Supersurreko obren leherketek XVII. mendeko jauregia kaltetu dute Bilbon
Autobidea igarotzeko tunel batean izaten ari diren etengabeko leherketek etxebizitzei eta ondare arkitektonikoari eragin diete. Bilboko Bolintxu haraneko herritarrak kexu dira eta Supersur handitzearen kontrako plataformak publiko egin du salaketa.
Gau eta egun sumatzen dituzte leherketak Bilboko Seberetxe eta Buia auzoetako bizilagunek, kasu askotan lorik ez egiteraino. Azken asteotan Supersur saihesbidearen handitze lanetan tunel bat egiten ari dira eta leherketen dardarek kalteak eragin dituzte, ez soilik etxebizitzetan, baita Seberetxen dagoen XVII. mendeko jauregian ere.
Jauregi hori Bilbon dauden hiru eraikin barrokoetako bat da, Larrinaga dorrea edo Zeberitxa izenez ere ezaguna, eta babes berezia dauka bere interes arkitektoniko eta kulturalagatik.
Supersur handitzearen kontrako plataformak azaldu duenez jauregian "pitzadurak eta erlaitz zatien luiziak izan dira, eta poliziak eta suhiltzaileek esku hartu behar izan dute fatxadak ziurtatzeko eta eroritako zatiak kentzeko".
Horrez gain, etxebizitzetan ere pitzadurak agertu dira. Inguruan, hain justu, XVI. mendeko baserri batek iraun du orain arte. Hala, plataformak beste behin eskatu du lan "garesti, xahutzaile eta alferrikako hori geldiaraztea".
Bolintxu haranean aspaldi ari dira bizilagunak Supersur handitzearen kontrako protestetan. Manifestazioak ere egin dituzte, talde ekologisten aburuz Bilbon dagoen azken arnasgune naturala da –Arnotegi eta Pagasarri mendien artean, baserriak eta basoa kontserbatzen diren bakarra– suntsituko duelako azpiegiturak.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Iaz ireki zuten Supersurraren fase berria. Bilboko azken haran naturala porlanez zikindu ostean, bidesaria ordaintzeko prest dauden gidariek, eta erratuta Supersurrera sartzen diren horiek, minutu pare bat irabazi ahal dizkiote erlojuari.
Eraikuntza enpresek dezente gehiago... [+]