AEBetan abortu pilula debekatzeko zorian da epaile kontserbadore bat
Abortuetan erabiltzen den mifepristona pilularen salmenta debekatzeko eskatuz abortuaren aurkako lobbyek hasitako auzia Matthew Kacsmaryk epailearen esku da. Badirudi eskaera babestu eta neurri federal bat onar dezakeela AEBetan. 2000 urtetik 5,6 milioi emakumeek erabili dute. Emakumeen Martxako ekintzaileak aurka manifestatu dira, eta AEBetako Elikagai eta Sendagaien Administrazioa den FDAk pilularen segurtasuna defendatu du.
Epaile federal kontserbadore batek abortuaren aurkako eragileek aurkeztutako helegite bat aztertu du asteazkenean, eta abortatzeko pilula mifepristona AEBetan debekatzeko eskatu diote, Agence France-Presse berri agentziak zabaldu duenez.
Donald Trump presidente ohiak izendatu zuen Matthew Kacsmaryk epaile federalak gidatutako saioa lau ordu baino gehiagoz luzatu da. Abortu prozesuetan erabilitako mifepristona pilularen salmenta debekatzeaz aritu dira eta badirudi auzi-jartzaileen eskaera babestu eta neurri federal bat onartzeko aukera dagoela, The Washington Post egunkariak informatu duenez.
Joan den Ekainean Gorte Gorenak abortatzeko eskubide konstituzionala ezeztatu zuen eta harrezkero, hamabost estatu kontserbadorek debekatu dute abortu mota oro. Beste batzuk, hala nola Florida, praktika hori gogor murrizteko prozesuan sartuta daude.
Urtero 500.000 emakumek erabiltzen dute abortatzeko pilula
Baina erabaki honek herrialde osoko emakumeei eragin diezaieke –urtero 500.000 emakumek erabiltzen dute abortatzeko pilula–, baita abortatzeko eskubidea babesten duten estatuei ere.
Milioika emakume erabakiaren kontra
“Ez da zure umetokia, ez da zure erabakia” bezalako mezuekin, Emakumeen Martxako ekintzaileak gortearen aurka agertu ziren. AFPko kronikan zenbait manifestarirekin mintzatu dira, eta besteren artean salatu dute sakonean ez dagoela eztabaida zientifikorik –abortuaren aurkakoek horrela ere planteatu dute–, baizik eta erabat ideologikoa dela kontua. Beste manifestari baten hitzetan, emakumeen artean kezka handia da.
Kasuaren azterketa sakonaren zain egon gabe, abortuaren aurka daudenek justizia federalak lurralde osoan pilularen baimena etetea nahi dute. Asteazkenean azkar jokatzeko eskatu diote epaileari. Produktu horren “ondorio kaltegarriak” ez dutela mugarik, eta ezin dutela “denborarik galdu” esan du Erik Baptist abokatuak, CNNk jaso duenez.
Bestalde, AEBetako Elikagai eta Sendagaien Administrazioko (FDA) abokatuek mifepristonaren segurtasuna defendatu dute, pilula hori 23 urtez 5,6 milioi emakumek erabili dutela eta oso arazo gutxi sortu dituela argudiatuz (1.500 baino gutxiago).
Pilularen nondik-norakoak
Abortu-pilula eta "biharamuneko pilula" ez dira gauza bera
AEBetan, mifepristona eta misoprostola pilulak erabiltzen dira, Elikagai eta Sendagaiak Administartzeko Agentziak baimendua 2000. urtetik. Guttmacher institutuaren arabera, AEBetako abortuen erdiak baino gehiago (%53) sendagaiekin egin dira.
AFPren arabera, bi pilula horiek erabiltzen direnean abortuak oso seguruak eta eraginkorrak dira. Odol fluxu handia, sukarra, infekzioak edo erreakzio alergikoak gisako konplikazio gutxi izaten da.
Abortu-pilula eta "biharamuneko pilula" ez dira gauza bera; izan ere, lehenengoa, haurdunaldia berretsi ondoren hartzen da, haurdunaldia eteteko. Bigarrena, aldiz, babesik gabe izandako harreman baten ostean hartzen da.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]
Espainiako lau pertsonaren gorpuak identifikatu dituzte. Urduñako desobiratze lanak 2024ko abenduak amaitu ziren eta guztira 93 pertsonaren gorputzak berreskuratu zituzten. Aurkikuntza berriekin, hamazazpi pertsona dira jada identifikatu dituztenak.
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
AEBen bitartekaritzarekin larunbatean adostutako su-etenak badirudi bi aldeen arteko tentsioa murriztu duela. Halere, Narendra Modi presidenteak ohartarazi du Indiak ez dituela ekintza militarrak amaitu, baizik eta "eten tarte baterako". Islamabadeko eta New Delhiko... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Elkarteak salatu du okupatutako etxebizitza 1.615.000 euroan erosi zela 2021ean, eta egun 2.980.000 euroAn saltzen dela. Okupazioak iraun bitartean, espekulazioak sortzen dituen arazoez mintzatu dira etxeko egongelan. Balkoian Espekulazioa: biztanleentzat etxebizitzarik ez... [+]
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]