste predikatzen duen bakearen ordez, biolentzia polizialaren bidez lokalaren desalojoa eskatzea izan delako. Eta bestetik, udal gobernuak, Elizaren blokeoaren atzean jarrera pasiboa erakutsiz eta asanbladari gero eta jaramon gutxiago eginez, egoeraren blokeoa betikotu duelako".
Dena den, EH Bilduren nahiz EAJren jarrera salatu zuen asanbladak: "Herrian Gaztetxearekin dagoen arazoaren aurrean, ez ikusiarena egin eta horren gaineko jarrera publikorik agertu gabe, hauteskundeei begira soilik jarraitzen dute".
Huste arriskua, bere horretan
Gazte Asanbladak oroitarazi zuen Ertzaintzak sei gazte identifikatu dituela Gaztetxe berrian, "indarkeria polizial bortitza" tarteko, eta "prozesu judizial bat ireki" denez, zentroko lokaletik kanporatuak izateko arriskuan jarraitzen dutela. "Zestoako Gazte Asanbladatik, udal gobernuari zein Elizari egoera desblokeatzeko eta Gaztetxearen auziari soluzioa orain emateko deia egiten diegu, biak baitira arazoaren erantzule", gaineratu zuen. Asanbladako kideek adierazi zuten ez dutela "amore emango Zestoari merezi duen Gaztetxea eman arte".
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
